१ ठेसलोनीकी 2:16 - पुर्वीय मगर

¹⁶ होखुरीकै कानकी मुक्‍तियो सेछ समाचार अन्‍यजातिकोलाक सेटाक्‍की माय्‍हा। इटजाट्‍न होखुरीकै पापौ ठुप्‍रो खास्‍चै नुङा। अन्‍टीमाङ परमेश्‍वरौ मीरीस होखुरीक मीटाक पर्‌या।

१ ठेसलोनीकी 2:16 ပူးပေါင်းရင်းမြစ်များ

मत्ती 12:45

टब होसे नुङ्‍ले र लाहा डेनाङ झन दुष्‍ट अरु साट ओटा आत्‍माकोलाक लार राल्‍हे, र भीत्री पर्‌यार ङुले। अनी होसे भर्मीयो डसा पहीलुङ डेनाङ न्‍हुङ्‍लकुङ डसा झन मासेछ छान्‍ले। इसे दुष्‍ट पुस्‍ताकी र होङ्‍च न छान्‍ले।”

मत्ती 23:32

होटबाटै अब नाखुरीकुङ बोइ बाज्‍युकै सुरु जाट्‍च पापौ काम पुरा जाट्‍नी!

मत्ती 24:14

अनी इसे राज्‍यौ सेछ समाचार चहीँ पट्‍ट जाटीकुङ लागी गबाहीयो रुपाङ संसार भरी प्रचार जाट्‍ले, टब संसारौ अन्‍त्‍य राल्‍हे।

मत्ती 24:6

“नाखुरीकै लडाइँ छाना डेच र लडाइँ छान्‍च हल्‍लाको सेले। टर होडीक बेला नाखुरीक माबीर्‍हीखी। होसे पट्‍ट न कुरा च छान्‍की न पर्‌ले, टर होडीक बेला न च संसारौ अन्‍त्‍य माछान्‍ले।

मत्ती 3:12

होसकुङ टाप्‍च न्‍हाङ्‍ल्‍या होसकुङ न मीहुटाङ ले र लहो खलाकी सफा जाट्‍ले, अनी गहुँ ढुकुटीयाङ जम्‍मा जाट्‍ले टर भुस चहीँ सेन्‍र मासीच म्‍हेयाङ सीकाक्‍ङ याल्‍हे।”

मर्कूस 16:16

विश्‍वास जाटार बप्‍तिस्‍मा लाचये उडार डुप्‍ले, टर विश्‍वास माजाट्‍च चहीँ दोषी ठहरीस्‍ले।

प्रेरित 13:45

होटै यहूदीकै भीडकोलाक डाङार होखुरीकुङ मीमन डाहै न्‍हेपा र पावलै ङाक्‍च कुरौ विरोधाङ होसकी च्‍याका।

प्रेरित 13:50

टर पावल र बारनाबासौ विरोधाङ यहूदीकै भक्‍ति जाट्‍च र भर्मीकै मान जाट्‍च मास्‍टो भर्मीको र सहरुङ मुख्‍य-मुख्‍य भर्मीकोलाक सोटा। होखुरीककी सटडीयार मेखुरीकुङ क्षेत्र लकीङ छ्‍युकार खेट्‍डीम का।

प्रेरित 14:19

होटै न्‍हुइङ एन्‍टीओखीया र आइकोनीयन सहरीङ कुडीक जना यहूदीको होला राहा। होखुरीकै भर्मीकुङ हुलकी सोटार पावलकी ल्‍हुङ ङापार हीर्‌कडीकी लैडीयार होसे सीया डेयार होखुरीकै आर्‌ढुस्‍चै सहरलकीङ बाहीर आल्‍हार लोम्‍हका।

प्रेरित 14:2

टर विश्‍वास माजाट्‍च यहूदीकै चहीँ अन्‍यजातिकोलाक भड्‍कडीयार विश्‍वास जाट्‍च डाजे-भाइकुङ विरुद्धाङ होखुरीकुङ मीमन बीर्‌छ खास्‍न याहा।

