१ युहन्‍ना 5:13 - पुर्वीय मगर

¹³ सेन्‍र मासीच जीवन डुप्‍मने डेच कुरा नाखुरीकै अट वार्‍है डेम न परमेश्‍वरौ मीजा मीटाक विश्‍वास जाट्‍च नाखुरीककी ङा इसे चीठी रीक्‍ङन ले।

१ युहन्‍ना 5:13 ပူးပေါင်းရင်းမြစ်များ

युहन्‍ना 1:12

टर होखुरीक कुडीक जनै होसकोकी ग्रहण जाटा र होसको मीटाक विश्‍वास जाटा, होखुरीककी होसकै परमेश्‍वरौ मीजाको छान्‍च अधिकार याहा।

युहन्‍ना 2:23

छुटकारौ चाडौ बेला येशू यरूशलेमाङ लेनाङ होला होसकै अचम्‍मौ चीन्‍हको जाटा, याङ्‍च डाङार वास्‍टै भर्मीकै होसको मीटाक विश्‍वास जाटा।

युहन्‍ना 20:31

टर इला इट डेयार रीक्‍ङने, होटबाटै येशू न मुक्‍ति याछ ख्रीष्‍ट, परमेश्‍वरौ मीजा हो डेम विश्‍वास जाट्‍ख्‍यौ। र होसकुङ म्‍यार्‌मीनाङ विश्‍वास जाटार सेन्‍र मासीच जीवन डुप्ख्‍यौ।

युहन्‍ना 21:24

इसे होसे न चेला हो, लहे डाङ्‌च पट्‍ट न कुराकुङ गबाही इला याम्‍हन ले, होचे न इसे कुराको रीका र होच्‍यौ गबाही सत्‍य हो डेयार कान वार्‌ल्‍हे।

युहन्‍ना 3:18

सु-सुये होसको मीटाक विश्‍वास जाट्‍ले, होखुरीक दोषी माठहरीस्‍ले, टर विश्‍वास माजाट्‍चको चहीँ अघीलकीङ न दोषी ठहरीस्‍नने, हीजैडेनाङ होखुरीकै परमेश्‍वरौ काट मट्‍टै मीजौ म्‍यार्‌मीनाङ विश्‍वास माजाट्‍नने।

युहन्‍ना 5:24

“साँच्‍ची न, ङा नाखुरीककी डेले, सुये ङौ बचन सेले र ङाकी बीर्‌न्‍हकाचकी विश्‍वास जाट्‍ले, होसेखाटा सेन्‍र मासीच जीवन ले। होसे न्‍यायौ डीनाङ दोषी माठहरीस्‍ले, टर होसे सीच लकीङ सेन्‍र मासीच जीवनाङ सरीस्‍न भ्‍याच छान्‍ले।

प्रेरित 3:16

येशूकी विश्‍वास जाट्‍च बाटै इसे लङ्‍गडै बल डुपा। होसकुङ म्‍यार्‌मीन लकीङ होच्‍यौ मीमनाङ विश्‍वास राहा। इच्यौ विश्‍वासै जाट्‍न अब नाखुरीकै न डाङ्‍च र चीन्‍डीच इसे भर्मी गेप्‍च नाखुरीकै डाङ्‍ङन ले।

प्रेरित 4:12

“अरु सु लेठाङ र मुक्‍ति माले हीजैडेनाङ संसाराङ कुसेर म्‍यार्‌मीन माय्‍हामने होसे म्‍यार्‌मीनै चहीँ काल्‍हाकी जीवाक्‍की य्‍होक्‍ले।”

१ पट्‍रुस 5:12

ङौ विश्‍वास योग्‍य भाइ सीलासौ साहयटै ङै इसे टुन्‍छ चीठी नाखुरीककी रीक्‍ङने। ङै इसे पट्‍ट न परमेश्‍वरौ साँचो अनुग्रहौ साक्षी याखी र नाखुरीकुङ साहस बड्‍डीम याखी रीक्‍च हो। इसे अनुग्रहाङ नाखुरीक बलीयो खाटा खडा छान्‍नी।

१ युहन्‍ना 1:4

कानुङ आनन्‍द पुरा अटछानै डेयार न इसे कुराको रीक्‍ङन ले।

१ युहन्‍ना 2:1

ङौ मार्‌जा बालखको, नाखुरीकै पाप माजाट्‍नी डेयार ङा इसे कुराको नाखुरीककी रीक्‍ङन ले। टर इडीक सुयेर पाप जाट्‍की क्‍योटा डेनाङ र कानुङ पक्षाङ परमेश्‍वर बोइ खाटा बिन्‍ती जाट्‍न याछ काट जना धार्मिक येशू ख्रीष्‍ट कानखाटा ले।

१ युहन्‍ना 2:21

नाखुरीकै सत्‍यकी माचीन्‍डीमे डेयार ङै रीक्‍च होइन, टर नाखुरीकै सत्‍यकी चीन्‍डीच बाटै न रीक्‍च हो। सत्‍यलकीङ हीर झुटो माख्‍योले डेच कुरा र नाखुरीककी थाहा ले।

१ युहन्‍ना 2:25

अनी मीजै याल्‍हे डेयार काल्‍हा खाटा जाट्‍च प्रतिज्ञा चहीँ सेन्‍र मासीच जीवन न हो।

१ युहन्‍ना 2:26

ङा इसे पट्‍ट न कुरा नाखुरीककी झुटो ङाकार बहकडीकी पाच भर्मीकुङ बारेयाङ रीक्‍ङन ले।

१ युहन्‍ना 3:23

होसकुङ आज्ञा चहीँ परमेश्‍वरौ मीजा येशू ख्रीष्‍टौ म्‍यार्‌मीनाङ विश्‍वास जाट्‍की र ख्रीष्‍टै याछ आज्ञा अनुसार काटै काट्‍की प्रेम जाट्‍की न हो।

१ युहन्‍ना 4:9

परमेश्‍वरै काल्‍हाकी लहो प्रेम इटजाट्‍न टान्‍हाका, की होसकुङ मीजा लकीङ कानै सेन्‍र मासीच जीवन डुप्‍ख्‍यौ डेयार होसकै लहो काट्‍जा मीजाकी र संसाराङ बीर्‌न्‍हका।

१ युहन्‍ना 5:10

होटबाटै सुये परमेश्‍वरौ मीजा मीटाक विश्‍वास जाट्‍ले, होचे परमेश्‍वरै डेच कुराङ विश्‍वास जाट्‍ले। टर परमेश्‍वराङ विश्‍वास माजाट्‍चये चहीँ होसकुङ साक्षीकी न झुटो खास्‍ले। हीजैडेनाङ परमेश्‍वरै लहो मीजौ बारेयाङ याछ साक्षीकी होचे विश्‍वास माजाट्‍ले।

१ युहन्‍ना 5:11

अनी साक्षी इसे न हो: परमेश्‍वरै कानकी सेन्‍र मासीच जीवन याम्‍हने, र इसे जीवन होसकुङ मीजाखाटा ले।

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।