१ पट्‍रुस 2:16 - पुर्वीय मगर

¹⁶ स्‍वतन्‍त्र भर्मीकै लेखा न जीवन बीटडीनी, टर नाको स्‍वतन्‍त्र ले डेयार कुसेर दुष्‍ट काम चहीँ माजाट्‍नी। बरु नाको परमेश्‍वरौ डासकै लेखा न जीवानी।

१ पट्‍रुस 2:16 ပူးပေါင်းရင်းမြစ်များ

मत्ती 23:13

“नाखुरीककी धिक्‍कार, ए धर्मगुरुको र फरीसीको, नाखुरीक कपटीको! हीजैडेनाङ नाखुरीकै भर्मीकुङ अगाडी स्‍वर्ग राज्‍यौ गालाम ठुन्‍ने। नाखुरीक लाहा र भीत्री मापर्‌ले, पर्‌की मीमन जाट्‍चकोलाक र पर्‌की माय्‍हाले।

युहन्‍ना 15:22

“इडीक ङा मार्‍हाछ लेनाङ र होखुरीककी पापौ बारेयाङ माडेच लेनाङ होखुरीक पापौ दोषी माछान्‍च लेया, टर अब च लहो पापौ लागी होखुरीक खाटा हीर बहाना जाट्‍च ठाउँ माले।

१ ठेसलोनीकी 2:5

नाखुरीककी र सेम्‍हजा ठाहा ले, नाखुरीक खाटा कानै सेन्‍र आर्‌भेट्‍च कुरा माजाटा, कानै नाखुरीक लकीङ फाइडा लाकीयो लागी हीर लोभ माजाटा। इसे कुरौ साक्षी परमेश्‍वर न ले।

याकुब 1:25

टर इडीक सुये भर्मीकोलाक छुट्‍कारा याछ शुद्ध व्‍यवस्‍थाकी सेयार माम्‍य्‍हाक्‍ले, र सेम्‍हजा ङोसार ढ्‍यान याल्‍हे अनी पालना जाट्‍ले, परमेश्‍वरै होसे भर्मीयो कामाङ आसीस याल्‍हे।

याकुब 2:12

होटबाटै भर्मीकी स्‍वतन्त्र जाट्‍च व्‍यवस्‍था अनुसार न्‍याय डुप्‍च भर्मीये लेखा न नाखुरीकै र ङाक्‍च अनी काम जाट्‍च जाट्‍नी।

२ पट्‍रुस 2:19

होखुरीककी स्‍वतन्त्र जाट्‍न याल्‍हे डेम प्रतिज्ञा च जाट्‍ले, टर होखुरीक लाहा न नास जाट्‍च पापौ कमारा ले। भर्मीकी कुसे कुरै जुले, होसे न कुरै होसकी कमारा खास्‍ले।

यहुडा 1:4

हीजैडेनाङ कुसे भर्मीकै दण्‍ड डुप्‍ले डेम धर्मशास्‍त्राङ धेरै अघीलकीङ रीक्‍च कुडीक जना चहीँ नाखुरीकुङ मीघ्‍याङ सुटुक्‍क पर्न भ्‍यामने। होखुरीक परमेश्‍वरकी मामन्‍डीच भर्मीको हो, होखुरीककी परमेश्‍वरै अनुग्रह जाट्‍च बाटै, पट्‍टकै मास्‍च काम जाट्‍की छान्‍ने डेयार पाहाक्‍ले। अनी येशू ख्रीष्‍टकी कानुङ काट मट्‍टै प्रभु र मालीक डेयार मामन्‍डीले।