१ युहन्‍ना 4:6 - पुर्वीय मगर

⁶ टर काल्‍हाको च परमेश्‍वरौ हो र सुये परमेश्‍वरकी चीन्‍डीमने, होचे कानुङ कुरा सेले। सु परमेश्‍वरौ भर्मी होइन, होचे कानुङ कुरा मासेले। इटै न कानै साँचो आत्‍मा र झुटो आत्‍मा भाक्‍की य्‍होक्‍ले।

१ युहन्‍ना 4:6 ပူးပေါင်းရင်းမြစ်များ

लुका 10:22

“ङौ बोये ङाकी पट्‍ट कुराको जीम्‍मा याम्‍हे। बोये बाहेक मीजाकी सुयेर माचीन्‍डीले। बोइ सु आले डेम मीजै बाहेक सुयेर माचीन्‍डीले र मीजै बोइकी सु सुकी चीन्‍डीयाक्‍ले होसे भर्मीकै बाहेक सुयेर चीन्‍डीकी माय्‍होक्‍ले।”

युहन्‍ना 10:16

ङा खाटा अरु भेडाको र ले, होखुरीक इसे गोठुङ होइन, होखुरीककी र ङै राक्‍की पर्‌ने। होखुरीकै ङौ सोर सेले र होखुरीक पट्‍ट न काट न बगाल छान्‍ने, अनी होखुरीकुङ गोठ्‍ला काट न छान्‍ले।

युहन्‍ना 10:27

ङौ भेडाकै चहीँ ङौ सोर सेले, र होखुरीककी ङा चीन्‍डीले, अनी होखुरीकै ङाकी डुट्‍ले।

युहन्‍ना 10:3

जब गोठ्‍ला राल्‍हे टब गोठ रुङ्‍की ङुचये होच्‍यौ लागी गोठौ गालाम फोम याल्‍हे। गोठ्‍लै लोहो भेडाकुङ म्‍यार्‌मीन लार आर्‌घानाङ भेडाकै लोहो गोठ्‍लौ सोर चीन्‍डीले र होचे होखुरीककी डोरीचै बाहीर छ्‍युक्‍ले।

युहन्‍ना 13:20

साँच्‍ची न ङा नाखुरीककी डेले, ङा बीर्‌न्‍हकाचकी स्‍वीकार जाट्‍चये ङाकी र स्‍वीकार जाट्‍ले, र ङाकी स्‍वीकार जाट्‍चये ङाकी बीर्‌न्‍हकाचकी र स्‍वीकार जाट्‍ले।”

युहन्‍ना 14:17

होसको सत्‍यौ आत्‍मा हो। टर संसारै होसकोकी स्‍वीकार माजाट्‍ले। हीजैडेनाङ संसारै होसकोकी न डाङ्‍ले न चीन्‍डीले। टर नाखुरीकै चहीँ होसकोकी चीन्‍डीले, हीजैडेनाङ होसको नाखुरीकखाटा ङुले, र नाखुरीक भीत्री बास जाट्‍ले।

युहन्‍ना 15:26

“अब ङा बोइलकीङ सत्‍यौ आत्‍मा नाखुरीककी सल्‍लाह याखी बीर्‌न्‍हकाले। होसकै न ङौ बारेयाङ साक्षी याल्‍हे।

युहन्‍ना 16:13

जब सत्‍यौ आत्‍मा राल्‍हे टब होसकै न सत्‍य ही हो होसे कुरा नाखुरीककी बुझडीम याल्‍हे। होसकै लहो टर्‌फलकीङ माङाक्‍ले। होसकै ही सेले, होसे न नाखुरीककी डेले, अनी पीहीन छान्‍न राछ कुराको र डेम याल्‍हे।

युहन्‍ना 18:37

पिलातसै येशूकी डेया, “होट हो डेनाङ नाको राजा न हो ट?” येशूये डेया, “ङा राजा हो डेयार नाको लाहा न डेम न ले। ङा सत्‍यौ गबाही याखी जन्‍मडीस्‍च हो, र इच्यो लागी न संसाराङ राछ हो। सुये सत्‍य जाक्‍ले होखुरीकै ङौ कुरा सेले।”

