१ युहन्‍ना 4:9 - पुर्वीय मगर

⁹ परमेश्‍वरै काल्‍हाकी लहो प्रेम इटजाट्‍न टान्‍हाका, की होसकुङ मीजा लकीङ कानै सेन्‍र मासीच जीवन डुप्‍ख्‍यौ डेयार होसकै लहो काट्‍जा मीजाकी र संसाराङ बीर्‌न्‍हका।

१ युहन्‍ना 4:9 ပူးပေါင်းရင်းမြစ်များ

मर्कूस 12:6

अन्‍टीमाङ होसे मालीकौ माया जाट्‍च काट मट्‍टै लेन्‍जा मीजा बाँकी लेया। ‘होखुरीकै ङौ मीजाकी च पक्‍कै आदर जाट्‍ले’ डेयार पट्‍ट डेनाङ न्‍हुइङ लहो मीजाकी होखुरीक लेठाङ बीर्‌न्‍हका।

लुका 4:18

“परमप्रभुओ आत्‍मा ङा मीटाक ले। हीजैडेनाङ गरीबकोलाक सेछ समाचार सेटाक्‍की डेम होसकै ङाकी अभिषेक जाट्‍नने। बन्‍धनाङ लेच कोलाक फोसाक्‍की र मीमीक माडाङ्‌च कोलाक डाङ्‌च खास्‍की, ठीचोमीचोवाङ पर्च कोलाक स्‍वतन्‍त्र जाट्‍कीयो लागी,

युहन्‍ना 10:10

खुस च खुसकी, साट्‍की र नास जाट्‍की मट्‍टै राल्‍हे। टर ङा चहीँ नाखुरीकै जीवन डुप्‍ख्‍यौ, होसे परसस्‍ट जाट्‍न डुप्‍ख्‍यौ डेयार राछ हो।

युहन्‍ना 14:6

येशूये होसकी डेया, “लाम, सत्‍य र जीवन ङा न हो। ङा लकीङ बाहेक कुसे भर्मी र बोइ लेठाङ राखी माय्‍होक्‍ले।

युहन्‍ना 3:16

हीजैडेनाङ परमेश्‍वरै संसारुङ भर्मीकोलाक याङ्‍च प्रेम जाटा, की होसकै लहो काटजा मीजाकी र याहा। होसकोकी विश्‍वास जाट्‍च सुर नास माछान्‍ले, टर होचे सेन्‍र मासीच जीवन डुप्‍ले।

युहन्‍ना 3:18

सु-सुये होसको मीटाक विश्‍वास जाट्‍ले, होखुरीक दोषी माठहरीस्‍ले, टर विश्‍वास माजाट्‍चको चहीँ अघीलकीङ न दोषी ठहरीस्‍नने, हीजैडेनाङ होखुरीकै परमेश्‍वरौ काट मट्‍टै मीजौ म्‍यार्‌मीनाङ विश्‍वास माजाट्‍नने।

युहन्‍ना 5:23

होटबाटै पट्‍टये मीजौ आदर जाट्‍ख्‍यो, कुटजाट्‍न होखुरीकै परमेश्‍वर बोयो आदर जाट्‍ले। मीजाकी आदर माजाट्‍चये मीजाकी बीर्‌न्‍हकाच बोइकी र आदर माजाट्‍ले।

युहन्‍ना 6:29

येशूये होखुरीककी डेया, “परमेश्‍वरै बीर्‌न्‍हकाचकी विश्‍वास जाट्‍नी, इसे न परमेश्‍वरै मीमन जाट्‍च काम हो।”

युहन्‍ना 6:51

स्‍वर्ग लकीङ झाल्‍न राछ जीबीट रोटो ङा न हो। इसे रोटो सुये ज्‍याले होसे सढैँभरी जीवाम ङुले। ङै याछ होसे रोटो चहीँ ङौ डेह हो। संसारुङ भर्मीकै सेन्‍र मासीच जीवन डुप्‍ख्‍यौ डेयार ङा ङौ डेह याल्‍हे।”

युहन्‍ना 6:57

जीबीट बोये ङाकी बीर्‌न्‍हका, र ङा बोयौ कारनै जीवाले। होटजाट्‍न न सुये ङाकी ज्‍याले होखुरीक ङौ कारनै जीवाले।

युहन्‍ना 8:29

ङाकी बीर्‌न्‍हकाच ङा खाटा न ले, होसकै ङाकी ङाल्‍हा काट न माडास्‍नने, हीजैडेनाङ ङा सढैँ होसकोकी खुसी पार्‌च काम जाट्‍ले।”

युहन्‍ना 8:42

येशूये होखुरीककी डेया, “इडीक परमेश्‍वर नाखुरीकुङ बोइ हो डेनाङ च नाखुरीकै ङाकी माया जाट्‍च लेया, हीजैडेनाङ ङा परमेश्‍वर लकीङ राछ हो। ङाल्‍हौ इच्‍छाङ राछ होइन, होसकै न ङाकी बीर्‌न्‍हकाच हो।

युहन्‍ना 9:3

येशूये जवाफ याहा, “इच्‍यो लहो पापै र होइन, मेन मोइ-बोयो पापै र होइन, टर परमेश्‍वरौ शक्‍तियो काम इसे भर्मीयो जीवनाङ डाङ्‍ख्‍यो डेयार न इसे अन्‍धा छान्‍च हो।

१ युहन्‍ना 3:16

येशू ख्रीष्‍टै कानुङ लागी लहो परान याहा। इटै न कानै प्रेम ही हो डेच कुरा बुझडीस्‍की य्‍होक्‍ले। अनी कानै र लहो विश्‍वासी डाजेभाइको र डै बहीनीकुङ लागी लहो प्राण याखी पर्‌ले।

१ युहन्‍ना 4:10

साँचो प्रेम इसेन हो: कानै परमेश्‍वरकी प्रेम जाट्‍च होइन, टर होसकै कानकी प्रेम जाटा र कानुङ पापौ बलीडान छान्‍कीयो लागी लहो मीजाकी संसाराङ बीर्‌न्‍हका।

१ युहन्‍ना 4:16

काल्‍हाको लहे र परमेश्‍वरै कानकी प्रेम जाट्‍च कुरा बुझडीस्‍ले र इला न भरोसा जाट्‍ले। परमेश्‍वर प्रेम हो, अनी प्रेमाङ लक्‍डीस्‍न ङुच भर्मी परमेश्‍वर खाटा ङुले र परमेश्‍वर होसे खाटा ङुले।

१ युहन्‍ना 5:11

अनी साक्षी इसे न हो: परमेश्‍वरै कानकी सेन्‍र मासीच जीवन याम्‍हने, र इसे जीवन होसकुङ मीजाखाटा ले।

१ युहन्‍ना 5:13

सेन्‍र मासीच जीवन डुप्‍मने डेच कुरा नाखुरीकै अट वार्‍है डेम न परमेश्‍वरौ मीजा मीटाक विश्‍वास जाट्‍च नाखुरीककी ङा इसे चीठी रीक्‍ङन ले।