१ युहन्‍ना 3:10 - पुर्वीय मगर

¹⁰ परमेश्‍वरौ मीजाको र शैतानौ मीजाको इटैन चीन्‍डीकी य्‍होक्‍ले, की परमेश्‍वरौ अघी ठीक काम माजाट्‍च र लहो विश्‍वासी डाजेभाइको र डै बहीनीकोलाक प्रेम माजाट्‍च चहीँ परमेश्‍वरौ सन्‍टान होइन।

१ युहन्‍ना 3:10 ပူးပေါင်းရင်းမြစ်များ

मत्ती 13:38

य्‍हा संसार हो, सेछ छोयो चहीँ स्‍वर्गौ राज्‍यौ भर्मीको हो। अनी सामा चहीँ शैतानौ भर्मीको हो।

लुका 6:35

“टर लहो शत्रुकोलाक प्रेम जाट्‍नी, होखुरीक्‍की भलाइ जाट्‍नी, रीन ङेछ कोलाक ल्‍हेट्‍च आसा माडाम रीन यान्‍ही। होट जाटा डेनाङ नाखुरीकै बाड्‍को इनाम डुप्‍ले होटै नाखुरीक सर्वोच्‍चओ मीजाको ठहरीस्‍ले, हीजैडेनाङ होसकै बैगुनी र स्‍वार्थी कोलाक कृपा जाट्‍ले।

युहन्‍ना 1:12

टर होखुरीक कुडीक जनै होसकोकी ग्रहण जाटा र होसको मीटाक विश्‍वास जाटा, होखुरीककी होसकै परमेश्‍वरौ मीजाको छान्‍च अधिकार याहा।

युहन्‍ना 11:52

यहूदीकुङ लागी मट्‍टै होइन, टर पट्‍ट न छरपस्‍ट छानार ङुच परमेश्‍वरौ सन्‍टानकोलाक काठोव्‍हाङ जम्‍मा जाट्‍कीयो लागी इसे कुरा डेमन्‍या।

युहन्‍ना 8:44

नाखुरीक च नाखुरीकुङ बोइ शैतानौ सन्‍टानको हो, र नाखुरीकुङ बोयो इच्‍छा पुरा जाट्‍च नाखुरीकुङ मीमन ले। होसे च सुरुलकीङ न ज्‍यानमारा हो। र होचे सत्‍यकी घृणा जाट्‍ले, हीजैडेनाङ होसखाटा हीर सत्‍य माले। होचे मेन न स्‍वभाव अनुसार झुटो ङाक्‍ले। होसे झुटो हो र झुटौ न बोइ हो।

युहन्‍ना 8:47

सु परमेश्‍वरौ सन्‍टानको हो, होचे परमेश्‍वरौ कुरा सेले। टर नाखुरीक परमेश्‍वरौ सन्‍टान होइन, होटबाटै नाखुरीकै परमेश्‍वरौ कुरा मासेले।”

प्रेरित 13:10

“ए शैतानौ मीजा, पट्‍ट धार्मिकतौ शत्रु, दुष्‍ट र झुटो कुरै न्‍हेप्‍च! ही नाङ प्रभुओ सोझो लाम बाङ्‍गडीकी माडास्‍ले?

१ टीमोठी 1:5

कानै याछ इसे शिक्षौ उदेश्‍य प्रेम हो, होसे चोखो मीमन, सेछ बीबेक र साँचो विश्‍वासलकीङ राल्‍हे।

१ युहन्‍ना 2:29

इडीक ख्रीष्‍ट धर्मी ले डेच कुरा नाखुरीकै वार्‍हा डेनाङ, नाखुरीकै इसे कुरा र वार्‌ल्‍हे की ठीक काम जाट्‍च काट-काट जना भर्मी परमेश्‍वरौ मीजाको हो।

१ युहन्‍ना 3:1

ङोस्‍नी, परमेश्‍वर बोये काल्‍हाकी कुडीक धेरै प्रेम जाट्‍नने! होसकुङ प्रेमौ कारनै न काल्‍हाको परमेश्‍वरौ मीजाको डेयार चीन्‍डीमने, अनी चीन्‍डीच मट्‍टै होइन साँच्‍ची न मीजाको हो। टर संसारुङ भर्मीकै काल्‍हाकी माचीन्‍डीले, हीजैडेनाङ होखुरीकै परमेश्‍वरकी माचीन्‍डीया।

१ युहन्‍ना 3:2

ङौ जाक्‍च लाफाको, चाँहा चहीँ काल्‍हाको परमेश्‍वरौ न मीजाको हो। टर पीहीन ही छान्‍ने, होसे च कानकी थाहा माले। टर इडीक कुरा वार्‌ल्‍हे, जब ख्रीष्‍ट राल्‍हे, टब कान र होसको ल्‍याक्‍च न छान्‍ले, हीजैडेनाङ होसको कुङ्‍च ले, कानै होङ्‍च न होसकोकी डाङ्‍ले।

१ युहन्‍ना 4:21

अनी सुये परमेश्‍वरकी प्रेम जाट्‍ले, होचे लहो डाजेभाइको र डै बहीनीकोलाक र प्रेम जाट्‍की पर्‌ले। ख्रीष्‍टै कानकी याछ आज्ञा इसे न हो।

१ युहन्‍ना 4:6

टर काल्‍हाको च परमेश्‍वरौ हो र सुये परमेश्‍वरकी चीन्‍डीमने, होचे कानुङ कुरा सेले। सु परमेश्‍वरौ भर्मी होइन, होचे कानुङ कुरा मासेले। इटै न कानै साँचो आत्‍मा र झुटो आत्‍मा भाक्‍की य्‍होक्‍ले।

१ युहन्‍ना 4:8

सुये प्रेम माजाट्‍ले, होचे परमेश्‍वरकी माचीन्‍डीले, हीजैडेनाङ परमेश्‍वर प्रेम हो।

१ युहन्‍ना 5:19

संसार न शैतानौ अधिनाङ लेनाङ र कान चहीँ परमेश्‍वरौ सन्‍टान हो डेच कुरा कानकी थाहा ले।

१ युहन्‍ना 5:2

जब कानै परमेश्‍वरकी प्रेम जाट्‍ले र होसकुङ आज्ञाको मन्‍डीले, टब इटै न थाहा डीन्‍ल्‍हे, की कानै परमेश्‍वरौ सन्‍टानकी प्रेम जाट्‍ले।

३ युहन्‍ना 1:11

ङौ जाक्‍च लाफा, मास्‍च कुरा सुलकीङ र मालाकी, टर सेछ कुराको मट्‍टै लाकी। सुये सेछ काम जाट्‍ले, होसे परमेश्‍वरौ भर्मी हो, सुये मासेछ काम जाट्‍ले, होचे परमेश्‍वरकी माचीन्‍डीमने।