१ पट्‍रुस 2:24 - पुर्वीय मगर

²⁴ ख्रीष्‍टै काल्‍हौ पापको लहो शरीराङ बुवार सीङौ क्रूसाङ टङ्‍गडीसा, होटबाटै कान र पापौ लागी सीया अनी परमेश्‍वरकी जाक्‍ङ सेच सेछ कामौ लागी जीवाकी पर्‌ले। होसकुङ न चोटको लकीङ नाखुरीक गेपा।

१ पट्‍रुस 2:24 ပူးပေါင်းရင်းမြစ်များ

मत्ती 27:26

पीलाटसै होखुरीकुङ लागी बारब्‍बाकी डास्‍न याहा। टर येशूकी चहीँ कोर्‌रै ङापार क्रूसाङ टङ्‍गडीकी डेम सीपाहीकोलाक जीम्‍मा याहा।

मत्ती 5:20

होटबाटै ङा नाखुरीककी डेले, व्‍यवस्‍थौ आज्ञाकोलाक धर्मगुरु र फरीसीकै डेनाङ सेम्‍ह मामन्‍डीया डेनाङ नाखुरीक स्‍वर्गौ राज्‍याङ पर्‌की माडीन्‍ल्‍हे।

मत्ती 8:17

इटजाट्‍न यशैया अगमवक्‍तै ङाक्‍च कुरा पुरा छाना, “होसको लहे न कानुङ कमजोरीको ला, अनी कानुङ रोगको सोटार आल्‍हा।”

मर्कूस 15:15

पिलातसै भीडकी खुसी पार्‌च मीमन जाट्‍च बाटै होचे बारब्‍बाकी होखुरीकुङ लागी डास्‍न याहा। येशूकी चहीँ कोर्‌रा ङापार क्रूसाङ टङ्‍गडीकी डेम रोमी सीपाहीकोलाक जीम्‍मा याहा।

लुका 4:18

“परमप्रभुओ आत्‍मा ङा मीटाक ले। हीजैडेनाङ गरीबकोलाक सेछ समाचार सेटाक्‍की डेम होसकै ङाकी अभिषेक जाट्‍नने। बन्‍धनाङ लेच कोलाक फोसाक्‍की र मीमीक माडाङ्‌च कोलाक डाङ्‌च खास्‍की, ठीचोमीचोवाङ पर्च कोलाक स्‍वतन्‍त्र जाट्‍कीयो लागी,

युहन्‍ना 1:29

पीउर्‍हाक लेखो युहन्‍नै येशूकी लाहा पट्‍टी राछै जाट्‍च डाङार डेया, “ङोस्‍नी, संसारुङ भर्मीकोलाक पापलकीङ छुटकारा याछ परमेश्‍वरौ थुमा!

युहन्‍ना 19:1

टब पिलातसै येशूकी आल्‍हा र कोर्‌रा लैडीकी डेम सीपाहीकोलाक आदेश याहा।

प्रेरित 10:35

भर्मी कुसे जातियो लेनाङ र होसकोखाटा बीर्‍हीले र ठीक काम जाट्‍ले, होसे होसकुङ म्‍याहासाङ ग्रहण योग्‍यौ छान्‍ले।

प्रेरित 10:39

होसकै यहूदिया क्षेत्राङ र यरूशलेमाङ जाट्‍च पट्‍ट न कुराकुङ कान साक्षी ले। अनी होसकोकी होखुरीकै क्रूसाङ टङ्‍गडीयार साटा।

प्रेरित 13:29

होसकुङ बारेयाङ धर्मशास्‍त्राङ रीक्‍च पट्‍ट न कुरा होखुरीकै पुरा जाट्‍रखीङ येशूकी होखुरीकै क्रूसीङ झालाकार चीहानाङ ठाका।

प्रेरित 5:30

कानुङ बोइ-बाज्‍युकुङ परमेश्‍वरै येशूकी सीच लकीङ जीवाका, होसकोकी नाखुरीकै क्रूसाङ टङ्‍गडीयार साट्‍नन्‍या।

याकुब 5:16

होटबाटै काल्‍है पाप जाट्‍न ने डेयार काटै-काटौ म्‍याहासाङ नाखुरीकै लहौ पापको स्‍वीकार जाट्‍नी। अनी नाखुरीक गेप्‍की डेयार काटै काटौ लागी प्रार्थना जाट्‍नी, परमेश्‍वरौ म्‍याहासाङ ठीक ठहरीस्‍च भर्मीकै जाट्‍च प्रार्थना शक्‍तिशाली छान्‍ले र इचे बाड्‍को काम जाट्‍ले।

१ युहन्‍ना 2:29

इडीक ख्रीष्‍ट धर्मी ले डेच कुरा नाखुरीकै वार्‍हा डेनाङ, नाखुरीकै इसे कुरा र वार्‌ल्‍हे की ठीक काम जाट्‍च काट-काट जना भर्मी परमेश्‍वरौ मीजाको हो।

१ युहन्‍ना 3:7

मार्‌जा बालखको, सुयेर नाखुरीककी ढाट्‌डीकी माडीन्‍ख्‍यौ! ठीक काम जाट्‍च भर्मी न ख्रीष्‍ट ल्‍याक्‍च धर्मी ठहरीस्‍ले।