१ युहन्‍ना 2:29 - पुर्वीय मगर

²⁹ इडीक ख्रीष्‍ट धर्मी ले डेच कुरा नाखुरीकै वार्‍हा डेनाङ, नाखुरीकै इसे कुरा र वार्‌ल्‍हे की ठीक काम जाट्‍च काट-काट जना भर्मी परमेश्‍वरौ मीजाको हो।

१ युहन्‍ना 2:29 ပူးပေါင်းရင်းမြစ်များ

युहन्‍ना 1:13

होखुरीक भर्मीयो य्‍हुलकीङ परमेश्‍वरौ मीजाको छान्‍च अठबा भर्मीयो शरीरौ इच्‍छालकीङ जन्‍मडीस्‍च होइन टर परमेश्‍वरलकीङ जन्‍मडीस्‍च हो।

युहन्‍ना 7:18

लहो बीचार लकीङ ङाक्‍चये चहीँ लहो न आदर पाले, टर लाहाकी बीर्‌न्‍हकाचौ आदर पाच भर्मी चहीँ सत्‍य हो, होसे खाटा छल माछान्‍ले।

प्रेरित 10:35

भर्मी कुसे जातियो लेनाङ र होसकोखाटा बीर्‍हीले र ठीक काम जाट्‍ले, होसे होसकुङ म्‍याहासाङ ग्रहण योग्‍यौ छान्‍ले।

प्रेरित 22:14

अनी होचे डेया, ‘कानुङ बोइ-बाज्‍युकुङ परमेश्‍वरै होसकुङ इच्‍छा नाकै वार्‌खी, र होसे धार्मिक भर्मी येशूकी डाङ्‍की, र होसकुङ मेङेरीङ ख्‍योछ बचन सेकी नाकोकी चुन्‍डीमनेसा।

प्रेरित 3:14

टर नाखुरीकै पवित्र र धर्मी भर्मीयो सट्‍ठाङ काट भर्मी साट्‍चकी डास्‍न याखी डेम ङेहा।

याकुब 1:18

कान सृष्‍टियो पहीला स्‍याच मीस्‍याको ल्‍याक्‍च छान्‍की य्‍होकीङ डेयार होसकै लहौ न इच्‍छै सत्‍य बचन लकीङ कानकी नयाँ जीवन याहा।

१ पट्‍रुस 1:23

परमेश्‍वरौ जीबीट बचन लकीङ नाखुरीकुङ नयाँ जन्‍म छान्‍नने, र होसे जीवन सधैँभरी ङुले। नाखुरीक नास छानार नुङ्‍च छोयौ सन्‍टानको होइन, टर सेन्‍र नास माछान्‍च परमेश्‍वरौ बचनौ छोयौ सन्‍टानको हो।

१ पट्‍रुस 1:3

कानुङ प्रभु येशू ख्रीष्‍टौ बोइ परमेश्‍वरकी प्रशंसा। येशू ख्रीष्‍टकी सीचलकीङ जीवाटाकार बाड्‍को कृपा जाटा, र होसकै कानकी नयाँ जन्‍म याहा। इटबाटै कान बाड्‍को आशा डुपार जीवामे।

१ पट्‍रुस 3:18

हीजैडेनाङ ख्रीष्‍ट सधैँभरीकी ओल्‍छ जाट्‍न पापौ लागी काट चोटी सीम याहा। नाखुरीककी परमेश्‍वर लेठाङ टाहाक्‍की पापी मालेनाङ र पापीकुङ लागी सीम याहा। होसको भर्मीयो शरीराङ सीया, टर पवित्र आत्‍मा लकीङ जीउँडो छाना।

२ पट्‍रुस 1:4

इटजाट्‍न न होसकै प्रतिज्ञा जाट्‍च महान र बहुमुल्‍य वरदान कानकी याम्‍हने। इसे याखीयो कारन चहीँ इसे वरदान लकीङ नाखुरीक इसे संसारुङ भ्रष्‍ट इच्‍छाको लकीङ भोग्‍डीसार परमेश्‍वरौ स्‍वभावाङ सहभागी छान्‍नी डेयार हो।

१ युहन्‍ना 2:1

ङौ मार्‌जा बालखको, नाखुरीकै पाप माजाट्‍नी डेयार ङा इसे कुराको नाखुरीककी रीक्‍ङन ले। टर इडीक सुयेर पाप जाट्‍की क्‍योटा डेनाङ र कानुङ पक्षाङ परमेश्‍वर बोइ खाटा बिन्‍ती जाट्‍न याछ काट जना धार्मिक येशू ख्रीष्‍ट कानखाटा ले।

१ युहन्‍ना 3:5

नाखुरीककी थाहा ले की कानुङ पाप मेट्‍डीकीयो लागी न ख्रीष्‍ट संसाराङ राहा। होसको खाटा पाप न माले।

१ युहन्‍ना 3:7

मार्‌जा बालखको, सुयेर नाखुरीककी ढाट्‌डीकी माडीन्‍ख्‍यौ! ठीक काम जाट्‍च भर्मी न ख्रीष्‍ट ल्‍याक्‍च धर्मी ठहरीस्‍ले।

१ युहन्‍ना 4:7

ङौ जाक्‍च लाफाको, काल्‍हाको काटै काट्‍की प्रेम जाटीङ हीजैडेनाङ प्रेम चहीँ परमेश्‍वर लकीङ राछ हो। सुये प्रेम जाट्‍ले होसे परमेश्‍वर लकीङ जन्‍मडीस्‍च मीजाको हो र होचे परमेश्‍वरकी चीन्‍डीले।

१ युहन्‍ना 5:1

येशू न मुक्‍ति याछ ख्रीष्‍ट हो डेयार विश्‍वास जाट्‍चको पट्‍ट न परमेश्‍वरौ मीजाको हो। अनी बोइकी प्रेम जाट्‍चकै होसकुङ मीजाकी र प्रेम जाट्‍ले।

१ युहन्‍ना 5:18

परमेश्‍वरौ सन्‍टानको सुयेर पाप जाट्‍न माङुले हीजैडेनाङ परमेश्‍वरौ मीजै होसकी सधैँ जोगडीयार डाले, र शैतानै होसकी हानी जाट्‍की न माय्‍होक्‍ले। इसे कुरा कानकी थाहा ले।

१ युहन्‍ना 5:4

हीजैडेनाङ परमेश्‍वरौ सन्‍टानको काट-काट जनै दुष्‍ट संसारकी जुकी य्‍होक्‍ले। कानुङ विश्‍वासै न कान संसारकी जुले।

३ युहन्‍ना 1:11

ङौ जाक्‍च लाफा, मास्‍च कुरा सुलकीङ र मालाकी, टर सेछ कुराको मट्‍टै लाकी। सुये सेछ काम जाट्‍ले, होसे परमेश्‍वरौ भर्मी हो, सुये मासेछ काम जाट्‍ले, होचे परमेश्‍वरकी माचीन्‍डीमने।