१ ठेसलोनीकी 3:11 - पुर्वीय मगर

¹¹ अब कानुङ परमेश्‍वर बोइ मेखोलै र प्रभु येशूये नाखुरीक लेठाङ राखी कानुङ लागी लाम खोलीम याख्‍यौ।

१ ठेसलोनीकी 3:11 ပူးပေါင်းရင်းမြစ်များ

मत्ती 6:14

“इडीक नाखुरीकुङ विरुधाङ पाप जाट्‍चकोलाक नाखुरीकै क्षमा जाटा डेनाङ स्‍वर्गाङ लेच बोये र नाखुरीककी क्षमा जाट्‍ले।

मत्ती 6:18

इडीक नाकै याङ्‍च जाटा डेनाङ नाकुङ उपवास भर्मीकै होइन, टर गुप्‍टाङ लेच नाकुङ परमेश्‍वर बोये डाङ्‍ले। र नाकै गुप्‍टाङ ही-ही जाट्‍नने होसे डाङ्‍च नाकुङ परमेश्‍वर बोये नाकोकी इनाम याल्‍हे।

मत्ती 6:26

सर्‌घाङ भुर्‌च ग्‍वाजाकोलाक ङोस्‍नी। होखुरीकै छोयो र माभेरेट्‍ले, अन्‍न र माचेले, अनी ढुकुटीयाङ र माठन्‍कडीले। टर नाखुरीकुङ स्‍वर्गाङ लेच बोये होखुरीककी कास्‍ले। होसे ग्‍वाजाको डेनाङ नाखुरीक ढेरै मोलुङ माले र?

मत्ती 6:32

हीजैडेनाङ अन्‍यजातिकै टी इसे पट्‍ट न ठोकको पाले ट, नाखुरीकुङ स्‍वर्गाङ लेच बोये चहीँ नाखुरीककी इसे पट्‍ट न ठोकौ खाँचो ले डेम वार्‌ल्‍हे।

मत्ती 6:4

नीये याछ दान गुप्‍टाङ छान्‍ख्‍यौ, अनी गुप्‍टाङ यान्‍हाङ डाङ्‍च परमेश्‍वर बोये नाङ्‍की इनाम याल्‍हे।

मत्ती 6:6

टर जब नुओ प्रार्थना जाट्‍च बेला छान्‍ले, टब लहो कोठा भीत्री नुङ्‍ना र गालाम ठुनार गुप्‍टआङ लेच नुओ परमेश्‍वर बोइ खाटा प्रार्थना जाटो, र नीये गुप्‍टाङ ही-ही जाट्‍नने होसे डाङ्‍च नुओ परमेश्‍वर बोये नाङ्‍की इनाम याल्‍हे।

मर्कूस 1:3

उजाड ठावाङ काट जना भर्मी बाड्‍को सोरै डेमन ले, ‘परमप्रभुओ लाम तयार खास्‍नी, होसकुङ लाम सोझो खास्‍नी।’”

लुका 12:30

परमेश्‍वरकी माचीन्‍डीचकै टी याङ्‍च कुरौ चीन्‍टा जाट्‍ले। इसे पट्‍ट कुराको नाखुरीककी चहडीस्‍नने डेयार नाखुरीकुङ परमेश्‍वर बोये वार्‌न्‍हने।

लुका 12:32

येशूये चेलाकोलाक डेया, “ए मार्‌जा बगाल, माबीर्‍हीनी! हीजैडेनाङ परमेश्‍वर बोये मेखोल्‍हौ राज्‍यौ अधिकार नाखुरीककी याखी डेम मार्‍हाङ्‍नने।

युहन्‍ना 20:17

येशूये होसकी डेया, “ङाकी घोम माडानी, हीजैडेनाङ ङा चाहाँसम्‍म बोइ लेठाङ मानुङ्‍ङने। टर ङौ चेलाको लेठाङ नुङार होखुरीककी डेम यान्‍ही, ‘ङौ बोइ र नाखुरीकुङ बोइ, ङौ परमेश्‍वर र नाखुरीकुङ परमेश्‍वर लेठाङ ङा नुङ्‍ङन ले।’”

१ ठेसलोनीकी 3:13

कानुङ प्रभु येशू लहो पवित्र भर्मीको खाटा रान्‍हाङ कानुङ परमेश्‍वर बोयो म्‍याहासाङ नाखुरीकुङ रीदयकी पवित्र र निर्दोष खासार बलीयो खास्‍न याख्‍यौ।

१ ठेसलोनीकी 4:16

हीजैडेनाङ होसनीक प्रभु सोयम मेखोला न आग्‍यौ बाड्‍को सोर खाटा, प्रधान स्‍वर्गदूतौ सोर र परमेश्‍वरौ टुरही म्‍हुट्‍च बेलाङ प्रभु स्‍वर्ग लकीङ राल्‍हे र होडीक न बेला ख्रीष्‍टकी विश्‍वास जाटार सीचको पट्‍ट डेनाङ पहीला जीवाम सोले।

१ ठेसलोनीकी 5:23

शान्‍तियो परमेश्‍वर लहे न नाखुरीककी पवित्र डाख्‍यौ। कानुङ प्रभु येशू ख्रीष्‍ट फेरी रान्‍हाङ नाखुरीकुङ आत्‍मा, प्राण र शरीर निर्दोष छान्‍ख्‍यौ।

२ ठेसलोनीकी 2:16

कानुङ प्रभु येशू ख्रीष्‍ट र परमेश्‍वर बोये कानकी माया जाटा र होसकुङ अनुग्रहै सेन्‍र अन्‍त्‍य माछान्‍च उत्‍साह र सेछ आशा याहा।

२ ठेसलोनीकी 3:16

अब कानकी शान्‍ति याछ प्रभु लहे न सधैँ नाखुरीककी पट्‍ट न कीसीमै शान्‍ति याख्‍यौ। नाखुरीक पट्‍टको खाटा प्रभु ङुख्‍यौ।

२ ठेसलोनीकी 3:5

परमेश्‍वरै नाखुरीकुङ रीदयकी जाट्‍च माया र ख्रीष्‍टौ सहडीच शक्‍ति बुझडीस्‍की प्रभुये न डोरीख्‍यौ।

१ युहन्‍ना 3:1

ङोस्‍नी, परमेश्‍वर बोये काल्‍हाकी कुडीक धेरै प्रेम जाट्‍नने! होसकुङ प्रेमौ कारनै न काल्‍हाको परमेश्‍वरौ मीजाको डेयार चीन्‍डीमने, अनी चीन्‍डीच मट्‍टै होइन साँच्‍ची न मीजाको हो। टर संसारुङ भर्मीकै काल्‍हाकी माचीन्‍डीले, हीजैडेनाङ होखुरीकै परमेश्‍वरकी माचीन्‍डीया।