१ युहन्‍ना 3:16 - पुर्वीय मगर

¹⁶ येशू ख्रीष्‍टै कानुङ लागी लहो परान याहा। इटै न कानै प्रेम ही हो डेच कुरा बुझडीस्‍की य्‍होक्‍ले। अनी कानै र लहो विश्‍वासी डाजेभाइको र डै बहीनीकुङ लागी लहो प्राण याखी पर्‌ले।

१ युहन्‍ना 3:16 ပူးပေါင်းရင်းမြစ်များ

मत्ती 20:28

होटजाट्‍न न भर्मीयो मीजा र सेवा डुप्‍की होइन टर सेवा जाट्‍की र वास्‍टै जनौ छुट्कारौ लागी लहो जीवन याखी राछ हो।”

युहन्‍ना 10:11

“ङा असल गोठ्‍ला हो। असल गोठ्‍लै लहो भेडाकुङ लागी लहो प्राण न याल्‍हे।

युहन्‍ना 10:15

कुटजाट्‍न बोये ङाकी सेम्‍हजा चीन्‍डीले ङा र बोइकी सेम्‍हजा चीन्‍डीले। अनी ङा भेडाकुङ लागी ङाल्‍हौ प्राण र याल्‍हे।

युहन्‍ना 13:34

होटबाटै अब ङा नाखुरीककी काट नयाँ आज्ञा याल्‍हे, नाखुरीक काटै अर्‌कोकी माया जाट्‍की। कुटजाट्‍न ङै नाखुरीककी माया जाट्‍नने, होटजाट्‍न न नाखुरीकै र काटै अर्‌कोकी माया जाट्‍की।

युहन्‍ना 3:16

हीजैडेनाङ परमेश्‍वरै संसारुङ भर्मीकोलाक याङ्‍च प्रेम जाटा, की होसकै लहो काटजा मीजाकी र याहा। होसकोकी विश्‍वास जाट्‍च सुर नास माछान्‍ले, टर होचे सेन्‍र मासीच जीवन डुप्‍ले।

प्रेरित 20:28

नाखुरीक लहो लागी र लहो पट्‍ट न बगालौ लागी होसीयार छान्‍नी। पवित्र आत्‍मै नाखुरीककी बगालौ जीम्‍मेवारी खास्‍चबाटै परमेश्‍वरै लहो न मीजौ य्‍हुये लोच मण्‍डलीकी नाखुरीकै सेम्‍ह ङोस्‍की।

१ ठेसलोनीकी 2:8

साँच्‍ची न नाखुरीककी कानै माया जाट्‍नने। नाखुरीकुङ इडीक वास्‍टै माया लक्‍डीस्‍ले की परमेश्‍वरौ सेछ समाचार सेटाक्‍की मट्‍टै होइन, कानुङ जीवन न याखी समेट टयार छानन्‍या।

टीटस 2:13

होटजाट्‍न न कानै आशा डाच कुरा पुरा छान्‍च डीनौ लाम ङोस्‍ले। होसे डीनाङ कानुङ महान परमेश्‍वर र कानकी मुक्‍ति याछ येशू ख्रीष्‍टौ बाड्‍को महीमा डाङ्‍ले।

१ पट्‍रुस 1:18

हीजैडेनाङ नाखुरीककी ठाहा न ले, नाखुरीकुङ बोइ-बाज्‍युको लकीङ क्‍योस्‍न राछ व्‍यर्थौ रीटीठीटीको लकीङ नाखुरीककी छुटकारा यान्‍हाङ कुडीक बाड्‍को मोल टेरीकी पर्‌या। होसे सुन र चाँडी ल्‍याक्‍च नास छान्‍च ठोकको लकीङ डाम टेरीयार नाखुरीकै छुट्‍कारा डुप्‍च होइन।

१ पट्‍रुस 2:24

ख्रीष्‍टै काल्‍हौ पापको लहो शरीराङ बुवार सीङौ क्रूसाङ टङ्‍गडीसा, होटबाटै कान र पापौ लागी सीया अनी परमेश्‍वरकी जाक्‍ङ सेच सेछ कामौ लागी जीवाकी पर्‌ले। होसकुङ न चोटको लकीङ नाखुरीक गेपा।

१ पट्‍रुस 3:18

हीजैडेनाङ ख्रीष्‍ट सधैँभरीकी ओल्‍छ जाट्‍न पापौ लागी काट चोटी सीम याहा। नाखुरीककी परमेश्‍वर लेठाङ टाहाक्‍की पापी मालेनाङ र पापीकुङ लागी सीम याहा। होसको भर्मीयो शरीराङ सीया, टर पवित्र आत्‍मा लकीङ जीउँडो छाना।

१ युहन्‍ना 2:6

परमेश्‍वर खाटा ले डेच भर्मीये येशूओ ल्‍याक्‍च न चालचलनाङ व्‍हाकी पर्‌ले।

१ युहन्‍ना 2:9

इडीक सुये “ङा ज्‍योतियाङ ले” डेले टर होचे लहो डाजेभाइको र डै बहीनीकोलाक हेला जाट्‍ले डेनाङ होसे अझै र छुम्‍ठाङ न ले।