१ युहन्‍ना 5:18 - पुर्वीय मगर

¹⁸ परमेश्‍वरौ सन्‍टानको सुयेर पाप जाट्‍न माङुले हीजैडेनाङ परमेश्‍वरौ मीजै होसकी सधैँ जोगडीयार डाले, र शैतानै होसकी हानी जाट्‍की न माय्‍होक्‍ले। इसे कुरा कानकी थाहा ले।

१ युहन्‍ना 5:18 ပူးပေါင်းရင်းမြစ်များ

मत्ती 5:37

नाखुरीकै डेच कुरा चहीँ ‘हो’ डेनाङ ‘हो’ ‘होइन’ डेनाङ ‘होइन’ डेनी। इसे डेनाङ ढेरै चहीँ शैतानलकीङ राल्‍हे।

मत्ती 6:13

कानकी परिक्षाङ पर्‌की माय्‍हानी, टर कानकी शैतानलकीङ जोगडीनी। [हीजैडेनाङ राज्‍य, शक्‍ति र महीमा सढैयो लागी नाकुङ न हो, आमेन।]’

युहन्‍ना 1:13

होखुरीक भर्मीयो य्‍हुलकीङ परमेश्‍वरौ मीजाको छान्‍च अठबा भर्मीयो शरीरौ इच्‍छालकीङ जन्‍मडीस्‍च होइन टर परमेश्‍वरलकीङ जन्‍मडीस्‍च हो।

युहन्‍ना 14:30

अब नाखुरीकखाटा ढेरै ङाक्‍च ङौ समय माले, हीजैडेनाङ इसे संसारौ शासक राम्‍हन ले। टर होच्‍यो ङामीटाक हीर शक्‍ति माले।

युहन्‍ना 15:4

ङाखाटा ङुनी, र ङा नाखुरीकखाटा ङुले। कुटजाट्‍न हाँगाकै म्‍यार्‌टुङ खाटा माङुवा डेनाङ होखुरीक लहे न मीस्‍या स्‍याटाक्‍की माय्‍होक्‍ले, होटजाट्‍न न ङाखाटा माङुवा डेनाङ नाखुरीकै र मीस्‍या स्‍याटाक्‍की माय्‍होक्‍ले।

युहन्‍ना 15:7

टर इडीक नाखुरीक ङाखाटा ङुवा र ङौ बचन नाखुरीक खाटा ङुवा डेनाङ टब नाखुरीकै ही मीमन जाट्‍ले होसे ङेन्‍ही अनी नाखुरीकुङ लागी होसे जाट्‍न याल्‍हे।

युहन्‍ना 15:9

“बोये ङाकी कुटजाट्‍न माया जाट्‍नने, ङै र होटजाट्‍न न नाखुरीककी माया जाट्‍नने। अब नाखुरीक ङौ मायाङ ङुनी।

प्रेरित 11:23

होला टाहार होलुङ भर्मीकोवाङ परमेश्‍वरौ अनुग्रह डाङार होसे मार्‍हाङा। होटै होचे होखुरीक पट्‌ट कोलाक प्रभुवाङ पुरा मीमनै विश्‍वासी छान्‍न ङुकी डेम उत्‍साह याहा।

याकुब 1:18

कान सृष्‍टियो पहीला स्‍याच मीस्‍याको ल्‍याक्‍च छान्‍की य्‍होकीङ डेयार होसकै लहौ न इच्‍छै सत्‍य बचन लकीङ कानकी नयाँ जीवन याहा।

याकुब 1:27

परमेश्‍वर बोइकी जाक्‍ङ सेच शुद्ध र पवित्र धर्म चहीँ डुखाङ पर्च टुहुरा-टुहुरीकोलाक र बीढुवाकोलाक सहायता जाट्‍की, र लाहाकी संसारुङ मासेछ कुराकोलकीङ जोगडीयार शुद्ध डाकी हो।

१ पट्‍रुस 1:23

परमेश्‍वरौ जीबीट बचन लकीङ नाखुरीकुङ नयाँ जन्‍म छान्‍नने, र होसे जीवन सधैँभरी ङुले। नाखुरीक नास छानार नुङ्‍च छोयौ सन्‍टानको होइन, टर सेन्‍र नास माछान्‍च परमेश्‍वरौ बचनौ छोयौ सन्‍टानको हो।

