१ युहन्‍ना 5:9 - पुर्वीय मगर

⁹ कानै भर्मीये याछ साक्षीकी विश्‍वास जाट्‍ले। टर भर्मीकुङ साक्षी डेनाङ परमेश्‍वरै याछ साक्षी झन महान ले। हीजैडेनाङ परमेश्‍वरै न लहो मीजौ बारेयाङ साक्षी याम्‍हने।

१ युहन्‍ना 5:9 ပူးပေါင်းရင်းမြစ်များ

मत्ती 17:5

पत्रुसै ङाक्‍नाङ-ङाक्‍नाङ न फोक्‍सा बोच डेबु राहार होच्‍यो छायै होखुरीककी हुपा। डेबु भीत्रीलकीङ काट सोर राहा, “इसे ङौ जाक्‍च मीजा हो, इसे खाटा ङा सार्‍है मार्‍हाङ्‍ङने, इच्‍यो कुरा सेनी।”

युहन्‍ना 10:38

टर इडीक ङै जाट्‍च कामको ङौ बोयो हो डेनाङ, नाखुरीकै ङा मीटाक विश्‍वास माजाट्‍नाङ र ङै जाट्‍च कामको मीटाक चहीँ विश्‍वास जाट्‍नी, र बोइ ङा खाटा ले, अनी ङा बोइ खाटा ले डेयार नाखुरीकै बुझडीस्‍की य्‍होक्‍ले।”

युहन्‍ना 5:39

नाखुरीक धर्मशास्‍त्राङ पाले, हीजैडेनाङ होला सेन्‍र मासीच जीवन डुप्‍ले डेम नाखुरीक आर्‌मीटले। टर ङौ बारेयाङ गबाही याछ होसे न धर्मशास्‍त्र हो।

प्रेरित 17:31

हीजैडेनाङ होसकै कायाक टोक्‍डीम याम्‍हने, होसनीक होसकै लहे भाक्‍च काट जना भर्मीलकीङ धार्मिकताङ संसारौ न्‍याय जाट्‍ले। होसे न भाक्‍च भर्मीकी सीच लकीङ जीवाटाकार होसकै पट्‍ट न भर्मीकोलाक इच्यौ प्रमाण याम्‍हने।”

प्रेरित 5:32

इसे पट्‍ट न कुराकुङ कान र पवित्र आत्‍मा साक्षी ले। अनी होटजाट्‍न न परमेश्‍वरै लहो आज्ञा मन्‍डीच कोलाक पवित्र आत्‍मा याम्‍हने।”

१ युहन्‍ना 5:10

होटबाटै सुये परमेश्‍वरौ मीजा मीटाक विश्‍वास जाट्‍ले, होचे परमेश्‍वरै डेच कुराङ विश्‍वास जाट्‍ले। टर परमेश्‍वराङ विश्‍वास माजाट्‍चये चहीँ होसकुङ साक्षीकी न झुटो खास्‍ले। हीजैडेनाङ परमेश्‍वरै लहो मीजौ बारेयाङ याछ साक्षीकी होचे विश्‍वास माजाट्‍ले।

१ युहन्‍ना 5:8

आत्‍मा, डी र य्‍हु। इसे सोमै न काट्‍न खाल्‍या साक्षी याल्‍हे।