१ पट्‍रुस 5:6 - पुर्वीय मगर

⁶ होटबाटै परमेश्‍वरौ शक्‍तिसाली मीहुट म्‍होकी लहे लाहाकी नम्‍र खास्‍नी, र होसकै ठीक समयाङ नाखुरीककी ढेनाम गाराङ्‍ले।

१ पट्‍रुस 5:6 ပူးပေါင်းရင်းမြစ်များ

मत्ती 23:12

हीजैडेनाङ सुये लहाकी बाड्‍को खास्‍ले, होसे मार्‌जा छान्‍ले र सुये लहाकी मार्‌जा खास्‍ले, होसे बाड्‍को छान्‍ले।

लुका 1:52

होसकै घमन्‍डी राजाकोलाक मेखुरीकुङ सिंहासन लकीङ झालाक्‍ङ याम्‍हने, टर नम्‍र कोलाक होसकै ढेनाम सोट्‍नने।

लुका 14:11

हीजैडेनाङ लाहा न बाड्‍को छान्‍की पाचको पट्‍ट न मार्‌जा छान्‍ले। होटै लहे लाहाकी मार्‌जा खास्‍चको चहीँ बाड्‍को छान्‍ले।”

लुका 18:14

होटै येशूये डेया, “ङा नाखुरीककी डेले, होसे फरीसी डेनाङ बरु कर सोट्‍च भर्मी चहीँ परमेश्‍वरौ म्‍याहासाङ धर्मी ठहरीसार लहो इमाङ ल्‍हेसा। सुये लाहाकी माजा खास्‍ले, होसे बाड्‍को छान्‍ले टर सुये लाहाकी बाड्‍को खास्‍ले होसे माजा छान्‍ले।”

१ टीमोठी 2:6

पट्‍ट न भर्मीकुङ लागी छुटकारा याछ डामौ रुपाङ होसकै लाहाकी बली याहा। पट्‍ट न भर्मीको जीवाख्‍यौ डेच परमेश्‍वरौ मीमन हो, र इसे कुरौ प्रमाण ठीक समयाङ याहा।

टीटस 1:3

अनी कानुङ मुक्‍ति याछ परमेश्‍वरौ आज्ञा अनुसार ङाकी जीम्‍मा याछ प्रचार लकीङ ठीक समयाङ होसकै लहो बचन टान्‍हाका।

याकुब 4:10

प्रभुओ म्‍याहासाङ लाहाकी नम्र खास्‍नी, र होसकै नाखुरीककी ढेनाम गाराङ्‍ले।

याकुब 4:7

होटबाटै लाहाकी परमेश्‍वरौ अधिनाङ डानी। शैतानकी विरोध जाट्‍नी र होसे नाखुरीकलकीङ लोस भोग्‍डीस्‍ले।

याकुब 5:10

ङौ विश्‍वासी डाजेभाइको र डै बहीनीको, कष्‍टौ बेलाङ धैर्य जाट्‍च उडाहरन कुङ्‍च छान्‍की पर्च हो, होसे कुरा प्रभुओ म्‍यार्‌मीनाङ ङाक्‍च अगमवक्‍ताकोलाक ङोस्‍नी।