१ युहन्‍ना 4:12 - पुर्वीय मगर

¹² सुयेर सेन्‍र परमेश्‍वरकी माडाङ्‍ङने। टर इडीक कानै काटै काट्‍की प्रेम जाटा डेनाङ परमेश्‍वर कान भीत्री ङुले र होसकुङ प्रेम कानखाटा पुरा छान्‍ले।

१ युहन्‍ना 4:12 ပူးပေါင်းရင်းမြစ်များ

युहन्‍ना 1:18

परमेश्‍वरकी सुयेर सेन्‍र माडाङ्‍ने। टर काट मट्‍टै मीजा होसको परमेश्‍वर हो होसको बोयौ खेरेप ले र होसकै न कानकी परमेश्‍वर चीन्‍डीयाक्‍ने।

१ टीमोठी 1:17

अब सधैँभरीयुङ राजा, सधैँभरी जीवाम ङुच अनी जुन की कानै डाङ्‍की माय्‍होक्‍ले होसकोकी न आदर र महीमा सधैँभरी छान्‍ख्‍यो। होसको काट मट्‍टै परमेश्‍वर हो! आमेन।

१ टीमोठी 6:16

होसको खाटा मट्‍टै सधैँभरी जीवाम ङुच जीवन ले, र होसको ज्‍योतियाङ ङुले अनी होला सुर खेरेप नुङ्‍की माय्‍होक्‍ले। होसकोकी चाहाँ सम्‍म सुयेर माडाङ्‌ने र डाङ्‍की र माय्‍होक्‍ले। सधैँभरी ङुच शक्‍ति र आदर होसकोखाटा न ङुख्‍यौ। आमेन।

१ युहन्‍ना 2:5

टर सुये परमेश्‍वरौ बचन मन्‍डीले, होचे परमेश्‍वरकी पुरा माया जाट्‍च छान्‍ले। इटै न कान होसको खाटा ले डेच कुरा थाहा छान्‍ले।

१ युहन्‍ना 3:24

अनी परमेश्‍वरौ आज्ञाको मन्‍डीच भर्मी चहीँ परमेश्‍वर खाटा छान्‍ने, र परमेश्‍वर होसे खाटा छान्‍ने। इटजाट्‍न परमेश्‍वर कानखाटा छान्‍ने डेच कुरा होसकै याछ पवित्र आत्‍मा लकीङ न कानै वार्‌खी य्‍होक्‍ले।

१ युहन्‍ना 4:16

काल्‍हाको लहे र परमेश्‍वरै कानकी प्रेम जाट्‍च कुरा बुझडीस्‍ले र इला न भरोसा जाट्‍ले। परमेश्‍वर प्रेम हो, अनी प्रेमाङ लक्‍डीस्‍न ङुच भर्मी परमेश्‍वर खाटा ङुले र परमेश्‍वर होसे खाटा ङुले।

१ युहन्‍ना 4:20

इडीक सुयेर “ङा परमेश्‍वरकी प्रेम जाट्‍ले” डेले, टर लहो डाजेभाइको र डै बहीनीकोलाक हेला जाट्‍ले डेनाङ होसे झुटो हो। हीजैडेनाङ लहे डाङ्‍च लहौ डाजेभाइको र डै बहीनीकोलाक न प्रेम माजाट्‍चये झन माडाङ्‍च परमेश्‍वरकी कुटजाट्‍न प्रेम जाट्‍की य्‍होक्‍ले?

१ युहन्‍ना 4:6

टर काल्‍हाको च परमेश्‍वरौ हो र सुये परमेश्‍वरकी चीन्‍डीमने, होचे कानुङ कुरा सेले। सु परमेश्‍वरौ भर्मी होइन, होचे कानुङ कुरा मासेले। इटै न कानै साँचो आत्‍मा र झुटो आत्‍मा भाक्‍की य्‍होक्‍ले।