१ पट्‍रुस 2:2 - पुर्वीय मगर

² चाम-चाम डीन्‍छ बालखै डुढ सोन्‍न्‍हाङ लेखा न नाखुरीक र परमेश्‍वरौ सत्‍य बचन गाकी मीमन जाट्‍नी, अनी होसे लकीङ नाखुरीक ल्‍होङ्‍ले र जीवाले।

१ पट्‍रुस 2:2 ပူးပေါင်းရင်းမြစ်များ

मत्ती 18:3

र डेया, “साँच्‍ची न ङा नाखुरीककी डेले, लहो मीमन परिवर्तन जाटार नाखुरीक मार्‌जा जजाको लेखा न माछाना डेनाङ सेन्‍र स्‍वर्गौ राज्‍याङ पर्‌की माय्‍होक्‍ले।

मत्ती 19:14

टर येशूये डेया, “मार्‌जा जजाकोलाक ङा लेठाङ राखी यान्‍ही होखुरीककी मारोक्‍डीनी। हीजैडेनाङ स्‍वर्गौ राज्‍य याङ्‍चकुङ न हो।”

मर्कूस 10:15

साँच्‍ची न ङा नाखुरीककी डेले, सुये परमेश्‍वरौ राज्‍यकी काट माजा बालखै लेखा न ग्रहण माजाट्‍ले, होसे सेन्‍र होसे भीत्री पर्‌की माडुप्‍ले।”

लुका 18:17

साँच्‍ची न ङा नाखुरीककी डेले, परमेश्‍वरौ राज्‍यकी जजाकै लेखा न ग्रहण माजाट्‍ठर होला सुर पर्‌की माय्‍होक्‍ले।”

२ ठेसलोनीकी 1:3

डाजेभाइको र डै बहीनीको, नाखुरीकुङ विश्‍वास वास्‍टै ल्‍होङ्‍ङ न ले। नाखुरीकै जाट्‍की पर्च माया र नाखुरीकुङ मीघ्‍याङ झन-झन ल्‍होङ्‍ने। कानै परमेश्‍वरकी नाखुरीकुङ बारेयाङ सधैँ धन्‍यवाद याखी न पर्‌ले।

१ पट्‍रुस 1:23

परमेश्‍वरौ जीबीट बचन लकीङ नाखुरीकुङ नयाँ जन्‍म छान्‍नने, र होसे जीवन सधैँभरी ङुले। नाखुरीक नास छानार नुङ्‍च छोयौ सन्‍टानको होइन, टर सेन्‍र नास माछान्‍च परमेश्‍वरौ बचनौ छोयौ सन्‍टानको हो।

२ पट्‍रुस 3:18

टर कानुङ प्रभु र मुक्‍ति याछ येशू ख्रीष्‍टौ अनुग्रह र ज्ञानाङ ल्‍होङ्‍चै नुङ्‍नी। चाहाँ र सधैँभरी होसकुङ न महीमा छान्‍ख्‍यौ। आमेन!