१ ठेसलोनीकी 1:1 - पुर्वीय मगर

¹ ङा पावल, सीलास र तिमोथीलकीङ इसे चीठी रीक्ङनले, परमेश्‍वर बोइ र प्रभु येशू ख्रीष्‍टै थेसलोनिकीयुङ मण्‍डलीकी अनुग्रह र शान्‍ति याख्‍यौ।

१ ठेसलोनीकी 1:1 ပူးပေါင်းရင်းမြစ်များ

प्रेरित 15:22

प्रेरितको, अगुवाको र मण्‍डलीयुङ पट्‍ट न खाटार होखुरीक मढ्‍य लकीङ भर्मीको भाकार पावल र बारनाबासखाटा एन्‍टीओखीयाङ बीर्‌न्‍हकाकी मीमन जाटा। होखुरीक मढ्‍याङ नीस जना मुख्‍य भर्मीको, यहूदा डेच बारसाबास र सीलासकी चुन्‍डीया।

प्रेरित 15:27

होटबाटै कानै यहूदा र सीलासकी बीर्‌न्‍हकामने। होखुरीकै र नाखुरीककी होसे न कुराको डेम याल्‍हे।

प्रेरित 15:40

होटै पावलै सीलासकी रोजडीया र विश्‍वासी डाजे-भाइकै आसीस ङेम्‍ह यारखीङ होखुरीक बिदा छानार नुङा।

प्रेरित 16:19

टर होच्‍यौ मालीकै होखुरीकुङ पैसा कमडीच लाम बन्‍ड छान्‍च डाङार पावल र सीलासकी घोवार बजारौ चोकाङ शासकको लेठाङ टान्‍डीचै आल्‍हा।

प्रेरित 16:25

टर आढा राटाङ पावल र सीलास प्रार्थना जाट्‍चै परमेश्‍वरौ भजन ल्‍हीङ्‍ङ न लेया र अरु कैदीकै चहीँ सेम ङुमन्‍या।

प्रेरित 16:29

टब होसे हाकीम बट्‍टी ढाक्‍ङ ङेहार खेर्‌न राहा र बीर्‍हीयार बुरुक्‍चै पावल र सीलासौ अगाडी खुखुप छाना।

प्रेरित 17:11

होलुङ यहूदीको ठेसलोनीकेयुङ भर्मीकुङ डेनाङ होखुरीकुङ मीमन खुल्‍ला लेया। हीजैडेनाङ होखुरीकै साप्‍फी चासो जाटार बचन सेया र पावलै डेच कुराको खाट्‍ले की माखाट्‍ले डेयार डीन-डीनै धर्मशास्‍त्र परेसार जाच्‍डीमन्‍या।

प्रेरित 18:5

जब सीलास र तिमोथी माकेडोनीया लकीङ राहा टब पावल बचन प्रचारौ कामाङ पुरा लग्‍डीसा। होचे यहूदीकोलाक येशू न मुक्‍ति याछ ख्रीष्‍ट हो डेम साक्षी याहा।

प्रेरित 19:22

होटै मेल्‍हौ नीस जना लाफा तिमोथी र इरास्‍तसकी पावलै माकेडोनीयाङ बीर्‌न्‍हका, टर मेल्‍हा चहीँ कालाप डीन एसीयाङ न ङुवा।

प्रेरित 20:4

टब बेरीयाङ ङुच पुरसौ लेन्‍जा मीजा सोपाटोरोस, ठेसलोनीके लकीङ अरिस्‍तार्खस र सीकन्‍डस, डर्बीयुङ गायस अनी एसीयुङ टुखीकस र टोरोफीमस र तिमोथी पावल खाटा नुङा।

२ ठेसलोनीकी 1:1

कानुङ परमेश्‍वर बोइ र प्रभु येशू ख्रीष्‍टौ थेसलोनिकीयाङ लेच मण्‍डलीयुङ विश्‍वासी कोलाक कान पावल, सीलास र तिमोथी छानार इसे चीठी रीक्ङनले।

१ टीमोठी 1:2

विश्‍वासाङ ङाल्‍हौ न लेन्‍जा मीजा लेखा न तिमोथीकी इसे चीठी रीक्‍ङन ले। परमेश्‍वर बोइ र कानुङ प्रभु ख्रीष्‍ट येशूये नाकोकी अनुग्रह, कृपा र शान्‍ति याख्‍यौ।

२ टीमोठी 1:2

ङाल्‍हौ न लेन्‍जा मीजा ल्‍याक्‍च तिमोथी नाकोकी ङा इसे रीक्‍ङन ले। परमेश्‍वर बोइ र काल्‍हौ प्रभु ख्रीष्‍ट येशूये नाङ्‍की अनुग्रह, कृपा र शान्‍ति याख्‍यौ।

१ पट्‍रुस 5:12

ङौ विश्‍वास योग्‍य भाइ सीलासौ साहयटै ङै इसे टुन्‍छ चीठी नाखुरीककी रीक्‍ङने। ङै इसे पट्‍ट न परमेश्‍वरौ साँचो अनुग्रहौ साक्षी याखी र नाखुरीकुङ साहस बड्‍डीम याखी रीक्‍च हो। इसे अनुग्रहाङ नाखुरीक बलीयो खाटा खडा छान्‍नी।

१ युहन्‍ना 1:3

नाखुरीक र कान खाटा सङ्‍गटी जाट्‍नी डेयार कानै ही डाङने र सेमने, होसे नाखुरीककी सेटाक्‍ले। कानुङ सङ्‍गटी चहीँ परमेश्‍वर बोइ र होसकुङ मीजा येशू ख्रीष्‍ट खाटा ले।

यहुडा 1:1

ङा येशू ख्रीष्‍टौ डास र याकुबौ भाइ यहूदा लकीङ। परमेश्‍वर बोये चुन्‍डीयार प्रेम जाट्‍च, र येशू ख्रीष्‍टौ लागी सुरक्षा याछ नाखुरीक पट्‍टकी ङा इसे चीठी रीक्‍ङन ले।