१ पट्‍रुस 4:10 - पुर्वीय मगर

¹⁰ परमेश्‍वरखाटा खाल खालुङ आत्‍मीकी वरदानको ले होसे आत्‍मीकी वरदानको भर्मीकोलाक याम्‍हने। होसे लहे डुप्‍च आत्‍मीकी वरदानको अरुकुङ भलाइयो लागी क्‍योट्‍नी।

१ पट्‍रुस 4:10 ပူးပေါင်းရင်းမြစ်များ

मत्ती 20:28

होटजाट्‍न न भर्मीयो मीजा र सेवा डुप्‍की होइन टर सेवा जाट्‍की र वास्‍टै जनौ छुट्कारौ लागी लहो जीवन याखी राछ हो।”

मत्ती 24:14

अनी इसे राज्‍यौ सेछ समाचार चहीँ पट्‍ट जाटीकुङ लागी गबाहीयो रुपाङ संसार भरी प्रचार जाट्‍ले, टब संसारौ अन्‍त्‍य राल्‍हे।

मत्ती 24:21

हीजैडेनाङ होडीक बेला संसारौ सुरुलकीङ चाहाँसम्‍म माछान्‍च र फेरी सेन्‍र माछान्‍च महासङ्‍कष्‍ट छान्‍ने।

मत्ती 24:45

“विश्‍वासीलो र बुद्धिमानी नोकर होसे हो, होसकी न मीमुरुङै लहो इमुङ पट्‍ट न कामको जीम्‍मा याल्‍हे र अरु नोकरकोलाक नीस्‍चीट समयाङ होखुरीककी ज्‍याच ठोक याखी डेम खटडीले।

मत्ती 25:17

होटजाट्‍न न नीस हजार सुनौ सीक्‍का डुप्‍च नोकरै र अरु नीस हजार सीक्‍का कमडीया।

मत्ती 25:44

“होटै होखुरीकै इट डेयार जवाफ याल्‍हे, ‘ए प्रभु, सेन कानै नाकोकी मीटुक रन्‍छीच, डी सोन्‍छ, परदेशी छान्‍च, नाङ्‍ग्‍या छान्‍च, छाच अठबा झ्‍यालखानाङ पर्च डाङ्‍नाङ र नाकोकी वास्‍टा माजाटा?’

मर्कूस 10:45

हीजैडेनाङ भर्मीयो मीजा र अरु लकीङ सेवा डुप्‍की होइन। टर सेवा जाट्‍की र वास्‍टै जनौ छुट्‍कारौ लागी लहो जीवन याखी डेम राछ हो।”

लुका 12:42

होखुरीककी प्रभुये इट डेया, “होसे विश्‍वासीलो र बुद्धिमानी भन्‍डार्‍या सु हो, होसकी न होच्‍यौ मालीकै लहो इमुङ पट्‍ट न कामको जीम्‍मा याल्‍हे र अरु नोकरकोलाक नीस्‍चीट समयाङ होखुरीकुङ भाकाङ पर्च ज्‍याच ठोक याखी डेम खटडीले।

लुका 19:13

होटै लहो डस जना नोकर कोलाक आर्‌घार होखुरीककी डस वटा सुनौ सीक्‍का याहार डेया, ‘ङा ल्‍हेस्‍न मार्‍हाठर इसे सीक्‍का लकीङ ब्यापार जाट्‍नी।’

लुका 8:3

होटै हेरोद राजौ दरबाराङ काम जाट्‍च हाकीम खुजासौ मास्‍टो योअन्‍ना खाटा सुसन्‍ना र अरु वास्‍टै मास्‍टोको लेया। होखुरीकै येशू प्रभु र चेलाकोलाक धन सम्‍पत्ति याहार सहयोग जाट्‍नन्‍या।

२ टीमोठी 1:18

मुक्‍ति याछ ख्रीष्‍ट राछ डीनाङ प्रभुलकीङ होचे कृपा डुप्‍की अट य्‍होकै। नाकोकी ठाहा न ले, एफीससाङ लेनाङ र होचे ङाकी वास्‍टै कुराङ सघडीमन्‍या।

टीटस 1:7

हीजैडेनाङ परमेश्‍वरौ काम जाट्‍की पर्‌चबाटै मण्डलीयुङ अगुवा चहीँ हीर दोष मालेच छान्‍की पर्‌ले, घमण्ड माजाट्‍च, छीटो मीरीस माख्‍योछ, माम्‍होर्‌च, सु खाटा र मापुन्‍छ, र खराब काम जाटार धन सम्‍पत्ती कमडीच छान्‍की माछान्‍ले।

१ पट्‍रुस 5:10

टर पट्‍ट न अनुग्रह लेच परमेश्‍वरै ख्रीष्‍टाङ लहौ सधैँभरीयो महीमौ लागी नाखुरीककी आर्‌घाम ने। होटबाटै नाखुरीकै कालाप बेर कष्‍ट भोग्‍डीच न्‍हुइङ होसकै न नाखुरीककी फेरी नयाँ खास्‍ले अनी शक्‍ति याहार बलीयो र शक्‍तिसाली खास्‍ले।

१ पट्‍रुस 5:12

ङौ विश्‍वास योग्‍य भाइ सीलासौ साहयटै ङै इसे टुन्‍छ चीठी नाखुरीककी रीक्‍ङने। ङै इसे पट्‍ट न परमेश्‍वरौ साँचो अनुग्रहौ साक्षी याखी र नाखुरीकुङ साहस बड्‍डीम याखी रीक्‍च हो। इसे अनुग्रहाङ नाखुरीक बलीयो खाटा खडा छान्‍नी।