१ युहन्‍ना 4:10 - पुर्वीय मगर

¹⁰ साँचो प्रेम इसेन हो: कानै परमेश्‍वरकी प्रेम जाट्‍च होइन, टर होसकै कानकी प्रेम जाटा र कानुङ पापौ बलीडान छान्‍कीयो लागी लहो मीजाकी संसाराङ बीर्‌न्‍हका।

१ युहन्‍ना 4:10 ပူးပေါင်းရင်းမြစ်များ

युहन्‍ना 13:34

होटबाटै अब ङा नाखुरीककी काट नयाँ आज्ञा याल्‍हे, नाखुरीक काटै अर्‌कोकी माया जाट्‍की। कुटजाट्‍न ङै नाखुरीककी माया जाट्‍नने, होटजाट्‍न न नाखुरीकै र काटै अर्‌कोकी माया जाट्‍की।

युहन्‍ना 15:16

नाखुरीकै ङाकी मारोजडीया, टर ङै नाखुरीककी रोजडीया। नाखुरीक नुङार सढैँ भरी ङुच मीस्‍या स्‍याटाक्‍नी डेयार ङै नाखुरीककी खटडीमने, नुङ्‍नी र मीस्‍या स्‍याटाक्‍नी। बोइखाटा ङौ म्‍यार्‌मीनाङ ही ङेल्‍हे, होसकै नाखुरीककी होसे याल्‍हे।

युहन्‍ना 3:16

हीजैडेनाङ परमेश्‍वरै संसारुङ भर्मीकोलाक याङ्‍च प्रेम जाटा, की होसकै लहो काटजा मीजाकी र याहा। होसकोकी विश्‍वास जाट्‍च सुर नास माछान्‍ले, टर होचे सेन्‍र मासीच जीवन डुप्‍ले।

युहन्‍ना 6:51

स्‍वर्ग लकीङ झाल्‍न राछ जीबीट रोटो ङा न हो। इसे रोटो सुये ज्‍याले होसे सढैँभरी जीवाम ङुले। ङै याछ होसे रोटो चहीँ ङौ डेह हो। संसारुङ भर्मीकै सेन्‍र मासीच जीवन डुप्‍ख्‍यौ डेयार ङा ङौ डेह याल्‍हे।”

१ पट्‍रुस 2:24

ख्रीष्‍टै काल्‍हौ पापको लहो शरीराङ बुवार सीङौ क्रूसाङ टङ्‍गडीसा, होटबाटै कान र पापौ लागी सीया अनी परमेश्‍वरकी जाक्‍ङ सेच सेछ कामौ लागी जीवाकी पर्‌ले। होसकुङ न चोटको लकीङ नाखुरीक गेपा।

१ पट्‍रुस 3:18

हीजैडेनाङ ख्रीष्‍ट सधैँभरीकी ओल्‍छ जाट्‍न पापौ लागी काट चोटी सीम याहा। नाखुरीककी परमेश्‍वर लेठाङ टाहाक्‍की पापी मालेनाङ र पापीकुङ लागी सीम याहा। होसको भर्मीयो शरीराङ सीया, टर पवित्र आत्‍मा लकीङ जीउँडो छाना।

१ युहन्‍ना 2:2

होसको कानुङ पाप मेट्‍डीकी डेम बलीडान छाना। कानुङ लागी मट्‍टै होइन, टर संसारुङ पट्‍ट न भर्मीकुङ पापौ लागी र हो।

१ युहन्‍ना 3:1

ङोस्‍नी, परमेश्‍वर बोये काल्‍हाकी कुडीक धेरै प्रेम जाट्‍नने! होसकुङ प्रेमौ कारनै न काल्‍हाको परमेश्‍वरौ मीजाको डेयार चीन्‍डीमने, अनी चीन्‍डीच मट्‍टै होइन साँच्‍ची न मीजाको हो। टर संसारुङ भर्मीकै काल्‍हाकी माचीन्‍डीले, हीजैडेनाङ होखुरीकै परमेश्‍वरकी माचीन्‍डीया।

१ युहन्‍ना 4:19

काल्‍हाको परमेश्‍वरकी प्रेम जाट्‍ले, हीजैडेनाङ पहीला होसकै न कानकी प्रेम जाटा।

१ युहन्‍ना 5:11

अनी साक्षी इसे न हो: परमेश्‍वरै कानकी सेन्‍र मासीच जीवन याम्‍हने, र इसे जीवन होसकुङ मीजाखाटा ले।