१ युहन्‍ना 3:18 - पुर्वीय मगर

¹⁸ बालखको, कानै मेङेर अठबा कुरै मट्‍टै प्रेम माजाटीङ, टर काम लकीङ अनी सत्‍यताङ प्रेम जाटीङ।

१ युहन्‍ना 3:18 ပူးပေါင်းရင်းမြစ်များ

लुका 7:5

हीजैडेनाङ होचे कान यहूदि जातिकोलाक प्रेम जाट्‍ले, होचे न कानुङ लागी सभाङुच इम खास्‍न याम्हने।”

युहन्‍ना 17:19

होटबाटै होखुरीक र सत्‍यताङ पवित्र छान्‍ख्‍यौ डेयार ङा ङाल्‍हाकी होखुरीकुङ लागी पवित्र खास्‍ले।

१ ठेसलोनीकी 1:3

कानुङ परमेश्‍वर बोयो म्‍याहासाङ नाखुरीकुङ विश्‍वासलकीङ जाट्‍च काम, प्रेमै जाट्‍च मेहनट र कानुङ प्रभु येशू ख्रीष्‍टाङ डाच आशौ सहनसीलटा कान आर्‌मीट्‍न न ङुले।

१ पट्‍रुस 1:22

अब नाखुरीकै सत्‍यकी पालना जाटार लहो मीमन शुद्ध पार्‌नने अनी विश्‍वासी डाजेभाइ र डै बहीनीकोलाक साँचो प्रेम जाट्‍नने। होटबाटै काटै काट्‍की भीत्री मीमन लकीङ न प्रेम जाट्‍नी।

१ युहन्‍ना 2:1

ङौ मार्‌जा बालखको, नाखुरीकै पाप माजाट्‍नी डेयार ङा इसे कुराको नाखुरीककी रीक्‍ङन ले। टर इडीक सुयेर पाप जाट्‍की क्‍योटा डेनाङ र कानुङ पक्षाङ परमेश्‍वर बोइ खाटा बिन्‍ती जाट्‍न याछ काट जना धार्मिक येशू ख्रीष्‍ट कानखाटा ले।

१ युहन्‍ना 3:7

मार्‌जा बालखको, सुयेर नाखुरीककी ढाट्‌डीकी माडीन्‍ख्‍यौ! ठीक काम जाट्‍च भर्मी न ख्रीष्‍ट ल्‍याक्‍च धर्मी ठहरीस्‍ले।

२ युहन्‍ना 1:1

ङा मण्‍डलीयुङ अगुवै परमेश्‍वर लकीङ चुन्‍डीच मास्‍टो भर्मी र होच्‍यो मीजाकोलाक, इसे चीठी रीक्‍ङन ले। ङा नाखुरीककी साँचो रुपाङ प्रेम जाट्‍ले। ङै मट्‍टै होइन टर सत्‍यकी चीन्‍डीचको पट्‍टकै नाखुरीककी प्रेम जाट्‍ले।

३ युहन्‍ना 1:1

ङा मण्‍डलीयुङ अगुवै ङौ जाक्‍च लाफा गायसकी इसे चीठी रीक्‍ङन ले, होसकी ङा साँचो प्रेम जाट्‍ले।