१ युहन्‍ना 3:11 - पुर्वीय मगर

¹¹ नाखुरीकै सुरुलकीङ न सेच खबर इसे न हो, “काल्‍है, काटै काट्‍की प्रेम जाट्‍की पर्‌ले।”

१ युहन्‍ना 3:11 ပူးပေါင်းရင်းမြစ်များ

युहन्‍ना 13:4

अनी होसे न कुरा आर्‌मीटार येशू ज्‍यामा ज्‍याकी ङुच ठाउइङ सोवा, र मीटाक बील्‍छ बढीन डोनार डा, र कम्‍बराङ टौलीया बेर्‍हडीया।

युहन्‍ना 15:12

“ङै याछ आज्ञा इसे न हो, कुटजाट्‍न ङै नाखुरीककी माया जाटा, होटजाट्‍न न नाखुरीकै र काटै काट्की माया जाट्‍नी।

१ ठेसलोनीकी 4:9

टर विश्‍वासी डाजेभाइ कोलाक माया जाट्‍की पर्‌ले डेच कुरा च नाखुरीककी रीक्‍ङ ङुकी मापर्‌ले। परमेश्‍वर लहे न नाखुरीककी लाहा-लाहाङ माया जाट्‍की पर्‌ले डेयार पाहाक्‍ङन्‍या।

१ टीमोठी 1:5

कानै याछ इसे शिक्षौ उदेश्‍य प्रेम हो, होसे चोखो मीमन, सेछ बीबेक र साँचो विश्‍वासलकीङ राल्‍हे।

१ पट्‍रुस 1:22

अब नाखुरीकै सत्‍यकी पालना जाटार लहो मीमन शुद्ध पार्‌नने अनी विश्‍वासी डाजेभाइ र डै बहीनीकोलाक साँचो प्रेम जाट्‍नने। होटबाटै काटै काट्‍की भीत्री मीमन लकीङ न प्रेम जाट्‍नी।

१ पट्‍रुस 3:8

ङा अन्‍टीमाङ डेले, नाखुरीक पट्‍टको काट न मीमनुङ र काटै काटौ मर्‌म बुझडीस्‍च छान्‍की पर्‌ले। डाजेभाइको र डै बहीनीकोलाक लेखा न काटै काटकी माया जाट्‍नी र काटै काटकी दया टान्‍हाक्‍नी र नम्‍र छान्‍नी।

१ पट्‍रुस 4:8

पट्‍ट डेनाङ वास्‍टै काटै काटकी साँचो प्रेम जाट्‍नी, हीजैडेनाङ प्रेमै न हील्‍की माय्‍होक्‍च पापको हुप्‍ले।

१ युहन्‍ना 1:5

अब येशू ख्रीष्‍ट लकीङ सेच खबर कान नाखुरीकुङ मीघ्‍याङ सेटाक्‍ले: परमेश्‍वर न ज्‍योति हो, होसको खाटा चेक्‍जा र छुम्‍छ माले।

१ युहन्‍ना 4:11

ङौ जाक्‍च लाफाको, परमेश्‍वरै कानकी याङ्‍च प्रेम जाट्‍च बाटै कानै र काटै काट्‍की प्रेम जाट्‍की पर्‌ले।

१ युहन्‍ना 4:21

अनी सुये परमेश्‍वरकी प्रेम जाट्‍ले, होचे लहो डाजेभाइको र डै बहीनीकोलाक र प्रेम जाट्‍की पर्‌ले। ख्रीष्‍टै कानकी याछ आज्ञा इसे न हो।

१ युहन्‍ना 4:7

ङौ जाक्‍च लाफाको, काल्‍हाको काटै काट्‍की प्रेम जाटीङ हीजैडेनाङ प्रेम चहीँ परमेश्‍वर लकीङ राछ हो। सुये प्रेम जाट्‍ले होसे परमेश्‍वर लकीङ जन्‍मडीस्‍च मीजाको हो र होचे परमेश्‍वरकी चीन्‍डीले।

२ युहन्‍ना 1:5

ए मास्‍टो भर्मी, ङै नाकोकी कुसेर नयाँ आज्ञा रीक्‍च होइन। टर सुरुलकीङ न कान खाटा लेच आज्ञा अनुसार ङा नाकोकी बिन्‍ती जाट्‍ले, कान पट्‍टको काटै काट्‍की प्रेम जाटीङ।