प्रेरित 14:5

होटै अन्‍यजाति र यहूदीको मेखुरीकुङ शासककोखाटा खाटार पावल र बारनाबासकी मासेछ ब्‍यावहार जाट्‍की र ल्‍हुङै ङापार साट्‍की डेम सल्‍ल्‍हा जाटा।

प्रेरित 17:13

बेरीयाङ र परमेश्‍वरौ बचन पावलै प्रचार जाट्‍न न ले डेच कुरा ठेसलोनीकेयुङ यहूदीकै थाहा डीन्‍हा। अनी होखुरीक होला र भर्मीकोलाक गाराङ्‍की र सुरडीकी टाराहा।

प्रेरित 19:9

टर कुडीक जनै चहीँ मीमन कठोर खासार विश्‍वास माजाटा। होखुरीकै प्रभुओ लामौ बारेयाङ अरुकुङ अगाडी न विरोध जाट्‍चै मासेछ कुराको ङाक्‍की ठाला। होटबाटै पावल होखुरीककी डासार नुङा। विश्‍वासी कोलाक आल्‍हार टुरान्‍नस डेठुङ काट स्‍कुलाङ डीन-डीनै बहस जाट्‍चै डुप्‍म न ङुवा।

प्रेरित 21:21

होखुरीकै नाकुङ बारेयाङ र कुडीक कुरा सेमने, होसे ही डेनाङ, अन्‍यजातिकुङ मीघ्‍याङ ङुच यहूदीकोलाक नाकै ‘मोशौ व्‍यवस्‍थाकी मामन्‍डीकी र होखुरीकुङ मीजाकोलाक खतना माजाट्‍की अनी रीटीठीटी र मामन्‍डीकी’ डेयार पाहाक्‍ङने टा।

प्रेरित 23:12

गोराक ट्‍याङ्‍रखीङ यहूदीको भेला छानार पावलकी साट्‍च सल्‍लाह जाटा र होखुरीकै इट डेम शपथ ज्‍या, “पावलकी मासाट्‍ठर कान हीर माज्‍याले र डी र मागाले।”

प्रेरित 24:9

अरु यहूदीकै र तर्तुल्‍लसै डेच कुरा पट्‍ट न साँचो हो डेया।

प्रेरित 25:2

जब होसे होला टाहा र होलुङ मुख्‍य पुजाहारीको र यहूदीकुङ मुख्‍य-मुख्‍य भर्मीकै पावलौ विरुद्धाङ दोष लैडीया,

प्रेरित 25:7

पावल टाराहा, अनी यरूशलेमीङ राछ यहूदीकै होसकी वरीपरी घेरीयार होच्‍यौ विरोधाङ बाड्‍को खाल-खाल्‍या दोषको लैडीया। टर होसे दोषकुङ कुसेर प्रमाण होखुरीकै याखी माय्‍होका।

प्रेरित 4:12

“अरु सु लेठाङ र मुक्‍ति माले हीजैडेनाङ संसाराङ कुसेर म्‍यार्‌मीन माय्‍हामने होसे म्‍यार्‌मीनै चहीँ काल्‍हाकी जीवाक्‍की य्‍होक्‍ले।”

प्रेरित 9:23

होटै वास्‍टै डीन छान्‍रखीङ यहूदीकै होसकी साट्‍च योजना जाटा।

१ ठेसलोनीकी 1:10

होखुरीकै डेया नाखुरीक परमेश्‍वरौ मीजा येशू स्‍वर्ग लकीङ राल्‍हे डेयार लेन्‍न ङुमने। होसको परमेश्‍वरै सीच लकीङ जीवाटाक्‍च येशू हो। कान मीटाक राखी पाच परमेश्‍वरौ मीरीस लकीङ जीवाटाक्‍च र होसको न हो।

२ ठेसलोनीकी 2:10

होचे नास छान्‍च जटी पट्‍टकी होच्‍यौ दुष्‍ट काम लकीङ छलीले हीजैडेनाङ होखुरीकै मुक्‍टी याछ सत्‍यकी माया जाट्‍की र होस अनुसार जीवाकी मीमन माजाटा।

१ टीमोठी 2:4

पट्‍ट न भर्मीको जीवाख्‍यौ र सत्‍यकी चीन्‍डीख्‍यौ डेच होसकुङ इच्‍छा हो।