१ ठेसलोनीकी 2:15 - पुर्वीय मगर

¹⁵ होसे यहूदीकै प्रभु येशूकी र अगमवक्‍ताकोलाक र साटा र कानकी र खेट्‍डीमका। होखुरीकै परमेश्‍वरकी जाक्‍ङ मासेच काम जाटा र पट्‍ट भर्मीकुङ विरोधी छाना।

१ ठेसलोनीकी 2:15 ပူးပေါင်းရင်းမြစ်များ

मत्ती 23:37

“यरूशलेमुङ भर्मीको, ए यरूशलेमुङ भर्मीको, नाखुरीकै अगमवक्‍ताकोलाक साट्‍ले, अनी नाखुरीक लेठाङ बीर्‌न्‍हकाच कोलाक ल्‍हुङै हीर्‌कडीले! कुटजाट्‍न गोमानै लहो मीजाकोलाक बटुलीयार मीखारै हुप्‍ले, होटजाट्‍न न ङै वास्‍टै खेप नाखुरीककी बटुलीच मीमन जाटा, टर नाखुरीकै मामन्‍डीया।

मत्ती 27:25

अनी पट्‍टन भर्मीकै च्‍याक्‍चै डेया, “छान्‍ने-छान्‍ने, होच्‍यौ य्‍हुओ दोष कान र कानुङ मीजाको मीटाक न पर्‌ख्‍यो।”

मत्ती 5:12

होडीक बेला नाखुरीक साप्फी मार्‍हाङ्‍नी, हीजैडेनाङ स्‍वर्गाङ नाखुरीकुङ इनाम बाड्‍को ले। होटजाट्‍न न खायाकुङ अगमवक्‍ताकोलाक र होखुरीकै सटडीमन्‍या।

लुका 24:20

टर मुख्‍य पुजाहारीको र कानुङ शासककै होसकोकी मृत्‍यु दण्‍डौ लागी जीम्‍मा याहा। होटै होसकोकी भर्मीकै क्रूसाङ टाँङ्‍गडीया।

प्रेरित 12:3

याकुबकी साट्‍रखीङ यहूदीको मार्‍हाङ्‍छ डाङार हेरोदै पत्रुसकी र घोवा। इसे घटना अखमीरी रोटोओ चाडौ बेलाङ छानन्‍या।

प्रेरित 2:23

परमेश्‍वरै ठहरीच निश्‍चित योजना चहीँ होसकोकी अगाडी लकीङ न थाहा लेया होसे अनुसार न येशूकी नाखुरीकुङ मीहुटाङ जीम्‍मा याहा। अनी नाखुरीकै होसकोकी अधर्मी भर्मीकुङ मीहुटाङ याहा र क्रूसाङ टङ्‍गडीयार साटा।

प्रेरित 3:15

र जीवन याछकी चहीँ नाखुरीकै साटा। टर होसकोकी परमेश्‍वरै सीच लकीङ जीवाक्‍ङ ने र इसे कुरौ कान साक्षी ले।

प्रेरित 4:10

नाखुरीक पट्‍टकी र इस्राएलुङ पट्‍ट न भर्मीकोलाक थाहा छान्‍ख्‍यौ की नाखुरीकै क्रूसाङ टङ्‍गडीच टर परमेश्‍वरै सीच लकीङ जीवाटाक्‍च, होसे न नासरतुङ येशू खीरीस्टौ म्‍यार्‌मीनाङ इसे भर्मी गेपार नाखुरीकुङ म्याहासाङ टोङ्‍हने।

प्रेरित 5:30

कानुङ बोइ-बाज्‍युकुङ परमेश्‍वरै येशूकी सीच लकीङ जीवाका, होसकोकी नाखुरीकै क्रूसाङ टङ्‍गडीयार साट्‍नन्‍या।

प्रेरित 7:52

र अगमवक्‍ताको मढ्‍याङ कुसे चहीँकी नाखुरीकुङ बोइ-बाज्‍युकै मासटडीम्‍या र? होखुरीकै परमेश्‍वरौ पवित्र जन राम्‍हन ले डेम अघीलकीङ न घोसना जाट्‍च अगमवक्‍ताकोलाक समेट साटा। अनी नाखुरीकै राछ पवित्र जनकी ढोका याहार साटा। अब नाखुरीक चहीँ होसकुङ ज्‍यानमारा छान्‍ले।