१ पट्‍रुस 3:4 - पुर्वीय मगर

⁴ टर नाखुरीकुङ भीत्री मीमन सेछ छान्‍की पर्‌ले, होसे सेन्‍र नास छानार मानुङ्‍च नम्‍र र सान्‍ट आत्‍मा चहीँ सेछ छान्‍की पर्‌ले र इसे चहीँ परमेश्‍वरौ म्‍याहासाङ महङ्‍गो ले।

१ पट्‍रुस 3:4 ပူးပေါင်းရင်းမြစ်များ

मत्ती 11:29

ङौ जुवा बुनी र ङा लकीङ पान्‍ही हीजैडेनाङ ङौ मीमन दयालु र नम्र ले अनी नाखुरीकै नाखुरीकुङ आत्‍माङ आराम डुप्‍ले।

मत्ती 21:5

“यरूशलेमुङ भर्मीकोलाक डेनी, ‘ङोस्‍नी, नाखुरीकुङ राजा, नम्र छानार होसको गढा मीटाक, गढौ मीजा मीटाक काल्‍हार नाखुरीकलेठाङ राम्‍हन ले।’”

मत्ती 23:26

ए अन्‍धा फरीसीको! पहीला बेलौ भीत्री पट्‍टी ठुट्‍नी अनी बाहीर पट्‍टी र सफा छान्‍ले।

मत्ती 5:5

नम्र छान्‍चको कुडीक आसीस डुप्‍चको ले! हीजैडेनाङ होखुरीकै पृथ्‍वीयुङ अधिकार जाट्‍की डुप्‍ले।

लुका 11:40

ए मुर्‌खको, सुये बाहीर खासा, आसकोये न भीत्री र खास्‍च होइन र?

लुका 16:15

होटै येशूये होखुरीककी इट डेया, “नाखुरीक भर्मीकुङ म्‍याहासाङ लाहाकी धर्मी खास्‍की च पाले, टर परमेश्‍वरै नाखुरीकुङ मीमन की वार्‌ल्‍हे। हीजैडेनाङ भर्मीकै ही की बाड्‍को खास्‍नने, परमेश्‍वरौ म्‍याहासाङ होसे झीर्‌न सेच छान्‍ले।

१ ठेसलोनीकी 4:11

कानै नाखुरीककी डेनाङ लेखा न शान्‍तियो जीवन जीवाच जाट्‍नी। लहो कामाङ मीमन लैडीनी र लहो न मीहुटै काम जाट्‍च जाट्‍नी।

२ ठेसलोनीकी 3:12

अब याङ्‍च भर्मीकोलाक प्रभु येशू ख्रीष्‍टौ म्‍यार्‌मीनाङ कान आज्ञा र अर्ती याल्‍हे, की होखुरीकै माच्‍याक्‍ङ लहौ काम जाट्‍ख्‍यौ र लहौ जीबीका क्‍योट्‍ख्‍यौ।

१ टीमोठी 2:2

राजाको र पट्‍ट न बाड्‍को पडाङ लेच सरकारी अधिकारीकुङ लागी र प्रार्थना जाट्‍च जाट्‍नी। होट जाट्‍नाङ कानै सुख शान्‍तिखाटा पट्‍ट समय परमेश्‍वरौ न भक्‍ति र ढ्‍यानाङ लग्‍डीसार आदरौ जीवन जीवाकी य्‍होक्‍ले।

२ टीमोठी 2:25

होचे लहो विरोधीकोलाक नम्र छानार सम्‍झडीकी य्‍होक्‍च छान्‍की पर्‌ले। होटजाट्‍न सायद परमेश्‍वरै होखुरीककी पश्‍चात्ताप जाट्‍च र सत्‍यताकी चीन्‍डीकी य्‍होक्‍च मीमन याल्‍हे।

टीटस 3:2

होखुरीकै सुओ बारेयाङ र दुष्‍ट कुरा माङाक्‍ख्‍यौ र योन्‍की-पुन्‍खी र मापाख्‍यौ। पट्‍ट न भर्मीकोखाटा खाट्‍न ङुख्‍यौ र सेछ बानी बेहोरा मट्‍टै टान्‍हाक्‍ख्‍यौ।

याकुब 1:21

होटबाटै पट्‍ट न मास्‍च स्‍वभाव र झीर्‌न सेच दुष्‍ट कुराकोलाक हटडीनी। नम्र छानार नाखुरीकुङ रीदयाङ परमेश्‍वरै डाम याछ बचनकी स्‍वीकार जाट्‍नी, हीजैडेनाङ होसे बचनै नाखुरीककी जीवाटाक्‍‍की य्‍होक्‍ले।

१ पट्‍रुस 1:23

परमेश्‍वरौ जीबीट बचन लकीङ नाखुरीकुङ नयाँ जन्‍म छान्‍नने, र होसे जीवन सधैँभरी ङुले। नाखुरीक नास छानार नुङ्‍च छोयौ सन्‍टानको होइन, टर सेन्‍र नास माछान्‍च परमेश्‍वरौ बचनौ छोयौ सन्‍टानको हो।

१ पट्‍रुस 3:15

टर नाखुरीकुङ जीवनाङ ख्रीष्‍टकी प्रभु मन्‍डीयार आदर जाट्‍नी। नाखुरीकुङ मीमन भीत्री लेच आशौ बारेयाङ सुयेर गीना डेनाङ होच्‍यौ उटर याखी टयार ङुनी।