१ पट्‍रुस 3:21 - पुर्वीय मगर

²¹ इसे डी बप्‍तिस्‍मा लाच काट चीन्‍ह हो, इचे नाखुरीककी जीवाटाक्‍ले। इसे जीवाङ पर्च री हुर्‌च लेखा होइन टर इसे शुद्ध बीबेकै परमेश्‍वरखाटा जाट्‍च बिन्‍ती हो। हीजैडेनाङ येशू ख्रीष्‍ट सीच लकीङ जीवाचबाटै बप्‍तिस्‍मै नाखुरीककी र जीवाटाक्‍ले।

१ पट्‍रुस 3:21 ပူးပေါင်းရင်းမြစ်များ

मत्ती 28:19

होटबाटै नुङ्‍नी, र पट्‍ट जाटीकुङ भर्मीकोलाक चेलाको खास्‍नी, अनी परमेश्‍वर बोइ, मीजा र पवित्र आत्‍मौ म्‍यार्‌मीनाङ बप्‍तिस्‍मा यान्‍ही।

मर्कूस 16:16

विश्‍वास जाटार बप्‍तिस्‍मा लाचये उडार डुप्‍ले, टर विश्‍वास माजाट्‍च चहीँ दोषी ठहरीस्‍ले।

युहन्‍ना 13:9

टब सीमोन पत्रुसै डेया, “प्रभु, होटडेनाङ च ङौ मीहील मट्‍टै होइन, टर ङौ मीहुट र मीटालु समेट हुर्‌न यान्‍ही।”

प्रेरित 16:33

टब होसे नाबीक न होचे पावल र सीलासकी आल्‍हार होखुरीकुङ म्‍हा हुर्‌न याहा। होटै तुरुन्‍तै होसे हाकीम र मेन परीवारै बप्‍तिस्‍मा ला।

प्रेरित 2:38

टब पत्रुसै होखुरीककी डेया, “नाखुरीक पट्‍टकै जाट्‍च पापौ क्षमा डुप्‍कीयो लागी लाहा-लहे जाट्‍च पापको डासार परमेश्‍वर पट्‍टी ल्‍हेस्‍नी, अनी येशू मुक्‍ति याछ ख्रीष्‍टौ म्‍यार्‌मीनाङ नाखुरीक पट्‍टकै बप्‍तिस्‍मा लानी। होस न्‍हुइङ नाखुरीकै परमेश्‍वरौ वरदान पवित्र आत्‍मा डुप्‍ले।

प्रेरित 22:16

होटबाटै अब हीजै लेन्‍की? सोनी र बप्‍तिस्‍मा लानी, अनी होसकुङ म्‍यार्‌मीन लार लहो पाप हुर्‌नी।’

प्रेरित 8:36

होटै होखुरीक लामाङ नुङ्‍नाङ-नुङ्‍नाङ न डी लेच ठावाङ टाहा। अनी होसे नपुङ्‌सकै फीलीपकी डेया, “ङोस्‍नी, इला डी लेसा, अब ङाकी बप्‍तिस्‍मा लाकी हीये रोक्‍डीकी य्‍होक्‍ले?”

प्रेरित 8:37

[फीलीपै होसकी डेया, “इडीक नाको रीदयलकीङ न विश्‍वास जाट्‍ले डेनाङ नाकै बप्‍तिस्‍मा लाकी य्‍होक्‍ले।” होचे जवाफ याहा, “येशू ख्रीष्‍ट न परमेश्‍वरौ मीजा हो डेम ङा विश्‍वास जाट्‍ले।”]

१ टीमोठी 1:5

कानै याछ इसे शिक्षौ उदेश्‍य प्रेम हो, होसे चोखो मीमन, सेछ बीबेक र साँचो विश्‍वासलकीङ राल्‍हे।

१ टीमोठी 6:12

र लहो विश्‍वासौ जीवनाङ बड्‍डीस्‍चै नुङ्‍नाङ सेन्‍र मासीच जीवनकी घोम ङुनी, हीजैडेनाङ होच्‍यौ न लागी परमेश्‍वरै नाकोकी आर्‌घाच हो। अनी नाकै वास्‍टै भर्मीकुङ म्‍याहासाङ लहो विश्‍वासौ साक्षी र याम्‍हने।

१ पट्‍रुस 1:3

कानुङ प्रभु येशू ख्रीष्‍टौ बोइ परमेश्‍वरकी प्रशंसा। येशू ख्रीष्‍टकी सीचलकीङ जीवाटाकार बाड्‍को कृपा जाटा, र होसकै कानकी नयाँ जन्‍म याहा। इटबाटै कान बाड्‍को आशा डुपार जीवामे।

१ पट्‍रुस 3:16

टर उटर यान्‍हाङ नम्‍र छानार आदर जाटार ङाक्‍नी। नाखुरीकुङ बीबेक सफा डानी, होट छाना डेनाङ नाखुरीकुङ विरोधाङ ङाक्‍च र ख्रीष्‍टाङ नाखुरीकुङ सेछ चालचलन डाङार निन्‍दा जाट्‍चको मेखुरीक न काराम सेकी पर्‌ले।