१ पट्‍रुस 3:11 - पुर्वीय मगर

¹¹ होसे मास्‍च काम लकीङ ल्‍हेसार सेछ काम जाट्‍की पर्‌ले। होचे शान्‍तिकी पाकी पर्‌ले र होसकी न डुट्‍की पर्‌ले।

१ पट्‍रुस 3:11 ပူးပေါင်းရင်းမြစ်များ

मत्ती 5:45

इडीक नाखुरीकै याङ्‍च जाटा डेनाङ नाखुरीक स्‍वर्गाङ लेच बोयो मीजाको छान्‍ले। हीजैडेनाङ होसकै दुष्‍ट र असल नीसकी न नाखानौ खान्‍छ याल्‍हे, अनी धर्मी र पापी नीसकी न नामास राहाक्‍ङ याल्‍हे।

मत्ती 5:9

मेलमीलाप जाटाक्‍चको कुडीक आसीस डुप्‍चको ले! हीजैडेनाङ होखुरीककी परमेश्‍वरौ मीजाको डेले।

मत्ती 6:13

कानकी परिक्षाङ पर्‌की माय्‍हानी, टर कानकी शैतानलकीङ जोगडीनी। [हीजैडेनाङ राज्‍य, शक्‍ति र महीमा सढैयो लागी नाकुङ न हो, आमेन।]’

मर्कूस 14:7

हीजैडेनाङ गरीबको च नाखुरीक खाटा सढैँ काठोव्हाङ छान्‍ले र मीमन जाट्‍च कुसेर समयाङ नाखुरीकै होखुरीकुङ भलाइ जाट्‍की य्‍होक्‍ले। टर ङा च सढैँ नाखुरीक खाटा काठोव्हाङ माछान्‍ले।

लुका 1:79

छुम्‍ठाङ र मृत्‍युओ छायाङ ङुचकै ज्‍योति डुप्‍ले। होसे ज्‍योतिये न काल्‍हाकी शान्‍तियो लामाङ डोरीले।”

लुका 6:35

“टर लहो शत्रुकोलाक प्रेम जाट्‍नी, होखुरीक्‍की भलाइ जाट्‍नी, रीन ङेछ कोलाक ल्‍हेट्‍च आसा माडाम रीन यान्‍ही। होट जाटा डेनाङ नाखुरीकै बाड्‍को इनाम डुप्‍ले होटै नाखुरीक सर्वोच्‍चओ मीजाको ठहरीस्‍ले, हीजैडेनाङ होसकै बैगुनी र स्‍वार्थी कोलाक कृपा जाट्‍ले।

लुका 6:9

येशूये होखुरीककी डेया, “आब ङाकी डेनी, म्‍हुङ बाट्‍च डीनाङ ही जाट्‍की सेछ छान्‍ले? सेछ जाट्‍की की मासेछ जाट्‍की? साट्‍की की जीवाक्‍की; कुसे काम जाट्‍की सेम्‍ह छान्‍ने औँला?”

युहन्‍ना 17:15

नाकै होखुरीककी इसे संसारीङ आल्‍न्‍ही डेयार ङा प्रार्थना माजाट्‍ले, टर नाकै होखुरीककी शैतानलकीङ जोगडीनी डेयार ङा प्रार्थना जाट्‍ले।

१ टीमोठी 6:18

भलाइ जाट्‍च काम जाट्‍की, भलाइ छान्‍च कामाङ धनि छान्‍की, मीमन फोस्‍च र अरुकोलाक पुङ्‍ङ याछ छान्‍की डेनी।

याकुब 4:17

होटबाटै इडीक सुयेर भलाइ जाट्‍की वार्‌न्‍ह र माजाट्‍ले डेनाङ होच्‍यौ लागी होसे न पाप हो।

१ पट्‍रुस 3:12

हीजैडेनाङ प्रभुये धर्मी भर्मीकोलाक वास्‍टा जाट्‍ले अनी होखुरीकुङ प्रार्थना सेले टर सुये दुष्‍ट काम जाट्‍ले होखुरीककी चहीँ होसकै विरोध जाट्‍ले।”

३ युहन्‍ना 1:11

ङौ जाक्‍च लाफा, मास्‍च कुरा सुलकीङ र मालाकी, टर सेछ कुराको मट्‍टै लाकी। सुये सेछ काम जाट्‍ले, होसे परमेश्‍वरौ भर्मी हो, सुये मासेछ काम जाट्‍ले, होचे परमेश्‍वरकी माचीन्‍डीमने।