१ पट्‍रुस 1:22 - पुर्वीय मगर

²² अब नाखुरीकै सत्‍यकी पालना जाटार लहो मीमन शुद्ध पार्‌नने अनी विश्‍वासी डाजेभाइ र डै बहीनीकोलाक साँचो प्रेम जाट्‍नने। होटबाटै काटै काट्‍की भीत्री मीमन लकीङ न प्रेम जाट्‍नी।

१ पट्‍रुस 1:22 ပူးပေါင်းရင်းမြစ်များ

युहन्‍ना 15:17

ङा नाखुरीककी इसे आज्ञा याल्‍हे, नाखुरीकै काटै काट्‌की माया जाट्‍नी।

युहन्‍ना 15:3

कीसानै म्‍यार्‌टुङुङ हागाकोलाक छाट्‍डीयार सफा जाट्‍नाङ लेखा न ङै नाखुरीककी डेच बचनै नाखुरीक अघी न सफा छान्‍न भ्‍यामने।

युहन्‍ना 17:17

होखुरीककी सत्‍यताङ पवित्र खास्‍न यान्‍ही, हीजैडेनाङ नाकुङ बचन सत्‍य ले।

युहन्‍ना 17:19

होटबाटै होखुरीक र सत्‍यताङ पवित्र छान्‍ख्‍यौ डेयार ङा ङाल्‍हाकी होखुरीकुङ लागी पवित्र खास्‍ले।

प्रेरित 15:9

अनी होसकै होखुरीक र काल्‍हौ मीघ्‍याङ हीर भेदभाव माडा टर होखुरीकुङ मीमन चहीँ विश्‍वासै शुद्ध खास्‍न याहा।

प्रेरित 6:7

होटै परमेश्‍वरौ बचन फैलडीस्‍चै नुङा र विश्‍वासीकुङ सङ्‌ख्‍या यरूशलेमाङ साफ्‍फी बट्‍डीसा। अनी वास्‍टै पुजाहारीकै र येशूकी विश्‍वास जाटा।

१ ठेसलोनीकी 3:12

कानै नाखुरीककी माया जाट्‍नाङ लेखा न प्रभुये नाखुरीकुङ मीघ्‍याङ र काटै काट्‍की र पट्‍ट न भर्मीको खाटा झन-झन माया जाट्‍चै नुङ्‍ख्‍यौ।

२ ठेसलोनीकी 1:3

डाजेभाइको र डै बहीनीको, नाखुरीकुङ विश्‍वास वास्‍टै ल्‍होङ्‍ङ न ले। नाखुरीकै जाट्‍की पर्च माया र नाखुरीकुङ मीघ्‍याङ झन-झन ल्‍होङ्‍ने। कानै परमेश्‍वरकी नाखुरीकुङ बारेयाङ सधैँ धन्‍यवाद याखी न पर्‌ले।

२ ठेसलोनीकी 2:13

प्रभुये माया जाट्‍च डाजेभाइको र डै बहीनीको, नाखुरीकुङ लागी कानै सधैँ धन्‍यवाद याखी न पर्‌ले, हीजैडेनाङ सुरुलकीङ न पवित्र आत्‍मौ पवित्र खास्‍च काम लकीङ र सत्‍यतामीटाक विश्‍वासलकीङ जीवाकी परमेश्‍वरै नाखुरीककी चुन्‍डीया।

१ टीमोठी 1:3

ङा माकेडोनीया नुङ्नाङ नाकोकी एफीससाङ ङुनी डेयार ङै कर लैडीमन्‍या, होला कुडीक जनै झुटो शिक्षा पाहाक्‍ङन ले, होखुरीककी मापाहाक्‍की डेयार रोकडीकी नाको होला न ङुनी।

१ टीमोठी 1:5

कानै याछ इसे शिक्षौ उदेश्‍य प्रेम हो, होसे चोखो मीमन, सेछ बीबेक र साँचो विश्‍वासलकीङ राल्‍हे।

१ टीमोठी 4:12

रेन्‍जा ले डेनाङ न नाकोकी सुयेर टुच्‍छ माआर्‌मीट्‍ख्‍यो। विश्‍वासीकुङ म्‍याहासाङ नाकुङ बोली बचन, बानी बेहोरा, प्रेम, विश्‍वास र शुद्धता चहीँ नाको काट नमुना छान्‍की य्‍होक्‍नी।

१ टीमोठी 5:2

होटजाट्‍न न बुढी भर्मीकोलाक र लहो मोइकी लेखा न, अनी लाहा डेनाङ मार्‌जा मास्‍टो जजाकोखाटा लहो न बहीनीको लेखा न चोखो मीमनै व्‍यवहार जाट्‍की।

२ टीमोठी 1:14

नाकुङ जीम्‍माङ याछ सेछ कुराकोलाक काल्‍हा भीत्री बास ङुच पवित्र आत्‍मौ शक्‍तिये जोगडीम डाकी।

याकुब 1:21

होटबाटै पट्‍ट न मास्‍च स्‍वभाव र झीर्‌न सेच दुष्‍ट कुराकोलाक हटडीनी। नम्र छानार नाखुरीकुङ रीदयाङ परमेश्‍वरै डाम याछ बचनकी स्‍वीकार जाट्‍नी, हीजैडेनाङ होसे बचनै नाखुरीककी जीवाटाक्‍‍की य्‍होक्‍ले।

याकुब 4:8

नाखुरीक परमेश्‍वरौ खेरेप रान्‍ही, अनी होसको र नाखुरीक खेरेप राल्‍हे। नाखुरीक पापीको, पाप जाट्‍की डास्‍नी! डोढार्‌या मीमन लेच भर्मीको, नाखुरीक लहौ मीमनकी चोखो खास्‍नी।

