१ पट्‍रुस 3:2 - पुर्वीय मगर

² हीजैडेनाङ नाखुरीकुङ चालचलन कुडीक शुद्ध र आदर योग्‍यौ ले डेच कुरा मेखुरीक लेन्‍जाकै न वार्‌ल्‍हे।

१ पट्‍रुस 3:2 ပူးပေါင်းရင်းမြစ်များ

१ टीमोठी 4:12

रेन्‍जा ले डेनाङ न नाकोकी सुयेर टुच्‍छ माआर्‌मीट्‍ख्‍यो। विश्‍वासीकुङ म्‍याहासाङ नाकुङ बोली बचन, बानी बेहोरा, प्रेम, विश्‍वास र शुद्धता चहीँ नाको काट नमुना छान्‍की य्‍होक्‍नी।

१ पट्‍रुस 1:15

नाखुरीककी आर्‌घाच परमेश्‍वर पवित्र ले। होटबाटै नाखुरीक र नाखुरीकै जाट्‍च पट्‍ट न कामकुराङ पवित्र छान्‍नी।

१ पट्‍रुस 2:12

ख्रीष्‍टकी विश्‍वास माजाट्‍च भर्मीकुङ मीघ्‍याङ नाखुरीकुङ चालचलन सेछ छान्‍की पर्‌ले। होखुरीकै नाखुरीककी मासेछ डेयार डोस लैडीनाङ नाखुरीकुङ सेछ कामको चीन्‍डीकी य्‍होक्‍ख्‍यौ र परमेश्‍वर न्‍याय जाट्‍की राछ डीनाङ होसकुङ महीमा जाट्‍ख्‍यौ।

१ पट्‍रुस 3:1

ब्‍याहा जाट्‍च मास्‍टोको, नाखुरीक लहौ लेन्‍जाकुङ अधिनाङ ङुनी। र इटजाट्‍न होखुरीकै परमेश्‍वरौ बचन पालना माजाट्‍नाङ र लहौ मास्‍टोकुङ सेछ चालचलनै जाट्‍नाङ होखुरीकुङ मीमनौ परिवर्तन छान्‍की य्‍होक्‍ले, र होखुरीकै परमेश्‍वरकी विश्‍वास जाट्‍ले। नाखुरीकै डेकी न मापर्‌ले,

१ पट्‍रुस 3:3

नाखुरीकै मीछामौ सीङ्‍गार, सुनौ गहना र महङ्‍गो बढीनको बील्‍हार बाहीरी रुपाङ मासीङ्‍गारीस्‍नी।

२ पट्‍रुस 3:11

इटजाट्‍न पट्‍ट न कुराको नास छानार नुङ्‍च बाटै नाखुरीक कुङ्‍च खालुङ भर्मी छान्‍की पर्च हो? नाखुरीकुङ जीवन पवित्र र परमेश्‍वरकी चढडीच छान्‍की पर्‌ले।