१ पट्‍रुस 5:10 - पुर्वीय मगर

¹⁰ टर पट्‍ट न अनुग्रह लेच परमेश्‍वरै ख्रीष्‍टाङ लहौ सधैँभरीयो महीमौ लागी नाखुरीककी आर्‌घाम ने। होटबाटै नाखुरीकै कालाप बेर कष्‍ट भोग्‍डीच न्‍हुइङ होसकै न नाखुरीककी फेरी नयाँ खास्‍ले अनी शक्‍ति याहार बलीयो र शक्‍तिसाली खास्‍ले।

१ पट्‍रुस 5:10 ပူးပေါင်းရင်းမြစ်များ

लुका 22:32

टर नाकुङ विश्‍वास माम्‍हाट्‍ख्‍यौ डेयार ङै नाकुङ लागी प्रार्थना जाट्‍न याम्‍हे। फेरी विश्‍वासाङ बलीयो छानार नाकै लहो डाजे भाइकोलाक र बलीयो खास्‍नी।”

१ ठेसलोनीकी 2:12

नाखुरीकुङ चालचलन परमेश्‍वरकी जाक्‍ङ सेच छान्‍ख्‍यौ डेयार कानै उत्‍साह याल्‍हे र अर्ती याल्‍हे र पाहाक्‍ले। हीजैडेनाङ नाखुरीककी होसकुङ लहौ राज्‍य र महीमाङ आर्‌घाले।

२ ठेसलोनीकी 2:14

इच्यौ न लागी कानै सेटाक्‍च सेछ समाचारलकीङ कानुङ प्रभु येशू ख्रीष्‍टौ महीमा डुप्‍की डेयार होसकै नाखुरीककी आर्‌घाच हो।

२ ठेसलोनीकी 2:17

होसकै पट्‍ट न सेछ काम कुराङ साहस र शक्‍ति नाखुरीककी याख्‍यो।

२ ठेसलोनीकी 3:3

टर प्रभु च विश्‍वास योग्‍य ले, होसकै न नाखुरीककी बलीयो खास्‍ले र होसे शैतानलकीङ जोगडीयार डाले।

१ टीमोठी 6:12

र लहो विश्‍वासौ जीवनाङ बड्‍डीस्‍चै नुङ्‍नाङ सेन्‍र मासीच जीवनकी घोम ङुनी, हीजैडेनाङ होच्‍यौ न लागी परमेश्‍वरै नाकोकी आर्‌घाच हो। अनी नाकै वास्‍टै भर्मीकुङ म्‍याहासाङ लहो विश्‍वासौ साक्षी र याम्‍हने।

२ टीमोठी 1:9

परमेश्‍वरै न कानकी जीवाका र लहो न भर्मी छान्‍की कानकी आर्‌घा। काल्‍है जाट्‍च कामौ आधाराङ होइन, टर मेखोल्‍हौ न इच्‍छा र अनुग्रहौ आधाराङ याङ्‍च जाट्‍च हो। इसे चहीँ सृष्‍टि छान्‍की डेनाङ अघीलकीङ न काल्‍हाकी ख्रीष्‍ट येशूये याछ अनुग्रह हो।

२ टीमोठी 2:10

होटबाटै न परमेश्‍वरै चुन्‍डीचकुङ लागी ङा पट्‍ट कुरा सहडीले, टा की होखुरीकै र सधैँभरी ङुमङुच महीमा खाटा ख्रीष्‍ट येशूवाङ लेच मुक्‍ति डुप्‍की अट य्‍होकै।

१ पट्‍रुस 1:15

नाखुरीककी आर्‌घाच परमेश्‍वर पवित्र ले। होटबाटै नाखुरीक र नाखुरीकै जाट्‍च पट्‍ट न कामकुराङ पवित्र छान्‍नी।

१ पट्‍रुस 4:10

परमेश्‍वरखाटा खाल खालुङ आत्‍मीकी वरदानको ले होसे आत्‍मीकी वरदानको भर्मीकोलाक याम्‍हने। होसे लहे डुप्‍च आत्‍मीकी वरदानको अरुकुङ भलाइयो लागी क्‍योट्‍नी।

१ पट्‍रुस 4:11

ङाक्‍च वरदान डुप्‍चये परमेश्‍वरौ बचन ङाक्‍ख्‍यौ, सेवा जाट्‍चये परमेश्‍वरौ शक्‍तिये सेवा जाट्‍ख्‍यौ। इटजाट्‍न येशू ख्रीष्‍ट लकीङ पट्‍ट न कुराकोवाङ परमेश्‍वरकी न महीमा छान्‍ख्‍यौ। सधैँभरी होसकुङ न महीमा र शक्‍ति छान्‍न ङुख्‍यौ! आमेन।

२ पट्‍रुस 1:3

सेछ जीवन जीवाकी चहडीस्‍च पट्‍ट न कुरा परमेश्‍वरौ शक्‍तिये डुप्‍मने हीजैडेनाङ लहो महीमा र भलाइ लकीङ आर्‌घाच परमेश्‍वरकी कानै चीन्‍डीमने।

१ युहन्‍ना 2:25

अनी मीजै याल्‍हे डेयार काल्‍हा खाटा जाट्‍च प्रतिज्ञा चहीँ सेन्‍र मासीच जीवन न हो।

यहुडा 1:24

अब परमेश्‍वर बोइ मेखोलै न नाखुरीककी पापाङ पर्‌की लकीङ जीवाटाक्‍की य्‍होक्‍ले, र पाप न मालेच नीस्‍कलङ्‍क खासार अनी बाड्‍को आनन्‍द खाटा लहौ महीमौ अघी आल्‍खी य्‍होक्‍ले,