१ पट्‍रुस 4:16 - पुर्वीय मगर

¹⁶ टर पनी ख्रीष्‍टकी विश्‍वास जाट्‍च बाटै डुख भोग्‍डीकी पर्‌नाङ माकाराख्‍यौ। टर ख्रीष्‍टौ म्‍यार्‌मीन लाकी डीन्‍न्‍हने डेयार परमेश्‍वरकी धन्‍यवाद याख्‍यौ।

१ पट्‍रुस 4:16 ပူးပေါင်းရင်းမြစ်များ

प्रेरित 11:26

होचे साउलकी डुपा र होसकी एन्‍टीओखीयाङ राका। होखुरीक काट वर्ष सम्‍म मण्‍डलीयुङ भर्मीकोखाटा सङ्‍गटी जाट्‍चै र वास्‍टै भर्मीकोलाक शिक्षा याहा। एन्‍टीओखीयाङ न पट्‍ट डेनाङ पहीला विश्‍वासी कोलाक ख्रीष्‍टीयान डेच हो।

प्रेरित 26:28

अग्रिपासै पावलकी डेया, “इडीक ठोरै समयाङ नाङ ङाकी ख्रीष्‍टीयन खास्‍च मीमन जाट्‍ले?”

प्रेरित 28:22

टर नाकुङ बीचार ही हो, होसे नाकोलकीङ सेकी मीमन ले। हीजैडेनाङ इसे डलौ बारेयाङ कानकी इडीक मट्‍टै थाहा ले की जटा-टटै भर्मीको नाकुङ समुहौ विरोधाङ ङाक्‍ङने।”

प्रेरित 5:41

प्रेरितको महासभालकीङ आनन्‍द मन्‍डीचै बाहीर ख्‍योहा, “परमेश्‍वरै कानकी येशूओ म्‍यार्‌मीनाङ डुख र अपमान सहडीकी य्‍होक्‍च खास्‍नने” डेयार होखुरीक आनन्‍द छाना।

२ टीमोठी 1:12

होटबाटै न ङा इसे कुराकुङ डुख भोक्‍डीमन ले। टर ङाकी काराम मासेले हीजैडेनाङ ङै सु मीटाक विश्‍वास डामने, होसे ङाकी ठाहा ले। परमेश्‍वरै ङाकी जीम्‍मा याछ कुराकी होसकै न ख्रीष्‍ट राछ डीन सम्‍मौ लागी जोगडीयार डाले। इसे कुराङ ङा ढुक्‍क ले।

याकुब 2:7

होखुरीक न होइन होसे असल म्‍यार्‌मीन येशू ख्रीष्‍टौ निन्‍दा जाट्‍च, ही होसे न म्‍यार्‌मीनलकीङ नाखुरीककी आर्‌घाच होइन र?

१ पट्‍रुस 2:12

ख्रीष्‍टकी विश्‍वास माजाट्‍च भर्मीकुङ मीघ्‍याङ नाखुरीकुङ चालचलन सेछ छान्‍की पर्‌ले। होखुरीकै नाखुरीककी मासेछ डेयार डोस लैडीनाङ नाखुरीकुङ सेछ कामको चीन्‍डीकी य्‍होक्‍ख्‍यौ र परमेश्‍वर न्‍याय जाट्‍की राछ डीनाङ होसकुङ महीमा जाट्‍ख्‍यौ।

१ पट्‍रुस 4:11

ङाक्‍च वरदान डुप्‍चये परमेश्‍वरौ बचन ङाक्‍ख्‍यौ, सेवा जाट्‍चये परमेश्‍वरौ शक्‍तिये सेवा जाट्‍ख्‍यौ। इटजाट्‍न येशू ख्रीष्‍ट लकीङ पट्‍ट न कुराकोवाङ परमेश्‍वरकी न महीमा छान्‍ख्‍यौ। सधैँभरी होसकुङ न महीमा र शक्‍ति छान्‍न ङुख्‍यौ! आमेन।

१ पट्‍रुस 4:14

इडीक ख्रीष्‍ट मीटाक विश्‍वास जाट्‍नाङ नाखुरीकुङ बेइज्‍जट छान्‍ले डेनाङ लाहाकी आसीस डुप्‍च आर्मीट्‍नी, हीजैडेनाङ परमेश्‍वरौ महीमीत आत्‍मा नाखुरीकखाटा बास ङुमने।

१ पट्‍रुस 4:19

होटबाटै परमेश्‍वरौ इच्‍छा अनुसार डुख भोग्‍डीचकै सेछ काम जाट्‍की माडास्‍न होखुरीकै लाहाकी सृष्‍टि जाट्‍च परमेश्‍वर मीटाक भरोसा डाकी पर्‌ले। होसकै लहो प्रतिज्ञा सधैँ पुरा जाट्‍ले।