१ पट्‍रुस 2:9 - पुर्वीय मगर

⁹ टर नाखुरीक च चुन्‍डीच भर्मीको, राजकीय पुजाहारीगीरी, पवित्र जाटी, नाखुरीककी अन्‍धकार लकीङ अचम्‍मौ ज्‍योटीयाङ राक्‍च परमेश्‍वरौ लहो न भर्मीको हो। होसकै नाखुरीककी होसकुङ अचम्‍मौ कामको प्रचार जाट्‍की भाक्‍च हो।

१ पट्‍रुस 2:9 ပူးပေါင်းရင်းမြစ်များ

मत्ती 4:16

छुम्‍ठाङ ङुच भर्मीकै काट बाड्‍को ज्‍योति डाङ्‍नने। मृत्‍युओ छाया म्‍होकी ङुचको मीटाक होसे बाड्‍को ज्‍योति चम्‍कडीस्‍नने।”

मत्ती 5:16

होटजाट्‍न न नाखुरीकुङ ज्‍योति भर्मीकुङ मीहासाङ चम्‍कडीस्‍ख्‍यो, र होखुरीकै नाखुरीकुङ सेछ कामको डाङ्‍ख्‍यो, अनी स्‍वर्गाङ लेच नाखुरीकुङ बोयो महीमा जाट्‍ख्‍यो।

लुका 1:79

छुम्‍ठाङ र मृत्‍युओ छायाङ ङुचकै ज्‍योति डुप्‍ले। होसे ज्‍योतिये न काल्‍हाकी शान्‍तियो लामाङ डोरीले।”

युहन्‍ना 17:19

होटबाटै होखुरीक र सत्‍यताङ पवित्र छान्‍ख्‍यौ डेयार ङा ङाल्‍हाकी होखुरीकुङ लागी पवित्र खास्‍ले।

प्रेरित 20:28

नाखुरीक लहो लागी र लहो पट्‍ट न बगालौ लागी होसीयार छान्‍नी। पवित्र आत्‍मै नाखुरीककी बगालौ जीम्‍मेवारी खास्‍चबाटै परमेश्‍वरै लहो न मीजौ य्‍हुये लोच मण्‍डलीकी नाखुरीकै सेम्‍ह ङोस्‍की।

प्रेरित 26:18

होखुरीकुङ मीमीक खोलीम याहार होखुरीककी छुम्‍छलकीङ ट्‌याङ्‌ठाङ र शैतानौ शक्‍तिलकीङ परमेश्‍वर पट्‍टी ल्‍हेसाक्‍की पर्‌ले। होखुरीकै ङा मीटाक विश्‍वास जाट्‍ले। होखुरीकुङ पाप मेटडीसार नुङ्‍ले र होखुरीकै परमेश्‍वरकी चीन्‍डीच भर्मीकुङ सङ्‍गटीयाङ ङुकी डुप्‍ले।’

प्रेरित 26:28

अग्रिपासै पावलकी डेया, “इडीक ठोरै समयाङ नाङ ङाकी ख्रीष्‍टीयन खास्‍च मीमन जाट्‍ले?”

२ टीमोठी 1:9

परमेश्‍वरै न कानकी जीवाका र लहो न भर्मी छान्‍की कानकी आर्‌घा। काल्‍है जाट्‍च कामौ आधाराङ होइन, टर मेखोल्‍हौ न इच्‍छा र अनुग्रहौ आधाराङ याङ्‍च जाट्‍च हो। इसे चहीँ सृष्‍टि छान्‍की डेनाङ अघीलकीङ न काल्‍हाकी ख्रीष्‍ट येशूये याछ अनुग्रह हो।

टीटस 2:14

येशू ख्रीष्‍टै लहो जीवन वलिदान याहार कानकी पट्‍ट न खाल्‍या पापलकीङ छुट्कारा याहा। अनी होसकै कानकी पवित्र खास्‍कीयो लागी लहो जाटी खासा र सेछ काम जाट्‌की जोसीलो पार्‌या।

१ पट्‍रुस 1:2

अघीलकीङ न लहो योजना अनुसार परमेश्‍वर बोये नाखुरीककी लहो न पवित्र भर्मीको छान्‍कीयो लागी चुन्‍डीच हो। येशू ख्रीष्‍टौ य्‍हुये पवित्र छानार होसकुङ न आज्ञा नाखुरीकै मन्‍डीकी य्‍होक्‍नी डेयार नाखुरीककी आत्‍मालकीङ लहौ खासा। नाखुरीकखाटा अनुग्रह र शान्‍ति प्रसस्‍त छान्‍न ङुख्‍यौ।

१ पट्‍रुस 2:5

नाखुरीक र जीउँडो पत्‍थरको छानार रान्‍ही अनी परमेश्‍वरै नाखुरीककी आत्‍मीक इम खास्‍कीयो लागी क्‍योट्‍ले। नाखुरीक र येशू ख्रीष्‍ट लकीङ परमेश्‍वरकी जाक्‍ङसेच आत्‍मीक बलीडान चढडीच पवित्र पुजाहारी छान्‍नी।

१ पट्‍रुस 4:11

ङाक्‍च वरदान डुप्‍चये परमेश्‍वरौ बचन ङाक्‍ख्‍यौ, सेवा जाट्‍चये परमेश्‍वरौ शक्‍तिये सेवा जाट्‍ख्‍यौ। इटजाट्‍न येशू ख्रीष्‍ट लकीङ पट्‍ट न कुराकोवाङ परमेश्‍वरकी न महीमा छान्‍ख्‍यौ। सधैँभरी होसकुङ न महीमा र शक्‍ति छान्‍न ङुख्‍यौ! आमेन।