१ पट्‍रुस 4:17 - पुर्वीय मगर

¹⁷ हीजैडेनाङ न्‍याय च परमेश्‍वरौ लहौ न भर्मीकोलकीङ सुरु छान्‍च बेला राम्‍हने, र इडीक काल्‍हौ र न्‍याय जाट्‍ले डेनाङ परमेश्‍वरौ सेछ समाचारकी विश्‍वास माजाट्‍च भर्मीकुङ झन्‌ कोङ्‍च न्‍याय छान्‍ने औँला?

१ पट्‍रुस 4:17 ပူးပေါင်းရင်းမြစ်များ

लुका 23:31

हीजैडेनाङ होखुरीकै सीङौ म्‍यार्‌टुङ फीछ लेनाङ च याङ्‍च काम जाट्‍ले डेनाङ, झन छोक्‍नाङ ही जाट्‍ले औँला?”

२ ठेसलोनीकी 1:8

होसको राहार परमेश्‍वरकी माचीन्‍डीच कोलाक र कानुङ प्रभु येशूओ सेछ समाचारकी मामन्‍डीच कोलाक दण्‍ड याल्‍हे।

१ टीमोठी 3:15

इडीक ङा नाकोलेठाङ राखी ढीलो छाना डेनाङ र परमेश्‍वरौ परीवाराङ भर्मीकै कुङ्‍च व्‍यवहार जाट्‍की पर्च हो, होसे कुराको इसे चीठी लकीङ न वार्‌न्‍ह डानी। परमेश्‍वरौ परीवार चहीँ जीउँडो परमेश्‍वरौ मण्डली हो। इसे परमेश्‍वरौ मण्‍डली, सत्‍यौ जग र बलीयो खाँबा हो।

१ पट्‍रुस 2:5

नाखुरीक र जीउँडो पत्‍थरको छानार रान्‍ही अनी परमेश्‍वरै नाखुरीककी आत्‍मीक इम खास्‍कीयो लागी क्‍योट्‍ले। नाखुरीक र येशू ख्रीष्‍ट लकीङ परमेश्‍वरकी जाक्‍ङसेच आत्‍मीक बलीडान चढडीच पवित्र पुजाहारी छान्‍नी।

१ पट्‍रुस 2:8

धर्मशास्‍त्रये डेले, “इसे न ल्‍हुङ भर्मीकोलाक ठेस लग्‍डीस्‍च ल्‍हुङ हो। इसे न ल्‍हुङै धेरै जनाकी कुरुक्‍ले। परमेश्‍वरौ बचनकी होखुरीकै मामन्‍डीचबाटै ठेस लग्‍डीस्‍ले।” परमेश्‍वरै होखुरीकुङ लागी इसे कुराको पहीला न डेम भ्‍यामन्‍या।