१ युहन्‍ना 2:5 - पुर्वीय मगर

⁵ टर सुये परमेश्‍वरौ बचन मन्‍डीले, होचे परमेश्‍वरकी पुरा माया जाट्‍च छान्‍ले। इटै न कान होसको खाटा ले डेच कुरा थाहा छान्‍ले।

१ युहन्‍ना 2:5 ပူးပေါင်းရင်းမြစ်များ

लुका 11:28

टर येशूये डेया, “परमेश्‍वरौ बचन सेयार सुये मन्‍डीले होखुरीक टी आसीस डुप्‍चको हो!”

युहन्‍ना 14:21

ङौ आज्ञाको मन्‍डीच न ङाकी माया जाट्‍च भर्मी हो। अनी ङाकी माया जाट्‍चकी ङौ बोये र माया जाट्‍ले। ङा होसकी माया जाट्‍ले, र होसे लेठाङ डाङ्‍ले।”

युहन्‍ना 14:23

येशूये होसकी डेया, “ङाकी माया जाट्‍चकै ङौ शिक्षाकी मन्‍डीले। ङौ बोये होखुरीककी माया जाट्‍ले, अनी बोइ र ङा होखुरीक लेठाङ राहार होखुरीक खाटा ङुले।

युहन्‍ना 15:5

“अङ्‍गुरौ म्‍यार्‌टुङ ङा न हो, नाखुरीक चहीँ हाँगाको हो। ङाखाटा सु-सु ङुले, ङा र होखुरीकखाटा ङुले, अनी होचे वास्‍टै मीस्‍या स्‍याटाक्‍ले। हीजैडेनाङ ङा बीना नाखुरीकै हीर जाट्‍की माय्‍होक्‍ले।

युहन्‍ना 6:56

सुये ङौ डेह ज्‍याले र ङौ य्‍हु गाले होसे चहीँ ङाखाटा ङुले र ङा होसेखाटा ङुले।

याकुब 2:22

होचे विश्‍वास र काम खाट-खाट न खाटाकार जाटा, होटबाटै कामको लकीङ न होच्‍यौ विश्‍वास पुरा छान्‍च नाखुरीकै डाङ्‍ङने।

१ युहन्‍ना 3:24

अनी परमेश्‍वरौ आज्ञाको मन्‍डीच भर्मी चहीँ परमेश्‍वर खाटा छान्‍ने, र परमेश्‍वर होसे खाटा छान्‍ने। इटजाट्‍न परमेश्‍वर कानखाटा छान्‍ने डेच कुरा होसकै याछ पवित्र आत्‍मा लकीङ न कानै वार्‌खी य्‍होक्‍ले।

१ युहन्‍ना 4:17

इटजाट्‍न न कानुङ मीघ्‍याङ परमेश्‍वरौ प्रेम पुरा छान्‍ने र न्‍यायौ डीनाङ काल्‍हाको बीर्‍हीखी मापर्‌ले हीजैडेनाङ ख्रीष्‍ट कुङ्‍च ले, कान र इसे संसाराङ होङ्‍च न ले।

१ युहन्‍ना 4:18

प्रेमाङ बीर्‍हीमसेच कुरा माछान्‍ने। टर पुरा छान्‍च प्रेमै पट्‍ट न बीर्‍हीमसेच कुराको हटडीले, हीजैडेनाङ बीर्‍हीमसेच कुरौ सम्‍बन्‍ध च दण्‍डखाटा छान्‍ने। होटबाटै बीर्‍हीछ भर्मीयाङ चहीँ पुरा प्रेम माछान्‍ने।

१ युहन्‍ना 5:2

जब कानै परमेश्‍वरकी प्रेम जाट्‍ले र होसकुङ आज्ञाको मन्‍डीले, टब इटै न थाहा डीन्‍ल्‍हे, की कानै परमेश्‍वरौ सन्‍टानकी प्रेम जाट्‍ले।

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।

२ युहन्‍ना 1:6

अनी प्रेम जाट्‍की न परमेश्‍वरौ आज्ञा मन्‍डीयार व्‍हाकी हो। नाखुरीक पट्‍टकै सेच सुरुलकीयुङ आज्ञा इसे न हो, की नाखुरीक पट्‍टकै काटै काट्‍की प्रेम जाट्‍की पर्‌ले।