१ पट्‍रुस 4:14 - पुर्वीय मगर

¹⁴ इडीक ख्रीष्‍ट मीटाक विश्‍वास जाट्‍नाङ नाखुरीकुङ बेइज्‍जट छान्‍ले डेनाङ लाहाकी आसीस डुप्‍च आर्मीट्‍नी, हीजैडेनाङ परमेश्‍वरौ महीमीत आत्‍मा नाखुरीकखाटा बास ङुमने।

१ पट्‍रुस 4:14 ပူးပေါင်းရင်းမြစ်များ

मत्ती 5:11

“नाखुरीक आसीस डुप्‍चको हो, जब ङाकी विश्‍वास जाट्‍च कारनै नाखुरीककी भर्मीकै निन्‍दा जाट्‍ले र सटडीले, र झुटो ङाकार नाखुरीकुङ विरुद्धाङ पट्‍ट खालुङ मासेछ कुराको डेले।

मत्ती 5:16

होटजाट्‍न न नाखुरीकुङ ज्‍योति भर्मीकुङ मीहासाङ चम्‍कडीस्‍ख्‍यो, र होखुरीकै नाखुरीकुङ सेछ कामको डाङ्‍ख्‍यो, अनी स्‍वर्गाङ लेच नाखुरीकुङ बोयो महीमा जाट्‍ख्‍यो।

लुका 6:22

“भर्मीयो मीजाकी विश्‍वास जाट्‍च बाटै भर्मीकै नाखुरीककी माजाका, लाङ्‍घा लकीङ छ्‍युका, झीरार नाखुरीककी काराटा र दुष्‍ट आर्‌मीटन नाखुरीकुङ म्‍यार्‌मीनकी गील्‍ला जाटा डेनाङ नाखुरीकै आसीस डुप्‍ले।

युहन्‍ना 15:21

टर नाखुरीक ङौ छान्‍च बाटै भर्मीकै नाखुरीककी इसे पट्‍ट न कुरा जाट्‍ले, हीजैडेनाङ होखुरीकै ङाकी बीर्‌न्‍हकाचकी माचीन्‍डीले।

युहन्‍ना 8:48

यहूदी अगुवाकै येशूकी डेया, “कानै डेच ठीक न हो, ही नाङ सामरी हो र नाङ्‍की भूत लग्‍डीस्‍नने?”

युहन्‍ना 9:28

याङ्‍च कुरा सेयार यहूदी अगुवाको होसकी च्‍याक्‍चै डेया, “नाङ टी होसे भर्मीयो चेला हो ट, कान च मोशौ चेला हो।

युहन्‍ना 9:34

होटै यहूदी अगुवाको मीरीस ख्‍योव्‍हार होसकी, “नाङ च पापाङ न डीन्‍छ हो, अब नीये कानकी पाहाक्‍की पाले?” डेचै होखुरीकै होसकी सभा ङुच इमलकीङ बाहीर छ्‍युक्‍ङ याहा।

प्रेरित 13:45

होटै यहूदीकै भीडकोलाक डाङार होखुरीकुङ मीमन डाहै न्‍हेपा र पावलै ङाक्‍च कुरौ विरोधाङ होसकी च्‍याका।

प्रेरित 18:6

टर होखुरीकै पावलौ विरोध जाटार मासेम्‍हखाटा च्‍याका। टब पावलै लहो बढीन खाराहार होखुरीककी चेटावनी छान्‍ख्‍यो डेम डेया, “नाखुरीकुङ य्‍हु नाखुरीक मीटाक न पर्‌ख्‍यौ, ङा निर्दोष ले। अब इटौ आलाक ङा अन्‍यजातिको लेठाङ सेछ समाचार सेटाक्‍की नुङ्‍ले।”

प्रेरित 28:22

टर नाकुङ बीचार ही हो, होसे नाकोलकीङ सेकी मीमन ले। हीजैडेनाङ इसे डलौ बारेयाङ कानकी इडीक मट्‍टै थाहा ले की जटा-टटै भर्मीको नाकुङ समुहौ विरोधाङ ङाक्‍ङने।”

प्रेरित 5:41

प्रेरितको महासभालकीङ आनन्‍द मन्‍डीचै बाहीर ख्‍योहा, “परमेश्‍वरै कानकी येशूओ म्‍यार्‌मीनाङ डुख र अपमान सहडीकी य्‍होक्‍च खास्‍नने” डेयार होखुरीक आनन्‍द छाना।

याकुब 1:12

जाँच छान्‍च बेलाङ सहडीयार स्‍थिर ङुच भर्मी आसीस डुप्‍च हो। हीजैडेनाङ परमेश्‍वरै मेखोल्‍हाकी प्रेम जाट्‍चकोलाक याल्‍हे डेयार प्रतिज्ञा जाट्‍च जीवनौ मुकुट डुप्‍ले।

याकुब 5:11

डुख कष्‍टकोवाङ धैर्य जाट्‍च भर्मीको आसीस डुप्‍चको छान्‍ले। अयुबै धैर्य जाट्‍च बारेयाङ च नाखुरीकै सेमने। अनी अन्‍टीमाङ प्रभुये कुटजाट्‍न होसकी सेछ कुराकै न्‍हेपाक्‍ङ याहा, होसे र नाखुरीकै वार्‌न्‍हने। भर्मीकुङ लागी प्रभु दया र कृपै न्‍हेप्‍च ले।

१ पट्‍रुस 2:12

ख्रीष्‍टकी विश्‍वास माजाट्‍च भर्मीकुङ मीघ्‍याङ नाखुरीकुङ चालचलन सेछ छान्‍की पर्‌ले। होखुरीकै नाखुरीककी मासेछ डेयार डोस लैडीनाङ नाखुरीकुङ सेछ कामको चीन्‍डीकी य्‍होक्‍ख्‍यौ र परमेश्‍वर न्‍याय जाट्‍की राछ डीनाङ होसकुङ महीमा जाट्‍ख्‍यौ।

१ पट्‍रुस 3:14

टर इडीक सेछ काम जाट्‍नाङ र डुख भोग्‍डीकी पर्‌या डेनाङ नाखुरीककी कुडीक आसीस याल्‍हे। होटबाटै सुखाटा र माबीर्‍हीनी र चीन्‍टा माजाट्‍नी।

१ पट्‍रुस 3:16

टर उटर यान्‍हाङ नम्‍र छानार आदर जाटार ङाक्‍नी। नाखुरीकुङ बीबेक सफा डानी, होट छाना डेनाङ नाखुरीकुङ विरोधाङ ङाक्‍च र ख्रीष्‍टाङ नाखुरीकुङ सेछ चालचलन डाङार निन्‍दा जाट्‍चको मेखुरीक न काराम सेकी पर्‌ले।

१ पट्‍रुस 4:16

टर पनी ख्रीष्‍टकी विश्‍वास जाट्‍च बाटै डुख भोग्‍डीकी पर्‌नाङ माकाराख्‍यौ। टर ख्रीष्‍टौ म्‍यार्‌मीन लाकी डीन्‍न्‍हने डेयार परमेश्‍वरकी धन्‍यवाद याख्‍यौ।

२ पट्‍रुस 2:2

अनी धेरै जना भर्मीकै होखुरीकुङ झीर्‌न सेच लामकी डुट्‍ले र होखुरीकुङ कामै जाट्‍नाङ अरु भर्मीकै सत्‍यौ लामकी बडनाम जाट्‍ले।