१ पट्‍रुस 2:11 - पुर्वीय मगर

¹¹ ङौ विश्‍वासी डाजेभाइको र डै बहीनीको, इसे संसाराङ नाखुरीक बीडेसी र पर्‌बासी ल्‍याक्‍च न ले। होटबाटै ङा नाखुरीककी बिन्‍ती जाट्‍ले, शरीरौ मास्‍च अभीलासा पुरा जाट्‍की पट्‍टी मालग्‍डीस्‍नी। याङ्‍च अभीलासाको आत्‍मौ विरुद्धाङ सधैँ लडाइँ जाट्‍ले।

१ पट्‍रुस 2:11 ပူးပေါင်းရင်းမြစ်များ

लुका 21:34

“नाखुरीक लहो बारेयाङ होसीयार छान्‍नी। वास्‍टै भोज-भट्‍याराङ नुङार म्‍होर्‌न माव्‍हानी। लहो जीवनौ चीन्‍टा माजाट्‍नी। नभा च नाखुरीकुङ मीमन बोढो छान्‍ले। र होसे डीन नाखुरीकै माचीटडीच बेलाङ पासो लेखा न आरहे।

प्रेरित 15:20

बरु होखुरीककी इट डेयार रीक्‍ङ कइङ की ‘मूर्तिकी चढडीच हीर ठोकको माज्‍याकी, व्‍यभिचार माजाट्‍की, मीघाटी युकार साट्‍च पसुकुङ स्‍या माज्‍याकी र य्‍हु र माज्‍याकी।’

प्रेरित 15:29

अब नाखुरीकै मूर्तिकी चढडीच ठोकको माज्‍याकी, य्‍हु माज्‍याकी, मीघाटी युकार साट्‍च पसुकुङ स्‍या माज्‍याकी र व्‍यभिचार माजाट्‍की। नाखुरीकै इसे कुराको पालना जाटा डेनाङ नाखुरीक पट्‍ट कोलाक सेम्‍ह छान्‍ने। लौ छीनीयो लागी बिदा छानीङ।

२ टीमोठी 2:22

होटबाटै रेन्‍जा-आर्‌नामौ बेलाङ राछ मासेछ इच्‍छाकोलाक डासार शुद्ध मीमनै प्रभुओ म्‍यार्‌मीन लाच भर्मीकोखाटा धार्मिकता, विश्‍वास, प्रेम र शान्‍तियाङ व्‍हाकी।

याकुब 4:1

नाखुरीकुङ मीघ्‍याङ लडाइँ र झगडाको कुटै राल्‍हे? ही मोज मज्‍जा जाट्‍च खराब इच्‍छै होइन र? होसे च नाखुरीकुङ मीमन भीत्री लडाइँ जाट्‍न ङुच छान्‍ले।

१ पट्‍रुस 1:1

येशू ख्रीष्‍टौ प्रेरित छान्‍च ङा पत्रुसै पोन्‍टस, गलातीया, कापाडोकीया, एसीया र बिथनिया क्षेत्रकोवाङ परदेशी छानार टीटरबीटर छान्‍न ङुच परमेश्‍वरै चुन्‍डीच भर्मीकोलाक इसे चीठी रीक्‍ङन ले।

१ पट्‍रुस 1:17

प्रार्थना जाट्‍नाङ नाखुरीकै परमेश्‍वरकी बोइ डेयार पुकारीले। होसकै पट्‍ट न भर्मीकुङ लहा-लहे जाट्‍च काम अनुसार पक्षपात माजाट्‍न न्‍याय जाट्‍ले। होटबाटै जब सम्‍म नाखुरीक संसाराङ ङुले टब सम्‍म होसकुङ आदर जाट्‍च नाखुरीकुङ जीवन छान्‍ख्‍यौ।

१ पट्‍रुस 4:12

ङौ विश्‍वासी डाजेभाइको र डै बहीनीको, डुख कष्‍टलकीङ नाखुरीकुङ जाँच छान्‍नने, टर इसे सेन्‍र माछान्‍च कुरा छाना डेयार नाखुरीक अचम्‍म मामन्‍डीनी।

१ पट्‍रुस 4:2

होटबाटै होचे बाँकी लेच लहौ जीवन फेरी भर्मीयो इच्‍छाङ होइन, टर परमेश्‍वरौ इच्‍छाङ बीटडीले।

२ पट्‍रुस 3:1

ङौ विश्‍वासी डाजेभाइको र डै बहीनीको, नाखुरीककी रीक्‍च इसे ङौ डोस्‍रो चीठी हो। इसे नीस चीठीयाङ न इसे कुराकुङ बारेयाङ आर्‌मीटाकार नाखुरीकुङ मीमनाङ शुद्ध बीचार छान्‍ख्‍यौ डेयार उट्‍साह याखीयो लागी हो।