१ युहन्‍ना 3:19 - पुर्वीय मगर

¹⁹ होटबाटै, इटजाट्‍न न काल्‍है काटै काटकी प्रेम जाटा डेनाङ इटै न काल्‍हाको सत्‍यौ भर्मीको हो डेम वार्‌ल्‍हे, र इटजाट्‍न परमेश्‍वरौ म्‍याहासाङ कानै काल्‍हौ मीमनकी साहस याखी य्‍होक्‍ले।

१ युहन्‍ना 3:19 ပူးပေါင်းရင်းမြစ်များ

युहन्‍ना 13:35

इडीक नाखुरीकै काटै अर्‌कोकी माया जाटा डेनाङ, होटै न नाखुरीक ङौ चेलाको हो डेच कुरा भर्मीकै चीन्‍डीले।”

युहन्‍ना 18:37

पिलातसै येशूकी डेया, “होट हो डेनाङ नाको राजा न हो ट?” येशूये डेया, “ङा राजा हो डेयार नाको लाहा न डेम न ले। ङा सत्‍यौ गबाही याखी जन्‍मडीस्‍च हो, र इच्यो लागी न संसाराङ राछ हो। सुये सत्‍य जाक्‍ले होखुरीकै ङौ कुरा सेले।”

२ टीमोठी 1:12

होटबाटै न ङा इसे कुराकुङ डुख भोक्‍डीमन ले। टर ङाकी काराम मासेले हीजैडेनाङ ङै सु मीटाक विश्‍वास डामने, होसे ङाकी ठाहा ले। परमेश्‍वरै ङाकी जीम्‍मा याछ कुराकी होसकै न ख्रीष्‍ट राछ डीन सम्‍मौ लागी जोगडीयार डाले। इसे कुराङ ङा ढुक्‍क ले।

१ युहन्‍ना 1:8

इडीक कान खाटा हीर पाप माले डेले डेनाङ कानै लाहाकी न ढोका याल्‍हे, र कान खाटा सत्‍य माछान्‍ने।

१ युहन्‍ना 2:21

नाखुरीकै सत्‍यकी माचीन्‍डीमे डेयार ङै रीक्‍च होइन, टर नाखुरीकै सत्‍यकी चीन्‍डीच बाटै न रीक्‍च हो। सत्‍यलकीङ हीर झुटो माख्‍योले डेच कुरा र नाखुरीककी थाहा ले।

१ युहन्‍ना 3:14

कानकी थाहा ले, काल्‍हाको च मृत्‍युलकीङ जीवनाङ सरीस्‍न भ्‍यामने, हीजैडेनाङ कानुङ विश्‍वासी डाजेभाइको र डै बहीनीकोलाक कान प्रेम जाट्‍ले। सुये प्रेम माजाट्‍ले होसे मृत्‍युओ बन्‍धनाङ न छान्‍ले।

१ युहन्‍ना 3:20

कानुङ मीमनै काल्‍हाकी डोस लैडीनाङ र काल्‍है वार्‌खी पर्‌ले, की परमेश्‍वर च काल्‍हौ मीमन डेनाङ बाड्‍को ले। होसकै पट्‍ट न कुरा वार्‌ल्‍हे।

१ युहन्‍ना 3:21

ङौ जाक्‍च लाफाको, इडीक कानुङ मीमनै काल्‍हाकी डोस मालैडीया डेनाङ च काल्‍हाकी परमेश्‍वरौ अघी नुङ्‍की आट राल्‍हे।