१ पट्‍रुस 3:8 - पुर्वीय मगर

⁸ ङा अन्‍टीमाङ डेले, नाखुरीक पट्‍टको काट न मीमनुङ र काटै काटौ मर्‌म बुझडीस्‍च छान्‍की पर्‌ले। डाजेभाइको र डै बहीनीकोलाक लेखा न काटै काटकी माया जाट्‍नी र काटै काटकी दया टान्‍हाक्‍नी र नम्‍र छान्‍नी।

१ पट्‍रुस 3:8 ပူးပေါင်းရင်းမြစ်များ

मत्ती 18:33

ङै नाङ्‍की दया जाट्‍नाङ लेखा न नीये र लाहाखाटा काम जाट्‍च लाफाकी दया जाट्‍की पर्च होइन र?’

लुका 10:33

होटजाट्‍न न होसे न लाम छानार अर्‌को काट सामरी भर्मी होला टार्‍हा। होसे घाइट्‍या भर्मीकी डाङार सामरी भर्मीकी साफ्‍फी रोम सेया।

प्रेरित 2:1

पेन्‍टीकोस डेच यहूदीकुङ चाड राहा र येशूकी विश्‍वास जाट्‍च पट्‍ट भर्मीको काठोव्‍हाङ न भेला छानन्‍या।

प्रेरित 27:3

पीउर्‍हाक लेखो कान सीदोन सहराङ जहाजीङ झाला। कप्‍तान युलीयसै पावलकी दया जाटार लहो लाफाको लेठाङ नुङार चहडीस्‍ठर सहायटा लाकी डेम अनुमटी याहा।

प्रेरित 28:7

होसे ठाँउलकीङ होसे टापुङ मुखीया पब्‍लीयसौ इम बारीको खेरेप न लेया। पब्‍लीयसै कानकी लहो इमाङ आल्‍हार स्‍वागट जाटा। कान सोम डीन सम्‍म आसकुङ न इमाङ पाहुना छानार ङुवा।

प्रेरित 4:32

अनी विश्‍वास जाट्‍चकुङ समुह पट्‍ट न काट मीमनौ छानन्‍या। होखुरीक सुयेर लहो धन-सम्‍पत्तियो हीर ठोककी इसे ङौ हो माडेम्‍या टर होखुरीकुङ पट्‍ट न ठोक साझ्‍या लेया।

याकुब 2:13

हीजैडेनाङ कुसे भर्मीये अरु भर्मीकी दया माजाट्‍न ने, होच्‍यौ न्‍याय र परमेश्‍वरै दया माडाम न जाट्‍ले। टर दया चहीँ न्‍याय मीटाक बीजयी छान्‍ले।

याकुब 3:17

टर ढेनाम स्‍वर्गलकीङ राछ बुद्धि चहीँ शुद्ध छान्‍ले, शान्‍ति याछ, सोझो र खाट्‍चजा छान्‍ले। याङ्‍च बुद्धि दयालु छान्‍ले, र सेछ कामौ मीस्‍या स्‍याटाक्‍ले। इसे पक्षपाती र कपटी माछान्‍ले।

याकुब 5:11

डुख कष्‍टकोवाङ धैर्य जाट्‍च भर्मीको आसीस डुप्‍चको छान्‍ले। अयुबै धैर्य जाट्‍च बारेयाङ च नाखुरीकै सेमने। अनी अन्‍टीमाङ प्रभुये कुटजाट्‍न होसकी सेछ कुराकै न्‍हेपाक्‍ङ याहा, होसे र नाखुरीकै वार्‌न्‍हने। भर्मीकुङ लागी प्रभु दया र कृपै न्‍हेप्‍च ले।

१ पट्‍रुस 1:22

अब नाखुरीकै सत्‍यकी पालना जाटार लहो मीमन शुद्ध पार्‌नने अनी विश्‍वासी डाजेभाइ र डै बहीनीकोलाक साँचो प्रेम जाट्‍नने। होटबाटै काटै काट्‍की भीत्री मीमन लकीङ न प्रेम जाट्‍नी।

१ पट्‍रुस 2:17

पट्‍ट न भर्मीकोलाक आदर जाट्‍नी। विश्‍वासी डाजेभाइको र डै बहीनीकोलाक माया जाट्‍नी। परमेश्‍वरखाटा बीर्‍हीनी, र राजाकी मान जाट्‍नी।

१ पट्‍रुस 5:5

मण्‍डलीयुङ अगुवाकुङ अधिनाङ ङुनी। अनी नम्‍र छानार नाखुरीक पट्‍टकै काटै-काटौ सेवा जाट्‍नी। हीजैडेनाङ धर्मशास्‍त्राङ रीक्‍ङ ने, “परमेश्‍वरै घमन्‍डीकोलाक विरोध जाट्‍ले, टर नम्रकोलाक अनुग्रह जाट्‍ले।”

२ पट्‍रुस 1:7

भक्‍टीयाङ विश्‍वासी डाजेभाइकुङ दया र दयाङ पट्‍टकी जाट्‍च प्रेम फाट्‍नी।

१ युहन्‍ना 3:14

कानकी थाहा ले, काल्‍हाको च मृत्‍युलकीङ जीवनाङ सरीस्‍न भ्‍यामने, हीजैडेनाङ कानुङ विश्‍वासी डाजेभाइको र डै बहीनीकोलाक कान प्रेम जाट्‍ले। सुये प्रेम माजाट्‍ले होसे मृत्‍युओ बन्‍धनाङ न छान्‍ले।