१ ठेसलोनीकी 1:6 - पुर्वीय मगर

⁶ नाखुरीक कानकी र प्रभुकी डुट्‍च उदाहरण छाना हीजैडेनाङ नाखुरीकै पट्‍ट न खालुङ कष्‍ट आइपर्‌न रान्‍हाङ र पवित्र आत्‍मै याछ सेछ समाचारकी आनन्‍द खाटा ला।

१ ठेसलोनीकी 1:6 ပူးပေါင်းရင်းမြစ်များ

मत्ती 16:24

होटै न्‍हुइङ येशूये लहो चेलाकोलाक डेया, “इडीक सुर ङाकी डुट्‍च मीमन जाट्‍ले डेनाङ, होचे लाहाकी इन्‍कार जाट्‍ख्‍यौ र लोहो क्रूस सोटार ङाकी डुट्‍ख्‍यौ।

युहन्‍ना 8:12

येशूये फेरी भर्मीकोलाक डेया, “संसारुङ ज्‍योति ङा न हो। ङाकी डुट्‍चये सेन्‍र छुम्‍ठाङ व्‍हाकी मापर्‌ले, टर होचे जीवन याछ ज्‍योति डुप्‍ले।”

प्रेरित 13:52

एन्‍टीओखीया सहराङ डास्‍न डाच बीस्वासीको पवित्र आत्‍मा र आनन्‍दै न्‍हेपा।

प्रेरित 5:41

प्रेरितको महासभालकीङ आनन्‍द मन्‍डीचै बाहीर ख्‍योहा, “परमेश्‍वरै कानकी येशूओ म्‍यार्‌मीनाङ डुख र अपमान सहडीकी य्‍होक्‍च खास्‍नने” डेयार होखुरीक आनन्‍द छाना।

प्रेरित 9:31

यहूदिया, गालील र सामरीयुङ पट्‍ट न मण्‍डलीकोवाङ शान्‍ति छानार मण्‍डलीको बलीयो छाना। होखुरीक प्रभुखाटा बीर्‍हीमन्‍या र होखुरीककी पवित्र आत्‍मै उत्‍साह याहा होटबाटै मण्‍डलीयाङ भर्मीको ठप्‍डीस्‍चै नुङा।

२ ठेसलोनीकी 1:4

होटबाटै नाखुरीकुङ पट्‌ट न खालुङ सटावट र डुख सहडीकी य्‍होक्‍च शक्‍ति र वीस्‍वासौ बारेयाङ कान परमेश्‍वरौ मण्‍डलीको भीत्री घमण्‍ड जाटार डेकी य्‍होक्‍ले।

२ ठेसलोनीकी 3:7

हीजैडेनाङ नाखुरीक खाटा लेनाङ कानै अल्‍छी जाटार माङुवा। कानै लेखा न नाखुरीकै र जाट्‍की पर्‌ले डेच कुरा च नाखुरीककी ठाहा न ले।

२ ठेसलोनीकी 3:9

कानै नाखुरीक लकीङ सहायता डुप्‍च अधिकार मालेचये होइन, टर नाखुरीकुङ लागी नमुना छान्‍की कानै इट जाटा।

२ टीमोठी 4:2

परमेश्‍वरौ सेछ समाचार सेटाक्‍नी, कुङ्‍च समयाङ र सेछ समाचार सेटाक्‍की टयार छानार ङुकी, नम्र छानार दुष्‍ट कामलकीङ ल्‍हेसाक्‍की हप्‍कडीनी, चेटावनी यान्‍ही, हौसला यान्‍ही र शिक्षा याखी माचुकडीस्‍की।

१ पट्‍रुस 1:6

इसे कुराकोवाङ नाखुरीक मार्‍हाङ्‌नी, छान्‍कीयो लागी च चाँहा नाखुरीकै चेक्‍जा समयौ लागी खाल-खालुङ डुखको भोग्‍डीकी पर्‌नने।

१ पट्‍रुस 1:8

नाखुरीकै येशू ख्रीष्‍टकी माडाङ्‌नाङ र प्रेम जाट्‍नने। होसकोकी नाखुरीकै माडाङ्‍ने र पनी होसको मीटाक विश्‍वास जाट्‍नने। अनी बयान न जाट्‍की माय्‍होक्‍च बाड्‍को महीमीत आनन्‍दये नाखुरीकुङ मीमन न्‍हेप्‍मने।

१ पट्‍रुस 3:13

इडीक नाखुरीक सेछ काम जाट्‍च मीमन जाट्‍ले डेनाङ नाखुरीककी हानी जाट्‍च सु छान्‍ले र?

३ युहन्‍ना 1:11

ङौ जाक्‍च लाफा, मास्‍च कुरा सुलकीङ र मालाकी, टर सेछ कुराको मट्‍टै लाकी। सुये सेछ काम जाट्‍ले, होसे परमेश्‍वरौ भर्मी हो, सुये मासेछ काम जाट्‍ले, होचे परमेश्‍वरकी माचीन्‍डीमने।