१ पट्‍रुस 1:2

अघीलकीङ न लहो योजना अनुसार परमेश्‍वर बोये नाखुरीककी लहो न पवित्र भर्मीको छान्‍कीयो लागी चुन्‍डीच हो। येशू ख्रीष्‍टौ य्‍हुये पवित्र छानार होसकुङ न आज्ञा नाखुरीकै मन्‍डीकी य्‍होक्‍नी डेयार नाखुरीककी आत्‍मालकीङ लहौ खासा। नाखुरीकखाटा अनुग्रह र शान्‍ति प्रसस्‍त छान्‍न ङुख्‍यौ।

१ पट्‍रुस 2:17

पट्‍ट न भर्मीकोलाक आदर जाट्‍नी। विश्‍वासी डाजेभाइको र डै बहीनीकोलाक माया जाट्‍नी। परमेश्‍वरखाटा बीर्‍हीनी, र राजाकी मान जाट्‍नी।

१ पट्‍रुस 3:1

ब्‍याहा जाट्‍च मास्‍टोको, नाखुरीक लहौ लेन्‍जाकुङ अधिनाङ ङुनी। र इटजाट्‍न होखुरीकै परमेश्‍वरौ बचन पालना माजाट्‍नाङ र लहौ मास्‍टोकुङ सेछ चालचलनै जाट्‍नाङ होखुरीकुङ मीमनौ परिवर्तन छान्‍की य्‍होक्‍ले, र होखुरीकै परमेश्‍वरकी विश्‍वास जाट्‍ले। नाखुरीकै डेकी न मापर्‌ले,

१ पट्‍रुस 3:20

इसे भर्मीकुङ आत्‍माको चहीँ नुहै बाड्‍को जहाज खास्‍च बेलाङ पाप लकीङ ल्‍हेस्‍लेकी डेयार परमेश्‍वरै लेन्‍च आत्‍माको लेया। टर होखुरीकै परमेश्‍वरौ आज्ञा मामन्‍डीया। जहाज भीत्री लेच ठोरै भर्मीको जम्‍मा आठ जना मट्‍टै डी लकीङ जीवाम्‍या।

१ पट्‍रुस 3:8

ङा अन्‍टीमाङ डेले, नाखुरीक पट्‍टको काट न मीमनुङ र काटै काटौ मर्‌म बुझडीस्‍च छान्‍की पर्‌ले। डाजेभाइको र डै बहीनीकोलाक लेखा न काटै काटकी माया जाट्‍नी र काटै काटकी दया टान्‍हाक्‍नी र नम्‍र छान्‍नी।

१ पट्‍रुस 4:17

हीजैडेनाङ न्‍याय च परमेश्‍वरौ लहौ न भर्मीकोलकीङ सुरु छान्‍च बेला राम्‍हने, र इडीक काल्‍हौ र न्‍याय जाट्‍ले डेनाङ परमेश्‍वरौ सेछ समाचारकी विश्‍वास माजाट्‍च भर्मीकुङ झन्‌ कोङ्‍च न्‍याय छान्‍ने औँला?

१ पट्‍रुस 4:8

पट्‍ट डेनाङ वास्‍टै काटै काटकी साँचो प्रेम जाट्‍नी, हीजैडेनाङ प्रेमै न हील्‍की माय्‍होक्‍च पापको हुप्‍ले।

२ पट्‍रुस 1:7

भक्‍टीयाङ विश्‍वासी डाजेभाइकुङ दया र दयाङ पट्‍टकी जाट्‍च प्रेम फाट्‍नी।

१ युहन्‍ना 3:11

नाखुरीकै सुरुलकीङ न सेच खबर इसे न हो, “काल्‍है, काटै काट्‍की प्रेम जाट्‍की पर्‌ले।”

१ युहन्‍ना 3:23

होसकुङ आज्ञा चहीँ परमेश्‍वरौ मीजा येशू ख्रीष्‍टौ म्‍यार्‌मीनाङ विश्‍वास जाट्‍की र ख्रीष्‍टै याछ आज्ञा अनुसार काटै काट्‍की प्रेम जाट्‍की न हो।

१ युहन्‍ना 4:12

सुयेर सेन्‍र परमेश्‍वरकी माडाङ्‍ङने। टर इडीक कानै काटै काट्‍की प्रेम जाटा डेनाङ परमेश्‍वर कान भीत्री ङुले र होसकुङ प्रेम कानखाटा पुरा छान्‍ले।

१ युहन्‍ना 4:20

इडीक सुयेर “ङा परमेश्‍वरकी प्रेम जाट्‍ले” डेले, टर लहो डाजेभाइको र डै बहीनीकोलाक हेला जाट्‍ले डेनाङ होसे झुटो हो। हीजैडेनाङ लहे डाङ्‍च लहौ डाजेभाइको र डै बहीनीकोलाक न प्रेम माजाट्‍चये झन माडाङ्‍च परमेश्‍वरकी कुटजाट्‍न प्रेम जाट्‍की य्‍होक्‍ले?

१ युहन्‍ना 4:7

ङौ जाक्‍च लाफाको, काल्‍हाको काटै काट्‍की प्रेम जाटीङ हीजैडेनाङ प्रेम चहीँ परमेश्‍वर लकीङ राछ हो। सुये प्रेम जाट्‍ले होसे परमेश्‍वर लकीङ जन्‍मडीस्‍च मीजाको हो र होचे परमेश्‍वरकी चीन्‍डीले।