१ ठेसलोनीकी 2:9 - पुर्वीय मगर

⁹ ङौ डाजेभाइको र डै बहीनीको, कानै जाट्‍च मेहनत नाखुरीकै आर्‌मीट्‍नने। कानै नाखुरीक सुकीर भार मापर्‌ख्‍यौ डेम नाबीक नाम्‍सीन काम जाट्‍न नाखुरीककी परमेश्‍वरौ सेछ समाचार सेटाका।

१ ठेसलोनीकी 2:9 ပူးပေါင်းရင်းမြစ်များ

लुका 18:7

होटजाट्‍न न परमेश्‍वरै मेखोल्‍हाकी नाबीक नामसीन पुकारीच, लहे भाक्‍च भर्मीकोलाक अन्‍याय लकीङ माजोगडीले र? ही होसकै होखुरीककी साहायटा जाट्‍की ढीलो जाट्‍ले र?

लुका 2:37

आसको चौरासी वर्ष टाम्‍हन्‍या। होसकै सेन्‍र परमेश्‍वरौ मन्‍दिर माडास्‍नन्या र नाबीक नाम्‍सीन उपवास र प्रार्थना जाट्‍चै आराधना जाट्‍नन्‍या।

प्रेरित 18:3

होखुरीक काट न काम जाट्‍च बाटै पावल र होखुरीक खाटा न ङुवार काम जाटा, हीजैडेनाङ होच्‍यौ काम र पाल खास्‍च लेया।

प्रेरित 20:24

टर ङा ङाल्‍हौ जीवनकी हीर मोलौ र लहो लागी प्रिय माठान्‍डीले। इडीक मट्‍टै ङा मीमन जाट्‍ले, की प्रभु येशूलकीङ डुप्‍च सेवकाइ ङा पुरा जाट्‍की य्‍होकीङ। होसे चहीँ परमेश्‍वरौ अनुग्रहौ सेछ समचार टाहाक्‍की हो।

प्रेरित 20:31

इटबाटै होसीयार छान्‍नी र इसे कुरा आर्मीट्‍नी, सोम वर्षसम्‍म नाबीक नामसीन मीराप्‍डी जोकाक्‍चै पट्‍ट भर्मीकोलाक ङै चेटावनी याम्‍ह न ङुवा।

१ ठेसलोनीकी 1:3

कानुङ परमेश्‍वर बोयो म्‍याहासाङ नाखुरीकुङ विश्‍वासलकीङ जाट्‍च काम, प्रेमै जाट्‍च मेहनट र कानुङ प्रभु येशू ख्रीष्‍टाङ डाच आशौ सहनसीलटा कान आर्‌मीट्‍न न ङुले।

१ ठेसलोनीकी 2:2

होला राखी डेनाङ अगाडी लकीङ न फीलीप्‍पी सहरुङ भर्मीकै कानकी डुख याहा र बेइजट जाटा डेच कुरा र नाखुरीककी ठाहा न ले। टर वास्‍टै विरोधीको लेनाङ र परमेश्‍वरै कानकी साहस याछ बाटै नाखुरीककी कानै परमेश्‍वरौ सेछ समाचार सेटाक्‍की य्‍होका।

१ ठेसलोनीकी 2:6

कानै नाखुरीक लकीङ अठबा अरु सुर भर्मी लकीङ प्रशंसा मापा। कान ख्रीष्‍टौ प्रेरित छान्‍च हैसीयटै नाखुरीक मीटाक अधिकार जाट्‍की य्‍होक्‍च लेया।

१ ठेसलोनीकी 3:10

नाखुरीककी फेरी डुप्‍की डेयार कान नाबीक नाम्‍सीन परमेश्‍वरखाटा प्रार्थना जाट्‍न ङुमने। डुपार नाखुरीकुङ विश्‍वासाङ ही-ही कुरा कमी ले, होसे पुरा जाट्‍न याखी य्‍होक्‍च लेया।

१ टीमोठी 1:11

इसे काल्‍हौ शिक्षा चहीँ प्रचार जाट्‍की डेम परमधन्‍य परमेश्‍वरै ङाकी याछ महीमीत सेछ समाचार अनुसार ले।

१ टीमोठी 4:10

होटबाटै कान सधैँ कडा मीहीनेट जाटार काम जाट्‍ले, हीजैडेनाङ कानुङ आशा जीउँडो परमेश्‍वराङ डामने, होसकै पट्‍ट न भर्मीकोलाक मुक्‍ति याखी य्‍होक्‍ले टर खास जाट्‍न होसको मीटाक विश्‍वास जाट्‍चकोलाक चहीँ हो।

१ टीमोठी 5:5

लहो सुर मालेच बीढुवाकै चहीँ लहो भरोसा परमेश्‍वराङ मट्‍टै डाले। अनी नाबीक-नाम्‍सीन होखुरीकै परमेश्‍वर खाटा सहायता ङेछै प्रार्थना जाट्‍न ङुले।

२ टीमोठी 1:3

ङौ शुद्ध बीबेकखाटा ङा ङौ बोइ बाज्‍युकै जाट्‍नाङ लेखा न परमेश्‍वरौ सेवा जाट्‍ले। नाबीक नाम्‍सीन ङौ प्रार्थनाङ ङा नाकोकी आर्‌मीट्‍ले। ङौ प्रार्थनाङ ङा नाकुङ लागी परमेश्‍वरकी धन्‍यवाद याल्‍हे।