१ युहन्‍ना 4:19 - पुर्वीय मगर

¹⁹ काल्‍हाको परमेश्‍वरकी प्रेम जाट्‍ले, हीजैडेनाङ पहीला होसकै न कानकी प्रेम जाटा।

१ युहन्‍ना 4:19 ပူးပေါင်းရင်းမြစ်များ

लुका 7:47

ङा नाकोकी डेले, इच्यो पाप वास्‍टै लेया टर क्षमा छान्‍नने। होटबाटै इसे मास्‍टोये ङाकी वास्‍टै माया टान्‍हाका। चेक्‍जा पाप क्षमा छान्‍च भर्मीये चहीँ चेक्‍जा न माया जाट्‍ले।”

युहन्‍ना 15:16

नाखुरीकै ङाकी मारोजडीया, टर ङै नाखुरीककी रोजडीया। नाखुरीक नुङार सढैँ भरी ङुच मीस्‍या स्‍याटाक्‍नी डेयार ङै नाखुरीककी खटडीमने, नुङ्‍नी र मीस्‍या स्‍याटाक्‍नी। बोइखाटा ङौ म्‍यार्‌मीनाङ ही ङेल्‍हे, होसकै नाखुरीककी होसे याल्‍हे।

युहन्‍ना 3:16

हीजैडेनाङ परमेश्‍वरै संसारुङ भर्मीकोलाक याङ्‍च प्रेम जाटा, की होसकै लहो काटजा मीजाकी र याहा। होसकोकी विश्‍वास जाट्‍च सुर नास माछान्‍ले, टर होचे सेन्‍र मासीच जीवन डुप्‍ले।

१ युहन्‍ना 4:10

साँचो प्रेम इसेन हो: कानै परमेश्‍वरकी प्रेम जाट्‍च होइन, टर होसकै कानकी प्रेम जाटा र कानुङ पापौ बलीडान छान्‍कीयो लागी लहो मीजाकी संसाराङ बीर्‌न्‍हका।

१ युहन्‍ना 4:20

इडीक सुयेर “ङा परमेश्‍वरकी प्रेम जाट्‍ले” डेले, टर लहो डाजेभाइको र डै बहीनीकोलाक हेला जाट्‍ले डेनाङ होसे झुटो हो। हीजैडेनाङ लहे डाङ्‍च लहौ डाजेभाइको र डै बहीनीकोलाक न प्रेम माजाट्‍चये झन माडाङ्‍च परमेश्‍वरकी कुटजाट्‍न प्रेम जाट्‍की य्‍होक्‍ले?