१ पट्‍रुस 5:14 - पुर्वीय मगर

¹⁴ ख्रीष्‍टौ मायै काटै काटकी चुम्‍हार अभिवादन सेटाक्‍ङ यान्‍ही। परमेश्‍वरै ख्रीष्‍टकी विश्‍वास जाट्‍च पट्‍ट न भर्मीकोलाक शान्‍ति याख्‍यौ।

१ पट्‍रुस 5:14 ပူးပေါင်းရင်းမြစ်များ

मत्ती 5:47

नाखुरीक लहो भर्मीकोलाक मट्‍टै स्‍वागत जाट्‍ले डेनाङ अरुकै डेनाङ ही बाड्‍को काम जाट्‍च छान्‍ने र? होङ्‍च च अन्‍यजातिकै र माजाट्‍ले र?

युहन्‍ना 14:27

“ङा नाखुरीकखाटा शान्‍ति डास्‍न डार नुङ्‍ले। ङा ङाल्‍हौ शान्‍ति नाखुरीककी याल्‍हे। संसारै याछ ल्‍याक्‍च शान्‍ति होइन। नाखुरीकुङ मीमन ब्‍याकुल छान्‍की माय्‍हानी र माबीर्‍हीनी।

युहन्‍ना 16:33

“नाखुरीक ङाखाटा लेचबाटै शान्‍ति डुप्‍की य्‍होक्‍नी डेम न ङै नाखुरीककी इसे पट्‍ट न कुरा डेच हो। संसाराङ नाखुरीककी सङ्कष्‍ट छान्‍ले, टर साहस जाट्‍नी हीजैडेनाङ ङै संसारकी जुमने।”

युहन्‍ना 20:19

होसनीक हप्‍तौ पहीलो डीन आइतबार लेया। चेलाको होसे नाबीलाङ काठोव्‍हाङ जम्‍मा छानन्‍या। होखुरीक यहूदी अगुवाकोखाटा बीर्‍हीयार इम भीत्री गालामाङ आग्‍ला कार ङुमङुम्‍या। होडीक न बेला येशू मोसोमायाङ राहार होखुरीकुङ मीघ्‍याङ टोङ्‍हार डेया, “नाखुरीककी शान्‍ति!”

युहन्‍ना 20:26

काट हप्‍ता न्‍हुइङ चेलाको फेरी काट इमाङ जम्‍मा छाना। इडीक बेला चहीँ थोमा र होखुरीक खाटा न लेया। पट्‍ट न गालामाङ आग्‍ला कामन्‍या टर येशू होखुरीकुङ मीघ्‍याङ राहार डेया, “नाखुरीककी शान्‍ति!”

१ ठेसलोनीकी 5:26

होला लेच विश्‍वासी ङौ डाजेभाइको र डै बहीनीकोलाक प्रेमखाटा झोर्‌नी।

१ पट्‍रुस 1:2

अघीलकीङ न लहो योजना अनुसार परमेश्‍वर बोये नाखुरीककी लहो न पवित्र भर्मीको छान्‍कीयो लागी चुन्‍डीच हो। येशू ख्रीष्‍टौ य्‍हुये पवित्र छानार होसकुङ न आज्ञा नाखुरीकै मन्‍डीकी य्‍होक्‍नी डेयार नाखुरीककी आत्‍मालकीङ लहौ खासा। नाखुरीकखाटा अनुग्रह र शान्‍ति प्रसस्‍त छान्‍न ङुख्‍यौ।

३ युहन्‍ना 1:14

टर ङै नाकोखाटा छीट्‍टो न डुप्‍च आशा डामने। अनी होडीक बेला काठोवाङ न ङुवार पट्‍ट न कुरा जाटीङ।