१ युहन्‍ना 3:23 - पुर्वीय मगर

²³ होसकुङ आज्ञा चहीँ परमेश्‍वरौ मीजा येशू ख्रीष्‍टौ म्‍यार्‌मीनाङ विश्‍वास जाट्‍की र ख्रीष्‍टै याछ आज्ञा अनुसार काटै काट्‍की प्रेम जाट्‍की न हो।

१ युहन्‍ना 3:23 ပူးပေါင်းရင်းမြစ်များ

मत्ती 22:39

डोस्‍रो र होङ्‍च न हो, ‘नाखुरीकै लहो छीमेकीकी लाहाकी लेखा न माया जाट्‍नी।’

मर्कूस 9:7

होडीक न बेला डेबु राहा र होखुरीक मीटाक छाया पर्‌या। होटै डेबु भीत्री लकीङ काट आवाज राहा, “इसे ङौ मीजा हो, इसकी ङा जाक्‍ले। इचे डेच नाखुरीकै सेनी।”

युहन्‍ना 1:12

टर होखुरीक कुडीक जनै होसकोकी ग्रहण जाटा र होसको मीटाक विश्‍वास जाटा, होखुरीककी होसकै परमेश्‍वरौ मीजाको छान्‍च अधिकार याहा।

युहन्‍ना 13:34

होटबाटै अब ङा नाखुरीककी काट नयाँ आज्ञा याल्‍हे, नाखुरीक काटै अर्‌कोकी माया जाट्‍की। कुटजाट्‍न ङै नाखुरीककी माया जाट्‍नने, होटजाट्‍न न नाखुरीकै र काटै अर्‌कोकी माया जाट्‍की।

युहन्‍ना 14:1

येशूये फेरी चेलाकोलाक डेया, “नाखुरीकुङ मीमन ब्‍याकुल माछान्‍ख्‍यौ। नाखुरीकै लहो भरोसा परमेश्‍वर मीटाक डानी र ङामीटाक र डानी।

युहन्‍ना 15:12

“ङै याछ आज्ञा इसे न हो, कुटजाट्‍न ङै नाखुरीककी माया जाटा, होटजाट्‍न न नाखुरीकै र काटै काट्की माया जाट्‍नी।

युहन्‍ना 17:3

अब सेन्‍र मासीच जीवन डेच इसे न हो, नाको काट मट्‍टै सत्‍य परमेश्‍वर हो डेम चीन्‍डीकी, र नाकै बीर्‌न्‍हकाच येशू ख्रीष्‍टकी र चीन्‍डीकी हो।

युहन्‍ना 2:23

छुटकारौ चाडौ बेला येशू यरूशलेमाङ लेनाङ होला होसकै अचम्‍मौ चीन्‍हको जाटा, याङ्‍च डाङार वास्‍टै भर्मीकै होसको मीटाक विश्‍वास जाटा।

युहन्‍ना 3:18

सु-सुये होसको मीटाक विश्‍वास जाट्‍ले, होखुरीक दोषी माठहरीस्‍ले, टर विश्‍वास माजाट्‍चको चहीँ अघीलकीङ न दोषी ठहरीस्‍नने, हीजैडेनाङ होखुरीकै परमेश्‍वरौ काट मट्‍टै मीजौ म्‍यार्‌मीनाङ विश्‍वास माजाट्‍नने।

युहन्‍ना 6:29

येशूये होखुरीककी डेया, “परमेश्‍वरै बीर्‌न्‍हकाचकी विश्‍वास जाट्‍नी, इसे न परमेश्‍वरै मीमन जाट्‍च काम हो।”

प्रेरित 16:31

टब पावल र सीलासै डेया, “प्रभु येशूकी विश्‍वास जाट्‍नी अनी नाकै मुक्‍ति डुप्‍ले। इसे नाको र नाकुङ पट्‍ट न घरानौ लागी सत्‍य हो।”

१ ठेसलोनीकी 4:9

टर विश्‍वासी डाजेभाइ कोलाक माया जाट्‍की पर्‌ले डेच कुरा च नाखुरीककी रीक्‍ङ ङुकी मापर्‌ले। परमेश्‍वर लहे न नाखुरीककी लाहा-लाहाङ माया जाट्‍की पर्‌ले डेयार पाहाक्‍ङन्‍या।

१ टीमोठी 1:15

ख्रीष्‍ट येशू पापीकोलाक जीवाक्‍की संसाराङ राछ हो, इसे कुरा पट्‍टये मन्‍डीकी पर्च सत्‍य कुरा हो। अनी पापीको मढ्‍याङ ङा चहीँ पट्‍ट डेनाङ पापी हो।

१ पट्‍रुस 1:22

अब नाखुरीकै सत्‍यकी पालना जाटार लहो मीमन शुद्ध पार्‌नने अनी विश्‍वासी डाजेभाइ र डै बहीनीकोलाक साँचो प्रेम जाट्‍नने। होटबाटै काटै काट्‍की भीत्री मीमन लकीङ न प्रेम जाट्‍नी।

१ पट्‍रुस 4:8

पट्‍ट डेनाङ वास्‍टै काटै काटकी साँचो प्रेम जाट्‍नी, हीजैडेनाङ प्रेमै न हील्‍की माय्‍होक्‍च पापको हुप्‍ले।

१ युहन्‍ना 2:7

ङौ जाक्‍च लाफाको, नाखुरीककी रीक्‍च इसे आज्ञा नयाँ होइन। टर इसे सुरुलकीङ न नाखुरीक खाटा लेच पुरानो आज्ञा न हो। इसे पुरानो आज्ञा नाखुरीकै पहीला न सेम भ्‍याच बचन हो।

१ युहन्‍ना 3:11

नाखुरीकै सुरुलकीङ न सेच खबर इसे न हो, “काल्‍है, काटै काट्‍की प्रेम जाट्‍की पर्‌ले।”

१ युहन्‍ना 4:15

सुये येशूकी परमेश्‍वरौ मीजा हो डेयार सुइकार जाट्‍ले, होसेखाटा परमेश्‍वर ङुले, अनी होसे र परमेश्‍वर खाटा ङुले।

१ युहन्‍ना 4:21

अनी सुये परमेश्‍वरकी प्रेम जाट्‍ले, होचे लहो डाजेभाइको र डै बहीनीकोलाक र प्रेम जाट्‍की पर्‌ले। ख्रीष्‍टै कानकी याछ आज्ञा इसे न हो।

१ युहन्‍ना 5:13

सेन्‍र मासीच जीवन डुप्‍मने डेच कुरा नाखुरीकै अट वार्‍है डेम न परमेश्‍वरौ मीजा मीटाक विश्‍वास जाट्‍च नाखुरीककी ङा इसे चीठी रीक्‍ङन ले।