१ पट्‍रुस 1:15 - पुर्वीय मगर

¹⁵ नाखुरीककी आर्‌घाच परमेश्‍वर पवित्र ले। होटबाटै नाखुरीक र नाखुरीकै जाट्‍च पट्‍ट न कामकुराङ पवित्र छान्‍नी।

१ पट्‍रुस 1:15 ပူးပေါင်းရင်းမြစ်များ

मत्ती 5:48

कुटजाट्‍न नाखुरीकुङ स्‍वर्गाङ लेच बोइ सिद्ध ले, होटजाट्‍न न नाखुरीक र पट्‍ट कुराङ सिद्ध छान्‍नी।”

१ ठेसलोनीकी 2:12

नाखुरीकुङ चालचलन परमेश्‍वरकी जाक्‍ङ सेच छान्‍ख्‍यौ डेयार कानै उत्‍साह याल्‍हे र अर्ती याल्‍हे र पाहाक्‍ले। हीजैडेनाङ नाखुरीककी होसकुङ लहौ राज्‍य र महीमाङ आर्‌घाले।

१ टीमोठी 4:12

रेन्‍जा ले डेनाङ न नाकोकी सुयेर टुच्‍छ माआर्‌मीट्‍ख्‍यो। विश्‍वासीकुङ म्‍याहासाङ नाकुङ बोली बचन, बानी बेहोरा, प्रेम, विश्‍वास र शुद्धता चहीँ नाको काट नमुना छान्‍की य्‍होक्‍नी।

२ टीमोठी 1:9

परमेश्‍वरै न कानकी जीवाका र लहो न भर्मी छान्‍की कानकी आर्‌घा। काल्‍है जाट्‍च कामौ आधाराङ होइन, टर मेखोल्‍हौ न इच्‍छा र अनुग्रहौ आधाराङ याङ्‍च जाट्‍च हो। इसे चहीँ सृष्‍टि छान्‍की डेनाङ अघीलकीङ न काल्‍हाकी ख्रीष्‍ट येशूये याछ अनुग्रह हो।

टीटस 3:14

काल्‍हौ विश्‍वासीकै आवश्‍यकताङ पर्च भर्मीकोलाक सहायता जाट्‍की सेछ काम जाट्‍की पर्‌ले। अनी होखुरीकुङ जीवन मीस्‍या मास्‍याटाक्‍च ल्‍याक्‍च माछान्‍ले।

टीटस 3:8

इसे कुरा साँच्‍ची न हो। परमेश्‍वराङ विश्‍वास जाट्‍चकै जटी सेछ काम जाट्‍कीयो लागी ढ्‍यान याख्‍यौ डेयार नाकै जोड याछ ङा मीमन जाट्‍ले। इसे सेछ काम जाट्‍की पट्‍ट न भर्मीकोलाक पट्‍ट डेनाङ फाइडा छान्‍च कुरा हो।

याकुब 3:13

नाखुरीकुङ मीघ्‍याङ सुर बुझकी र ग्‍यानी भर्मी ले डेनाङ होचे लहो सेछ चालचलन लकीङ बुद्धियो नम्रताङ काम जाटार टान्‍हाक्‍की पर्‌ले।

१ पट्‍रुस 2:12

ख्रीष्‍टकी विश्‍वास माजाट्‍च भर्मीकुङ मीघ्‍याङ नाखुरीकुङ चालचलन सेछ छान्‍की पर्‌ले। होखुरीकै नाखुरीककी मासेछ डेयार डोस लैडीनाङ नाखुरीकुङ सेछ कामको चीन्‍डीकी य्‍होक्‍ख्‍यौ र परमेश्‍वर न्‍याय जाट्‍की राछ डीनाङ होसकुङ महीमा जाट्‍ख्‍यौ।

१ पट्‍रुस 2:9

टर नाखुरीक च चुन्‍डीच भर्मीको, राजकीय पुजाहारीगीरी, पवित्र जाटी, नाखुरीककी अन्‍धकार लकीङ अचम्‍मौ ज्‍योटीयाङ राक्‍च परमेश्‍वरौ लहो न भर्मीको हो। होसकै नाखुरीककी होसकुङ अचम्‍मौ कामको प्रचार जाट्‍की भाक्‍च हो।

१ पट्‍रुस 3:16

टर उटर यान्‍हाङ नम्‍र छानार आदर जाटार ङाक्‍नी। नाखुरीकुङ बीबेक सफा डानी, होट छाना डेनाङ नाखुरीकुङ विरोधाङ ङाक्‍च र ख्रीष्‍टाङ नाखुरीकुङ सेछ चालचलन डाङार निन्‍दा जाट्‍चको मेखुरीक न काराम सेकी पर्‌ले।

१ पट्‍रुस 5:10

टर पट्‍ट न अनुग्रह लेच परमेश्‍वरै ख्रीष्‍टाङ लहौ सधैँभरीयो महीमौ लागी नाखुरीककी आर्‌घाम ने। होटबाटै नाखुरीकै कालाप बेर कष्‍ट भोग्‍डीच न्‍हुइङ होसकै न नाखुरीककी फेरी नयाँ खास्‍ले अनी शक्‍ति याहार बलीयो र शक्‍तिसाली खास्‍ले।

१ युहन्‍ना 3:3

अनी ख्रीष्‍ट मीटाक इसे आशा डाच काट-काट जना भर्मीये कुटजाट्‍न होसको पवित्र ले, होटजाट्‍न न लाहाकी पवित्र खास्‍ले।