१ पट्‍रुस 1:6 - पुर्वीय मगर

⁶ इसे कुराकोवाङ नाखुरीक मार्‍हाङ्‌नी, छान्‍कीयो लागी च चाँहा नाखुरीकै चेक्‍जा समयौ लागी खाल-खालुङ डुखको भोग्‍डीकी पर्‌नने।

१ पट्‍रुस 1:6 ပူးပေါင်းရင်းမြစ်များ

मत्ती 11:28

“ए म्हुङ्चको र लीस्‍च भारीये फेट्‍चको, ङा लेठाङ रान्‍ही, ङा नाखुरीककी शान्‍तिये म्‍हुङ बाटाक्‍ले।

मत्ती 26:37

पत्रुस र जब्‍डीयो नीस मीजाकी चहीँ येशूये लाहा खाटा न आल्‍हा अनी होसको सार्‍है न शोक र पीडाङ ब्‍याकुल छाना।

मत्ती 5:12

होडीक बेला नाखुरीक साप्फी मार्‍हाङ्‍नी, हीजैडेनाङ स्‍वर्गाङ नाखुरीकुङ इनाम बाड्‍को ले। होटजाट्‍न न खायाकुङ अगमवक्‍ताकोलाक र होखुरीकै सटडीमन्‍या।

लुका 1:47

होटबाटै ङा मुक्‍ति याछ परमेश्‍वर खाटा मार्‍हाङ्‍ले,

लुका 10:20

टर दुष्‍ट आत्‍माको नाखुरीकुङ अधिनाङ ले डेम मार्‍हाङ्‍च होइन। बरु लहो म्‍यार्‌मीन स्‍वर्गाङ रीक्‍ने डेयार मार्‍हाङ्‍नी।”

लुका 2:10

होटै स्‍वर्गदूतै होखुरीककी डेया, “माबीर्‍हीनी, हीजैडेनाङ ङा नाखुरीककी बडो आनन्‍दौ सेछ समाचार सेटाक्ले। होसे चहीँ पट्‌ट न भर्मीकुङ लागी छान्‍ले।

युहन्‍ना 16:22

होटजाट्‍न न चाहाँ नाखुरीकै सोक जाट्‍ले, टर ङा फेरी नाखुरीककी डुप्‍की रान्‍हाङ ङाकी डाङार नाखुरीकुङ मीमन आनन्‍द ये न्‍हेप्‍ले। अनी इसे आनन्‍द चहीँ नाखुरीक लकीङ सुयेर स्‍याटार आल्‍खी माय्‍होक्‍ले।

युहन्‍ना 16:33

“नाखुरीक ङाखाटा लेचबाटै शान्‍ति डुप्‍की य्‍होक्‍नी डेम न ङै नाखुरीककी इसे पट्‍ट न कुरा डेच हो। संसाराङ नाखुरीककी सङ्कष्‍ट छान्‍ले, टर साहस जाट्‍नी हीजैडेनाङ ङै संसारकी जुमने।”

प्रेरित 14:22

विश्‍वासीकुङ आत्‍माकी बलीयो खास्‍चै होखुरीककी विश्‍वासाङ ङुमङुकी डेम अर्ती याहा र “वास्‍टै कष्‍ट सहडीयार कान परमेश्‍वरौ राज्‍याङ पर्‌की पर्‌ले” डेयार होखुरीककी पाहाका।

१ ठेसलोनीकी 1:6

नाखुरीक कानकी र प्रभुकी डुट्‍च उदाहरण छाना हीजैडेनाङ नाखुरीकै पट्‍ट न खालुङ कष्‍ट आइपर्‌न रान्‍हाङ र पवित्र आत्‍मै याछ सेछ समाचारकी आनन्‍द खाटा ला।

याकुब 1:2

ङौ विश्‍वासी डाजेभाइको र डै बहीनीको, नाखुरीक मीटाक खाल-खालुङ कष्‍टको रान्‍हाङ होसकी पुरा आनन्‍दौ कुरा आर्मीट्‍नी।

याकुब 1:9

गरीब अवस्‍ठाङ लेच विश्‍वासी डाजेभाइको र डै बहीनीको, जब परमेश्‍वरै नाखुरीककी मान सम्‍मान याल्‍हे, होडीक बेला नाखुरीक मार्‍हाङ्‍नी।

याकुब 4:9

नाखुरीक डुखी छान्‍नी, बीलाप जाट्‍नी र राप्‍नी। नाखुरीकुङ रेट्‍च सोकाङ, र नाखुरीकुङ आनन्‍द डुखाङ बडलीस्‍ख्‍यौ।

१ पट्‍रुस 3:17

मासेछ काम जाटार डुख भोग्‍डीकी डेनाङ सेछ काम जाटार परमेश्‍वरौ इच्‍छा अनुसार डुख भोग्‍डीकी झन सेम्‍ह हो।

१ पट्‍रुस 4:7

पट्‍ट न कुराकुङ अन्‍ट्‍य खेरेप राम्‍हने। होटबाटै नाखुरीकै प्रार्थना जाट्‍की य्‍होक्‍ले अनी लहे लहाकी अधिनाङ डार होसीयार छान्‍की पर्‌ले।

१ पट्‍रुस 5:10

टर पट्‍ट न अनुग्रह लेच परमेश्‍वरै ख्रीष्‍टाङ लहौ सधैँभरीयो महीमौ लागी नाखुरीककी आर्‌घाम ने। होटबाटै नाखुरीकै कालाप बेर कष्‍ट भोग्‍डीच न्‍हुइङ होसकै न नाखुरीककी फेरी नयाँ खास्‍ले अनी शक्‍ति याहार बलीयो र शक्‍तिसाली खास्‍ले।