१ पट्‍रुस 3:17 - पुर्वीय मगर

¹⁷ मासेछ काम जाटार डुख भोग्‍डीकी डेनाङ सेछ काम जाटार परमेश्‍वरौ इच्‍छा अनुसार डुख भोग्‍डीकी झन सेम्‍ह हो।

१ पट्‍रुस 3:17 ပူးပေါင်းရင်းမြစ်များ

मत्ती 26:39

होटै येशू चेक पारी नुङार झाङ खुखुप छानार प्रार्थना जाटा, “ए ङौ बोइ, छान्‍की य्‍होक्‍ले डेनाङ, इसे डुखौ कचौरा ङा लकीङ हटडीस्‍ख्‍यो। टर ङै मीमन जाट्‍च अनुसार चहीँ होइन, टर नाकै जाट्‍च मीमन अनुसार छान्‍ख्‍यो।”

मत्ती 26:42

फेरी नुङार येशूये प्रार्थना जाटा, “ए ङौ बोइ, इडीक ङै मागाम इसे डुखौ कचौरा हटडीकी सम्‍भव माले डेनाङ, नाकुङ न इच्‍छा पुरा छान्‍ख्‍यो।”

प्रेरित 18:21

होटै होखुरीक खाटा बिदा छान्‍नाङ पावलै डेया, “परमेश्‍वरौ इच्‍छा छाना डेनाङ ङा नाखुरीक लेठाङ फेरी ल्‍हेसार राल्‍हे।” अनी होसे जहाजाङ काल्‍हार एफीससीङ व्‍हा।

प्रेरित 21:14

अनी पावलकी रोकडीकी माय्‍होक्‍नाङ “प्रभुओ इच्‍छा पुरा छान्‍ख्‍यौ” डेयार कान माच्‍याक्‍ङ ङुवा।

१ पट्‍रुस 1:6

इसे कुराकोवाङ नाखुरीक मार्‍हाङ्‌नी, छान्‍कीयो लागी च चाँहा नाखुरीकै चेक्‍जा समयौ लागी खाल-खालुङ डुखको भोग्‍डीकी पर्‌नने।

१ पट्‍रुस 2:15

हीजैडेनाङ परमेश्‍वरौ इच्‍छा इसे न हो, की सेछ काम जाटार न नाखुरीकै मुर्‌ख भर्मीकुङ मास्‍च बोली ठुन्‍न याखी पर्‌ले।

१ पट्‍रुस 2:20

हीजैडेनाङ मासेछ काम जाटार कष्‍टको भोग्‍डीकी बाड्‍को कुरा होइन, टर सेछ काम जाट्‍च बाटै डुख भोग्‍डीकी पर्‌या डेनाङ परमेश्‍वरै आसीस याल्‍हे।

१ पट्‍रुस 3:14

टर इडीक सेछ काम जाट्‍नाङ र डुख भोग्‍डीकी पर्‌या डेनाङ नाखुरीककी कुडीक आसीस याल्‍हे। होटबाटै सुखाटा र माबीर्‍हीनी र चीन्‍टा माजाट्‍नी।

१ पट्‍रुस 4:15

टर नाखुरीक मढ्‍याङ सुयेर डुख डीन्‍हा डेनाङ भर्मी साट्‍च, खुस, अपराधी वा फोकुङ कामाङ मीहुट काचये लेखा चहीँ डुख माडीन्‍ख्‍यौ।

१ पट्‍रुस 4:19

होटबाटै परमेश्‍वरौ इच्‍छा अनुसार डुख भोग्‍डीचकै सेछ काम जाट्‍की माडास्‍न होखुरीकै लाहाकी सृष्‍टि जाट्‍च परमेश्‍वर मीटाक भरोसा डाकी पर्‌ले। होसकै लहो प्रतिज्ञा सधैँ पुरा जाट्‍ले।