१ युहन्‍ना 2:29

इडीक ख्रीष्‍ट धर्मी ले डेच कुरा नाखुरीकै वार्‍हा डेनाङ, नाखुरीकै इसे कुरा र वार्‌ल्‍हे की ठीक काम जाट्‍च काट-काट जना भर्मी परमेश्‍वरौ मीजाको हो।

१ युहन्‍ना 3:12

नाखुरीक कयीन ल्‍याक्‍च छान्‍की माछान्‍ने। होसे शैतानलकीङ राछ भर्मी लेया र होचे लहो भाइ हाबीलकी साटा। होचे लहो भाइकी हीजै साटा? हीजैडेनाङ होच्‍यौ कामको दुष्‍ट लेया, टर भायो कामको चहीँ असल लेया।

१ युहन्‍ना 3:3

अनी ख्रीष्‍ट मीटाक इसे आशा डाच काट-काट जना भर्मीये कुटजाट्‍न होसको पवित्र ले, होटजाट्‍न न लाहाकी पवित्र खास्‍ले।

१ युहन्‍ना 3:9

परमेश्‍वरौ सन्‍टानकै पाप जाट्‍न माङुले हीजैडेनाङ होसेखाटा परमेश्‍वरौ स्‍वभाव छान्‍ने। होचे पाप जाट्‍न ङुकी माय्‍होक्‍ले हीजैडेनाङ होसे परमेश्‍वरौ मीजाको हो।

१ युहन्‍ना 4:6

टर काल्‍हाको च परमेश्‍वरौ हो र सुये परमेश्‍वरकी चीन्‍डीमने, होचे कानुङ कुरा सेले। सु परमेश्‍वरौ भर्मी होइन, होचे कानुङ कुरा मासेले। इटै न कानै साँचो आत्‍मा र झुटो आत्‍मा भाक्‍की य्‍होक्‍ले।

१ युहन्‍ना 5:1

येशू न मुक्‍ति याछ ख्रीष्‍ट हो डेयार विश्‍वास जाट्‍चको पट्‍ट न परमेश्‍वरौ मीजाको हो। अनी बोइकी प्रेम जाट्‍चकै होसकुङ मीजाकी र प्रेम जाट्‍ले।

१ युहन्‍ना 5:15

कानै सेन ङेन्‍हाङ र होसकै कानुङ कुरा सेले। अनी इसे कुरा सत्‍य हो डेयार वार्‌छबाटै कानै इसे र वार्‌न्‍हने की होसको खाटा ही ङेम्‍हने होसे कुरा कानै डुप्‍मने।

१ युहन्‍ना 5:19

संसार न शैतानौ अधिनाङ लेनाङ र कान चहीँ परमेश्‍वरौ सन्‍टान हो डेच कुरा कानकी थाहा ले।

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।

१ युहन्‍ना 5:21

मार्‌जा बालखको, नाखुरीक लहे लाहाकी मूर्तिको लकीङ लोस ङुनी।

१ युहन्‍ना 5:4

हीजैडेनाङ परमेश्‍वरौ सन्‍टानको काट-काट जनै दुष्‍ट संसारकी जुकी य्‍होक्‍ले। कानुङ विश्‍वासै न कान संसारकी जुले।

यहुडा 1:21

लाहाकी परमेश्‍वरौ प्रेमाङ डानी र सेन्‍र मासीच जीवनौ लागी कानुङ प्रभु येशू ख्रीष्‍टौ दयाकी लेन्‍नाङ इट जाट्‍नी।

यहुडा 1:24

अब परमेश्‍वर बोइ मेखोलै न नाखुरीककी पापाङ पर्‌की लकीङ जीवाटाक्‍की य्‍होक्‍ले, र पाप न मालेच नीस्‍कलङ्‍क खासार अनी बाड्‍को आनन्‍द खाटा लहौ महीमौ अघी आल्‍खी य्‍होक्‍ले,