१ पट्‍रुस 4:2 - पुर्वीय मगर

² होटबाटै होचे बाँकी लेच लहौ जीवन फेरी भर्मीयो इच्‍छाङ होइन, टर परमेश्‍वरौ इच्‍छाङ बीटडीले।

१ पट्‍रुस 4:2 ပူးပေါင်းရင်းမြစ်များ

मत्ती 12:50

हीजैडेनाङ सुये स्‍वर्गाङ लेच ङौ बोयो इच्‍छा पुरा जाट्‍ले, होखुरीक न ङौ भाइ, बहीनी र मोइ हो।”

मत्ती 20:4

होचे होसे भर्मीकोलाक डेया, ‘नाखुरीक र ङौ अङ्‍गुर बारीयाङ नुङार काम जाट्‍नी, ङा नाखुरीकै डुप्‍की पर्च ज्‍याला याल्‍हे।’

मत्ती 21:31

अब इसे नीसाङ कुसे चहीँये बोयो इच्‍छाकी मन्‍डीया?” होखुरीकै जवाफ याहा, “जेठै चहीँये।” होटै येशूये होखुरीककी डेया, “साँच्‍ची न ङा नाखुरीककी डेले, कर सोट्‍चको र बेस्‍याको नाखुरीक डेनाङ पहीला परमेश्‍वरौ राज्‍याङ नुङ्‍ले।

मत्ती 7:21

“ङाकी ‘प्रभु, प्रभु’ डेच पट्‍ट न स्‍वर्गौ राज्‍याङ पर्‌की माडुप्‍ले। सुये स्‍वर्गाङ लेच ङौ बोयो इच्‍छा अनुसार काम जाट्‍ले होखुरीक मट्‍टै स्‍वर्गौ राज्‍याङ पर्‌की डुप्‍ले।

मर्कूस 3:35

हीजैडेनाङ सुये परमेश्‍वरौ इच्‍छा मन्‍डीले होखुरीक न ङौ भाइ, बहीनी र मोइ हो।”

मर्कूस 7:21

हीजैडेनाङ भर्मीयो मीमनीङ मास्‍च बीचार, व्‍यभिचार, खुसकी, साट्‍की, बेस्‍याको लेठाङ नुङ्‌च,

युहन्‍ना 1:13

होखुरीक भर्मीयो य्‍हुलकीङ परमेश्‍वरौ मीजाको छान्‍च अठबा भर्मीयो शरीरौ इच्‍छालकीङ जन्‍मडीस्‍च होइन टर परमेश्‍वरलकीङ जन्‍मडीस्‍च हो।

युहन्‍ना 7:17

परमेश्‍वरौ इच्‍छा लकीङ काम जाट्‍चकै चहीँ इसे शिक्षा परमेश्‍वरलकीङ राछ हो की ङौ लहो इच्‍छा लकीङ राछ हो डेयार होचे थाहा डीन्‍ल्‍हे।

१ ठेसलोनीकी 5:18

पट्‍ट न परिस्‍थितियाङ धन्‍यवाद यान्‍ही, हीजैडेनाङ ख्रीष्‍ट येशूआङ नाखुरीकुङ लागी परमेश्‍वरै मीमन जाट्‍च इसे न हो।

याकुब 1:18

कान सृष्‍टियो पहीला स्‍याच मीस्‍याको ल्‍याक्‍च छान्‍की य्‍होकीङ डेयार होसकै लहौ न इच्‍छै सत्‍य बचन लकीङ कानकी नयाँ जीवन याहा।

१ पट्‍रुस 1:14

हीजैडेनाङ नाखुरीक परमेश्‍वरौ आज्ञाकारी बालखको हो होटबाटै पहीला हीर माव्‍हार्‌छ बेलाङ जाट्‍नाङ लेखा अब नाखुरीकै मासेछ कामको माजाट्‍की।

१ पट्‍रुस 2:1

होटबाटै पट्‍ट न दुष्‍ट कुराको लकीङ, पट्‍ट न छल-कपट, डाहा र अरुकुङ बडनाम जाट्‍च भर्मीको लकीङ नाखुरीक लोस ङुनी।

१ युहन्‍ना 2:17

संसार र होलुङ खराब कुराको सु भर्मीये चाहाना जाट्‍ले होसे नास छानार नुङ्‍ले र होच्‍यो मास्‍च इच्‍छाको र नास छानार नुङ्‍ले, टर परमेश्‍वरौ इच्‍छाङ व्‍हाच भर्मी चहीँ सधैँभरीयो लागी ङुमङुले।