१ युहन्‍ना 3:24 - पुर्वीय मगर

²⁴ अनी परमेश्‍वरौ आज्ञाको मन्‍डीच भर्मी चहीँ परमेश्‍वर खाटा छान्‍ने, र परमेश्‍वर होसे खाटा छान्‍ने। इटजाट्‍न परमेश्‍वर कानखाटा छान्‍ने डेच कुरा होसकै याछ पवित्र आत्‍मा लकीङ न कानै वार्‌खी य्‍होक्‍ले।

१ युहन्‍ना 3:24 ပူးပေါင်းရင်းမြစ်များ

युहन्‍ना 10:38

टर इडीक ङै जाट्‍च कामको ङौ बोयो हो डेनाङ, नाखुरीकै ङा मीटाक विश्‍वास माजाट्‍नाङ र ङै जाट्‍च कामको मीटाक चहीँ विश्‍वास जाट्‍नी, र बोइ ङा खाटा ले, अनी ङा बोइ खाटा ले डेयार नाखुरीकै बुझडीस्‍की य्‍होक्‍ले।”

युहन्‍ना 14:17

होसको सत्‍यौ आत्‍मा हो। टर संसारै होसकोकी स्‍वीकार माजाट्‍ले। हीजैडेनाङ संसारै होसकोकी न डाङ्‍ले न चीन्‍डीले। टर नाखुरीकै चहीँ होसकोकी चीन्‍डीले, हीजैडेनाङ होसको नाखुरीकखाटा ङुले, र नाखुरीक भीत्री बास जाट्‍ले।

युहन्‍ना 17:21

होखुरीक पट्‍ट न काट छान्‍ख्‍यौ। ए बोइ, कुटजाट्‍न नाको ङाखाटा ले, र ङा नाकोखाटा ले, होटजाट्‍न न होखुरीक र कानखाटा काट न छान्‍ख्‍यौ, होटबाटै नाकै ङाकी बीर्‌न्‍हकाच हो डेयार संसारुङ भर्मीकै विश्‍वास जाट्‍ले।

१ ठेसलोनीकी 4:8

होटबाटै इसे शिक्षाकी मामन्‍डीचये भर्मीकी होइन, परमेश्‍वरौ आज्ञा माटेरीच हो, होसे न परमेश्‍वरै नाखुरीककी लहो पवित्र आत्‍मा याम्‍हने।

२ टीमोठी 1:14

नाकुङ जीम्‍माङ याछ सेछ कुराकोलाक काल्‍हा भीत्री बास ङुच पवित्र आत्‍मौ शक्‍तिये जोगडीम डाकी।

१ युहन्‍ना 2:24

होटबाटै कुसे शिक्षा नाखुरीकै सुरुलकीङ न सेमने, होसे नाखुरीकुङ रीदयाङ डानी। इडीक नाखुरीकै सेच शिक्षा नाखुरीकुङ रीडयाङ ले डेनाङ नाखुरीक र परमेश्‍वर बोइ र होसकुङ मीजाखाटा ङुले।

१ युहन्‍ना 2:3

इडीक कानै परमेश्‍वरौ आज्ञाको मन्‍डीमने डेनाङ इटै न थाहा छान्‍ले की साँच्‍ची न कानै होसकोकी चीन्‍डीमनेसा।

१ युहन्‍ना 2:5

टर सुये परमेश्‍वरौ बचन मन्‍डीले, होचे परमेश्‍वरकी पुरा माया जाट्‍च छान्‍ले। इटै न कान होसको खाटा ले डेच कुरा थाहा छान्‍ले।

१ युहन्‍ना 2:6

परमेश्‍वर खाटा ले डेच भर्मीये येशूओ ल्‍याक्‍च न चालचलनाङ व्‍हाकी पर्‌ले।

१ युहन्‍ना 3:22

अनी काल्‍है ही ङेल्‍हे, होसे होसकै काल्‍हाकी याल्‍हे, हीजैडेनाङ कानै होसकुङ आज्ञा मन्‍डीले र होसकोकी जाक्‍ङ सेच कामको जाट्‍ले।

१ युहन्‍ना 4:7

ङौ जाक्‍च लाफाको, काल्‍हाको काटै काट्‍की प्रेम जाटीङ हीजैडेनाङ प्रेम चहीँ परमेश्‍वर लकीङ राछ हो। सुये प्रेम जाट्‍ले होसे परमेश्‍वर लकीङ जन्‍मडीस्‍च मीजाको हो र होचे परमेश्‍वरकी चीन्‍डीले।