युहन्‍ना 20:21

येशूये फेरी होखुरीककी डेया, “नाखुरीककी शान्‍ति! कुटजाट्‍न ङाकी ङौ बोये बीर्‌न्‍हका, होटजाट्‍न न अब ङा र नाखुरीककी बीर्‌न्‍हकामन ले।”

युहन्‍ना 8:19

टब येशूकी होखुरीकै गीना, “नाकुङ बोइ चहीँ कुला ले ट?” येशूये होखुरीककी जवाफ याहा, “नाखुरीक न ट ङाकी चीन्‍डीले न ट ङौ बोइकी न चीन्‍डीले। इडीक नाखुरीकै ङाकी चीन्‍डी च लेनाङ ङौ बोइकी र चीन्‍डी च लेया।”

युहन्‍ना 8:23

येशूये होखुरीककी डेया, “नाखुरीक इला म्‍हाकुङ हो, ङा चहीँ ढेनामीङ राछ हो। नाखुरीक इसे संसारुङ हो, टर ङा इसे संसारुङ होइन।

२ ठेसलोनीकी 1:8

होसको राहार परमेश्‍वरकी माचीन्‍डीच कोलाक र कानुङ प्रभु येशूओ सेछ समाचारकी मामन्‍डीच कोलाक दण्‍ड याल्‍हे।

१ टीमोठी 4:1

पवित्र आत्‍मै बुझडीस्‍च जाट्‍न डेमने, पीहीन राछ समयाङ वास्‍टै भर्मीकै विश्‍वासकी ट्‍याक्‍डीले। अनी होखुरीक बहकडीच आत्‍माको र भूतकुङ झुटो शिक्षा पट्‍टी नुङ्‍ले।

२ पट्‍रुस 3:2

वास्‍टै वर्ष अगाडी पवित्र अगमवक्‍ताकै ङाक्‍च कुरा र प्रेरितकै डेच कानुङ प्रभुओ आज्ञा र होसकै मुक्‍ति याछ कुराकी आर्‌मीट्‍न ङुनी डेच मीमन जाट्‍ले।

१ युहन्‍ना 4:1

ङौ जाक्‍च लाफाको, ङा खाटा पवित्र आत्‍मा ले डेच पट्‍ट न भर्मीकोलाक नाखुरीकै विश्‍वास माजाट्‍की, टर होखुरीक खाटा लेच आत्‍मा परमेश्‍वर लकीङ राछ हो की होइन डेयार जाँच्‍डीकी। हीजैडेनाङ धेरै झुटो अगमवक्‍ताको इसे संसाराङ ख्‍योम्‍ह राम्‍हने।

१ युहन्‍ना 4:4

ए ङौ मार्‌जा बालखको, नाखुरीक च परमेश्‍वरौ सन्‍टानको हो र नाखुरीकै झुटो अगमवक्‍ताकोलाक जुमने हीजैडेनाङ नाखुरीकखाटा लेच पवित्र आत्‍मा चहीँ संसारुङ भर्मीकोखाटा लेच आत्‍मा डेनाङ शक्‍तिसाली ले।

१ युहन्‍ना 4:8

सुये प्रेम माजाट्‍ले, होचे परमेश्‍वरकी माचीन्‍डीले, हीजैडेनाङ परमेश्‍वर प्रेम हो।

१ युहन्‍ना 5:19

संसार न शैतानौ अधिनाङ लेनाङ र कान चहीँ परमेश्‍वरौ सन्‍टान हो डेच कुरा कानकी थाहा ले।

यहुडा 1:17

टर ङौ विश्‍वासी डाजेभाइको र डै बहीनीको, नाखुरीकै चहीँ काल्‍हौ प्रभु येशू ख्रीष्‍टौ प्रेरितकै अघीलकीङ न डेच बचनकोलाक आर्मीट्‍नी।