१ युहन्‍ना 3:7 - पुर्वीय मगर

⁷ मार्‌जा बालखको, सुयेर नाखुरीककी ढाट्‌डीकी माडीन्‍ख्‍यौ! ठीक काम जाट्‍च भर्मी न ख्रीष्‍ट ल्‍याक्‍च धर्मी ठहरीस्‍ले।

१ युहन्‍ना 3:7 ပူးပေါင်းရင်းမြစ်များ

मत्ती 5:20

होटबाटै ङा नाखुरीककी डेले, व्‍यवस्‍थौ आज्ञाकोलाक धर्मगुरु र फरीसीकै डेनाङ सेम्‍ह मामन्‍डीया डेनाङ नाखुरीक स्‍वर्गौ राज्‍याङ पर्‌की माडीन्‍ल्‍हे।

लुका 1:75

होटै काल्‍हा माबीर्‍हीम होसकुङ म्‍याहासाङ सेम्‍ह र पवित्र छानार जीवनभरी न होसकुङ सेवा जाट्‍की डीन्‍हीङ।

प्रेरित 10:35

भर्मी कुसे जातियो लेनाङ र होसकोखाटा बीर्‍हीले र ठीक काम जाट्‍ले, होसे होसकुङ म्‍याहासाङ ग्रहण योग्‍यौ छान्‍ले।

याकुब 1:22

होटबाटै बचनै डेच लेखा न जाट्‍नी। हीजैडेनाङ बचन सेच काम मट्‍टै जाटा डेनाङ लहे लाहाकी न ढोका याल्‍हे।

याकुब 2:19

काट मट्‍टै परमेश्‍वर ले डेयार नाङ विश्‍वास जाट्‍ले। होसे च सेछ कुरा हो! टर याङ्‍च विश्‍वास च भूतआत्‍माकै र जाट्‍ले र बीर्‍हीयार ठेर-ठेर बुरुक्‍ले।

१ पट्‍रुस 2:24

ख्रीष्‍टै काल्‍हौ पापको लहो शरीराङ बुवार सीङौ क्रूसाङ टङ्‍गडीसा, होटबाटै कान र पापौ लागी सीया अनी परमेश्‍वरकी जाक्‍ङ सेच सेछ कामौ लागी जीवाकी पर्‌ले। होसकुङ न चोटको लकीङ नाखुरीक गेपा।

१ युहन्‍ना 2:1

ङौ मार्‌जा बालखको, नाखुरीकै पाप माजाट्‍नी डेयार ङा इसे कुराको नाखुरीककी रीक्‍ङन ले। टर इडीक सुयेर पाप जाट्‍की क्‍योटा डेनाङ र कानुङ पक्षाङ परमेश्‍वर बोइ खाटा बिन्‍ती जाट्‍न याछ काट जना धार्मिक येशू ख्रीष्‍ट कानखाटा ले।

१ युहन्‍ना 2:26

ङा इसे पट्‍ट न कुरा नाखुरीककी झुटो ङाकार बहकडीकी पाच भर्मीकुङ बारेयाङ रीक्‍ङन ले।

१ युहन्‍ना 2:29

इडीक ख्रीष्‍ट धर्मी ले डेच कुरा नाखुरीकै वार्‍हा डेनाङ, नाखुरीकै इसे कुरा र वार्‌ल्‍हे की ठीक काम जाट्‍च काट-काट जना भर्मी परमेश्‍वरौ मीजाको हो।

१ युहन्‍ना 3:18

बालखको, कानै मेङेर अठबा कुरै मट्‍टै प्रेम माजाटीङ, टर काम लकीङ अनी सत्‍यताङ प्रेम जाटीङ।

१ युहन्‍ना 3:3

अनी ख्रीष्‍ट मीटाक इसे आशा डाच काट-काट जना भर्मीये कुटजाट्‍न होसको पवित्र ले, होटजाट्‍न न लाहाकी पवित्र खास्‍ले।

१ युहन्‍ना 4:17

इटजाट्‍न न कानुङ मीघ्‍याङ परमेश्‍वरौ प्रेम पुरा छान्‍ने र न्‍यायौ डीनाङ काल्‍हाको बीर्‍हीखी मापर्‌ले हीजैडेनाङ ख्रीष्‍ट कुङ्‍च ले, कान र इसे संसाराङ होङ्‍च न ले।