१ युहन्‍ना 5:14 - पुर्वीय मगर

¹⁴ परमेश्‍वरौ अगाडी नुङ्‍नाङ कानुङ इसे न भरोसा ले: कानै होसकुङ इच्‍छा अनुसार ही ङेन्‍हाङ र होसकै कानुङ कुरा सेले।

१ युहन्‍ना 5:14 ပူးပေါင်းရင်းမြစ်များ

मत्ती 21:22

विश्‍वास जाटार प्रार्थनाङ ही ङेल्‍हे होसे नाखुरीकै डुप्‍ले।”

युहन्‍ना 11:42

ङौ बिन्‍ती नाकै सढैँ सेले, होसे ङाकी थाहा ले। टर नाकै ङाकी संसाराङ बीर्‌न्‍हकाच हो डेच कुरा इला लेच भर्मीकै विश्‍वास जाट्‍ख्‍यौ डेयार ङै नाकोकी इसे बिन्‍ती चढडीच हो।”

युहन्‍ना 14:13

नाखुरीकै ङौ म्‍यार्‌मीनाङ ही ङेन्‍हाङ र मीजा लकीङ बोयो महीमा छान्‍ख्‍यौ डेयार ङा होसे नाखुरीककी पुरा जाट्‍न याल्‍हे।

युहन्‍ना 15:7

टर इडीक नाखुरीक ङाखाटा ङुवा र ङौ बचन नाखुरीक खाटा ङुवा डेनाङ टब नाखुरीकै ही मीमन जाट्‍ले होसे ङेन्‍ही अनी नाखुरीकुङ लागी होसे जाट्‍न याल्‍हे।

युहन्‍ना 16:24

चाहाँसम्‍म नाखुरीकै ङौ म्‍यार्‌मीनाङ हीर माङेम्‍हने। ङेन्‍ही र नाखुरीकै डुप्‍ले। अनी नाखुरीकुङ आनन्‍द पुरा छान्‍ले।

युहन्‍ना 9:31

कान पट्‍टकी थाहा ले, परमेश्‍वरै पापीकुङ कुरा मासेले, टर परमेश्‍वरकी आडार जाट्‍च र होसकुङ इच्‍छाङ काम जाट्‍च भर्मीकुङ मट्‍टै कुरा सेले।

याकुब 4:3

नाखुरीकै ङेल्‍हे टर माडुप्‍ले, हीजैडेनाङ नाखुरीक लहौ मोज-मज्‍जा पुरा जाट्‍कीयो लागी दुष्‍ट इच्‍छालकीङ ङेल्‍हे।

याकुब 5:16

होटबाटै काल्‍है पाप जाट्‍न ने डेयार काटै-काटौ म्‍याहासाङ नाखुरीकै लहौ पापको स्‍वीकार जाट्‍नी। अनी नाखुरीक गेप्‍की डेयार काटै काटौ लागी प्रार्थना जाट्‍नी, परमेश्‍वरौ म्‍याहासाङ ठीक ठहरीस्‍च भर्मीकै जाट्‍च प्रार्थना शक्‍तिशाली छान्‍ले र इचे बाड्‍को काम जाट्‍ले।

१ युहन्‍ना 2:28

अब मार्‌जा बालखको, होसको खाटा ङुनी टा की होसकोकी डाङ्‍नाङ कानै हीम्‍मट डुप्‍ले, अनी होसको रान्‍हाङ होसकुङ म्‍याहासाङ कानै काराम सेकी मापार्‌ले।