१ युहन्‍ना 3:22 - पुर्वीय मगर

²² अनी काल्‍है ही ङेल्‍हे, होसे होसकै काल्‍हाकी याल्‍हे, हीजैडेनाङ कानै होसकुङ आज्ञा मन्‍डीले र होसकोकी जाक्‍ङ सेच कामको जाट्‍ले।

१ युहन्‍ना 3:22 ပူးပေါင်းရင်းမြစ်များ

मत्ती 17:5

पत्रुसै ङाक्‍नाङ-ङाक्‍नाङ न फोक्‍सा बोच डेबु राहार होच्‍यो छायै होखुरीककी हुपा। डेबु भीत्रीलकीङ काट सोर राहा, “इसे ङौ जाक्‍च मीजा हो, इसे खाटा ङा सार्‍है मार्‍हाङ्‍ङने, इच्‍यो कुरा सेनी।”

मत्ती 21:22

विश्‍वास जाटार प्रार्थनाङ ही ङेल्‍हे होसे नाखुरीकै डुप्‍ले।”

मर्कूस 11:24

होटबाटै ङा नाखुरीककी डेले, नाखुरीकै प्रार्थना जाटार ही ङेहा होसे डुप्‍म भ्यामे डेयार विश्‍वास जाट्‍नी र होसे नाखुरीकुङ लागी छान्‍ले।

युहन्‍ना 14:13

नाखुरीकै ङौ म्‍यार्‌मीनाङ ही ङेन्‍हाङ र मीजा लकीङ बोयो महीमा छान्‍ख्‍यौ डेयार ङा होसे नाखुरीककी पुरा जाट्‍न याल्‍हे।

युहन्‍ना 15:10

ङा ङौ बोयो आज्ञाको मन्‍डीयार बोयो मायाङ ङुले। होटजाट्‍न न इडीक नाखुरीकै ङौ आज्ञाको मन्‍डीया डेनाङ नाखुरीक र ङौ मायाङ ङुले।

युहन्‍ना 15:7

टर इडीक नाखुरीक ङाखाटा ङुवा र ङौ बचन नाखुरीक खाटा ङुवा डेनाङ टब नाखुरीकै ही मीमन जाट्‍ले होसे ङेन्‍ही अनी नाखुरीकुङ लागी होसे जाट्‍न याल्‍हे।

युहन्‍ना 6:29

येशूये होखुरीककी डेया, “परमेश्‍वरै बीर्‌न्‍हकाचकी विश्‍वास जाट्‍नी, इसे न परमेश्‍वरै मीमन जाट्‍च काम हो।”

युहन्‍ना 8:29

ङाकी बीर्‌न्‍हकाच ङा खाटा न ले, होसकै ङाकी ङाल्‍हा काट न माडास्‍नने, हीजैडेनाङ ङा सढैँ होसकोकी खुसी पार्‌च काम जाट्‍ले।”

युहन्‍ना 9:31

कान पट्‍टकी थाहा ले, परमेश्‍वरै पापीकुङ कुरा मासेले, टर परमेश्‍वरकी आडार जाट्‍च र होसकुङ इच्‍छाङ काम जाट्‍च भर्मीकुङ मट्‍टै कुरा सेले।

प्रेरित 17:30

पहीला माव्‍हार्‌न न जाट्‍च कामकी परमेश्‍वरै माङोस्‍ले। टर अब पट्‍ट न ठावाङ पट्‍ट भर्मीकोलाक पश्‍चात्ताप जाट्‍की आज्ञा याम्‍हने।

प्रेरित 20:21

यहूदीकोलाक र ग्रीककोलाक पाप डासार परमेश्‍वर पट्‍टी ल्‍हेस्‍की र काल्‍हौ प्रभु येशू ख्रीष्‍ट मीटाक विश्‍वास जाट्‍की डेच कुरौ गबाही ङै याम्‍हने।

याकुब 1:5

इडीक नाखुरीक मढ्‍याङ सुकीर बुद्धियो खाँचो ले डेनाङ होचे प्रसस्‍त खाटा माङ्‍हेरेस्‍न मीमन खोलीयार याछ परमेश्‍वर खाटा ङेख्‍यौ, र होसकी होसे याल्‍हे।

याकुब 4:3

नाखुरीकै ङेल्‍हे टर माडुप्‍ले, हीजैडेनाङ नाखुरीक लहौ मोज-मज्‍जा पुरा जाट्‍कीयो लागी दुष्‍ट इच्‍छालकीङ ङेल्‍हे।

याकुब 5:16

होटबाटै काल्‍है पाप जाट्‍न ने डेयार काटै-काटौ म्‍याहासाङ नाखुरीकै लहौ पापको स्‍वीकार जाट्‍नी। अनी नाखुरीक गेप्‍की डेयार काटै काटौ लागी प्रार्थना जाट्‍नी, परमेश्‍वरौ म्‍याहासाङ ठीक ठहरीस्‍च भर्मीकै जाट्‍च प्रार्थना शक्‍तिशाली छान्‍ले र इचे बाड्‍को काम जाट्‍ले।

१ युहन्‍ना 2:3

इडीक कानै परमेश्‍वरौ आज्ञाको मन्‍डीमने डेनाङ इटै न थाहा छान्‍ले की साँच्‍ची न कानै होसकोकी चीन्‍डीमनेसा।

१ युहन्‍ना 5:14

परमेश्‍वरौ अगाडी नुङ्‍नाङ कानुङ इसे न भरोसा ले: कानै होसकुङ इच्‍छा अनुसार ही ङेन्‍हाङ र होसकै कानुङ कुरा सेले।