१ पट्‍रुस 2:23 - पुर्वीय मगर

²³ भर्मीकै होसकोकी अपमान जाट्‍नाङ होसकै जवाफ माल्‍हेटा। कष्‍ट भोग्‍डीनाङ होसकै ढम्‍की माय्‍हा टर ठीकखाटा न्‍याय जाट्‍च परमेश्‍वर मीटाक न होसकै भरोसा डा।

१ पट्‍रुस 2:23 ပူးပေါင်းရင်းမြစ်များ

लुका 23:41

कानै च मासेछ काम जाट्‍च बाटै दण्‍ड डुप्‍नने। टर होसकै च हीर मासेछ काम माजाट्‍ने।”

लुका 23:46

होटै बाड्‍को सोरै च्‍याकार येशूये डेया, “ए बोइ, ङा ङौ आत्‍मा नाकुङ मीहुटाङ याल्‍हे।” इडीक डेयार होसकै लहो प्राण डासा।

लुका 23:9

होटै हेरोदै होसकोकी वास्‍टै कुराको गीना, टर येशूये होसकी हीर जबाफ माय्‍हा।

प्रेरित 17:31

हीजैडेनाङ होसकै कायाक टोक्‍डीम याम्‍हने, होसनीक होसकै लहे भाक्‍च काट जना भर्मीलकीङ धार्मिकताङ संसारौ न्‍याय जाट्‍ले। होसे न भाक्‍च भर्मीकी सीच लकीङ जीवाटाकार होसकै पट्‍ट न भर्मीकोलाक इच्यौ प्रमाण याम्‍हने।”

प्रेरित 4:29

ए प्रभु, अब होखुरीकुङ ढम्‍कीकी ङोस्‍नी र नाकुङ सेवककोलाक पुरा साहसखाटा नाकुङ बचन ङाक्‍की यान्‍ही।

प्रेरित 7:59

इटजाट्‍न होखुरीकै स्‍तिफनसकी ल्‍हुङ ङाप्‍चै हीर्‌कडीम न लेया, अनी होचे प्रार्थना जाटा, “ए प्रभु येशू, ङौ आत्‍माकी ग्रहण जाट्‍न यान्‍ही।”

प्रेरित 9:1

टर साउल चहीँ अझै सम्‍म र प्रभुओ विश्‍वासीकुङ विरोधाङ लेया, होखुरीककी साट्‍च सुरै ढम्‍की याछै प्रधान पुजाहारी लेठाङ नुङा

२ ठेसलोनीकी 1:5

इसे पट्‍ट न कुरै नाखुरीककी परमेश्‍वरौ राज्‍यौ योग्‍य ठहरीच परमेश्‍वरै न्‍याय जाट्‍ले डेच साक्षी हो। होटबाटै नाखुरीकै होसे न राज्‍यौ कारन डुख र भोक्‍डीम न ले।

२ टीमोठी 1:12

होटबाटै न ङा इसे कुराकुङ डुख भोक्‍डीमन ले। टर ङाकी काराम मासेले हीजैडेनाङ ङै सु मीटाक विश्‍वास डामने, होसे ङाकी ठाहा ले। परमेश्‍वरै ङाकी जीम्‍मा याछ कुराकी होसकै न ख्रीष्‍ट राछ डीन सम्‍मौ लागी जोगडीयार डाले। इसे कुराङ ङा ढुक्‍क ले।

२ टीमोठी 4:8

अब ङौ लागी धार्मिकतौ मुकुट डामने, होसे चहीँ धार्मिकतौ ठीकखाटा न्‍याय जाट्‍च प्रभुये न होसको राछ नीक ङाकी याल्‍हे। ङाकी मट्‍टै होइन, होसको फेरी राछ लाम ङोस्‍च पट्‌टकोलाक न याल्‍हे।

१ पट्‍रुस 3:9

सुयेर मासेछ जाटाडेनाङ होसकी नाखुरीकै बडला मालानी, सरापडीया डेनाङ र मासरापडीनी। टर होच्‍यौ सट्‍टा आसीस यान्‍ही हीजैडेनाङ इच्यौ लागी न नाखुरीककी परमेश्‍वरै आर्‌घाच हो, की नाखुरीकै आसीस डुप्‍की य्‍होक्‍नी।

१ पट्‍रुस 4:19

होटबाटै परमेश्‍वरौ इच्‍छा अनुसार डुख भोग्‍डीचकै सेछ काम जाट्‍की माडास्‍न होखुरीकै लाहाकी सृष्‍टि जाट्‍च परमेश्‍वर मीटाक भरोसा डाकी पर्‌ले। होसकै लहो प्रतिज्ञा सधैँ पुरा जाट्‍ले।