१ पट्‍रुस 2:19 - पुर्वीय मगर

¹⁹ नाखुरीकै हीर मास्‍च काम माजाट्‍न र कष्‍टको भोग्‍डीकी पर्‌ले हीजैडेनाङ इसे परमेश्‍वरौ इच्‍छा हो डेम आर्‌मीटार सहडीया डेनाङ परमेश्‍वरै आसीस याल्‍हे।

१ पट्‍रुस 2:19 ပူးပေါင်းရင်းမြစ်များ

लुका 6:32

“प्रेम जाट्‍चकोलाक मट्‍टै प्रेम जाटा डेनाङ नाखुरीककी ही स्‍याबासी छान्‍ने र? पापीकै र लाहाकी प्रेम जाट्‍चकोलाक प्रेम जाट्‍ले।

युहन्‍ना 15:21

टर नाखुरीक ङौ छान्‍च बाटै भर्मीकै नाखुरीककी इसे पट्‍ट न कुरा जाट्‍ले, हीजैडेनाङ होखुरीकै ङाकी बीर्‌न्‍हकाचकी माचीन्‍डीले।

प्रेरित 11:23

होला टाहार होलुङ भर्मीकोवाङ परमेश्‍वरौ अनुग्रह डाङार होसे मार्‍हाङा। होटै होचे होखुरीक पट्‌ट कोलाक प्रभुवाङ पुरा मीमनै विश्‍वासी छान्‍न ङुकी डेम उत्‍साह याहा।

२ टीमोठी 1:12

होटबाटै न ङा इसे कुराकुङ डुख भोक्‍डीमन ले। टर ङाकी काराम मासेले हीजैडेनाङ ङै सु मीटाक विश्‍वास डामने, होसे ङाकी ठाहा ले। परमेश्‍वरै ङाकी जीम्‍मा याछ कुराकी होसकै न ख्रीष्‍ट राछ डीन सम्‍मौ लागी जोगडीयार डाले। इसे कुराङ ङा ढुक्‍क ले।

१ पट्‍रुस 2:20

हीजैडेनाङ मासेछ काम जाटार कष्‍टको भोग्‍डीकी बाड्‍को कुरा होइन, टर सेछ काम जाट्‍च बाटै डुख भोग्‍डीकी पर्‌या डेनाङ परमेश्‍वरै आसीस याल्‍हे।

१ पट्‍रुस 4:15

टर नाखुरीक मढ्‍याङ सुयेर डुख डीन्‍हा डेनाङ भर्मी साट्‍च, खुस, अपराधी वा फोकुङ कामाङ मीहुट काचये लेखा चहीँ डुख माडीन्‍ख्‍यौ।